من واقع سوف أنساهـ
ياوجيه= الأقنعه
خِط ياخَط المعاني قاف فالوزن الثقيل=البِدَانه من مدحها غير في قاف(ن) ملي
إشرح المعنى يسَيّر من عِمِيل إليا عِمِيل=لين يّفجِر بطنه اللي ذاق من لحم الطلي
عَلّم أشباه الرجال اليوم من طيبي تشيل=عادة أشباه الرجال إتنافس إبلبس الحِلي
والنفوس الطايله ماهي عن الصمله تميل=لا سِمعت القول هذا رجّع القَاله إلي
برسل المضمون ياصل صَب في إذن الذليل=لين ياصل راسه اللي بالرّخامه ممتلي
إنفضه ثم إرتكز له يا ولد منت القبيل=لا بغيت اليوم اقابل جبت لي وجه(ن) جلي
جيت لِك يوم(ن) لقيتِك وأنت لك قلب(ن) عليل=جوف صدر(ن) باللهايب كان يغلي به غَلي
يوم جيتك جيت فزعه قول له فعل ودليل=مِثلِ صخرة يوم جيتِك جيت من منزل عِلِي
مابخلت بطيب فعلي يوم لك فعل(ن)بخيل=عاقِد إعلومني براسي منظري ماهو خلي
فرق مابيني وبينك فالمواقف ياقليل=الرجال إلها فعايل والنِسا إلها ولي
أنت شخص(ن) لو تِجَمّع ما نِجَمّع به حِصِيل=مثل قِشّ(ن) في طحين وبَيّنِه لي مِنخلي
مايفيدك ( يا وجيه الأقنعه ) وجه(ن) جميل=ماتجمّل فالسّوابِق كيف عاد اللي تِلي
ذاق من لحم الطلي : - ( لها معنى على مايقال في بطن الشاعر )
العرض العادي
