بسم الله الرحمن الرحيم ....
حكاية العلم من الصغر للعجز ( مو هم يقولون اطلب العلم من المهد للحد ) ما
يخالف نطلب ابوه وش ورانا بس العلم على اصوله صح ولا لا
يالله اعلمكم السالفه من طقطق لسلام عليكم ( على قولة المصاريه )
---------------------------------------------------------------------------------------------------------
نقوم عالفجر على صياح الديك وشقشقة العصفور لا لا خلاص نبطل بكش
وتقوم امي تصارخ علينا : قوموا قوموا قدنا ظهر وانتم نايمين قوموا
يالله صلاه صلوا والبسوا يله قوموا افففففف صوتي راح منكم
ريم وهي تحك راسها وتتفوه : اليوم اول يوم مو لازم اروح وبطني تعورني
وراسي مصدع ما نمت سهرانه امس على ما يطلبه المشاهدون ووو خليني
اغييييييييب
امي جات معصبه وهي تاشر بالخيزران : بتقومين ولا لا ( والخيزران تلفلف
بيدها )
ريم وهي خايفه : لا لا خلااااص بقوم بقوم ....
امي وهي معصبه : قداااااامي عالمغسله توضي وصلي والبسي فكيني
يالله
ريم وهي ميته خوف : طيب طيب خلاااااااص
المهم صليت ولبست المريول الرصاصي ( اففففف لا تذكروني :mad كلشي
غصب غصب افففففف
المهم فطرتنا امي ويا الله قالت :توكلوا على الله >>>>>طاااااابور عالسياره .
.. ومضاربات من يقعد جنب الشباك .... ؟؟؟ قلت لاخوي الكبير : اخر طلعه
انا قعدت بالوسط مفروض اقعد هالمره عند الشباك ...
قال اخوي الصغير لاخوي الكبير : لا البنات يقعدون داخل الواجب الرجال هم اللي
عند الشباك
قلت لاخوي : حرااااااام ابي اتنفس هواء ... كم عمرك انت ياللي تقول رجال
7 سنوات !!! ما قلت شي رجال بس هالمره دوري لا تحاول ....
اخوي الكبير : ترى العقال بيشتغل عالصبح
قال اخوي الصغير لي : خلاص اخر مره تجلسين هنا
ريم وهي فرحانه : طيب قابلني ...
------------------------------------------------------------------------------------------
وصلت المدرسه .....
وادخل المدرسه قد البنات صافات الطوابير ياويلي ويلااااااه من المديره
بتهزئني تهزيئ ماوراه وادور لها اناظر يمين يسار الحمدلله مهيب
موجوده ايوه هذولي المديرات ولا بلااااااااااش نايمه وتاركه المدرسه
على كيف كيفها ....
شوي وتمسكني من مريولي المشرفه تقولي يا بنت وش ذا المريول ؟؟؟
قلت لها : وش فيه مريول ؟؟؟ تقول لا لونه رصاصي بس مايل للرصاصي الفاتح
حنا نبي رصاصي مايل للرصاصي الغامق
واقول لها : يا استاذه كلها رصاصي الغامق والفاتح
تقول المشرفه : لااااااااا يختلف
واناظر لبسها مفروض يكون تنوره سوداء وبلوزه بيضاء وهي لابسة لي احمر
في احمر ..... قلت لها : خلاص يا استاذه وش تبيني اسوي ؟؟؟
تقول : بكره مريول جديد واللون اللي قلت لك عليه هذا نظام
اقول : امحق نظااااااام
قالت : وشو ؟؟؟ قلت : لا لا ابد طال عمرك ابشري باللي يغير جد مريولي
بكره .... اليوم وشوله بكره .... قالت وهي مبسوطه : لا خلاص على راحتك
----------------------------------------------------------------------------------------------------
ويالله عالاذاااااااااعه ( تحية الصباح ) يا طولها طولاااااااه ... ساعه بنت صوتها
راخي والثانيه صوتها يلع لع ... والثالثه صوتها نااااااايم ...المهم
الراس تفجر من الصداع ....وحنا ملزومين نسمع هالاذاعه بالاصوات الاكثر من
روعه ولا فيروز يا عالم ولا احلام ... يطيحونهم بالارض ... هذولي يقولون
حكم ...حكم ..... امثال ... تحف ... وبعد ما جابوا لنا الصداع قالو لنا توكلوا
عالفصول ..
---------------------------------------------------------------------------------------------------
المهم
اقول لخوياتي بالفصل : يالله صباح خييييييييير هذي الحصه الاولى بسم
الله
قالوا لي : شوفوا ذي العجوز كنها عجوز وسطنا ....
قلت : انااااااااا انتم ميدي
قالوا : اييييييييه وش يالله صباااااااح خير دقه قدييييييييمه ... قولي
سواح وانا ماشي فحالي ..... سواح ايه اللي بيجرالي ....
قلت : ايييييييه يالله صباح خير
---------------------------------------------------------------------------------------------
ودخلت المعلمه بدون ما تسلم تخبرون السلام عليكم ورحمة الله وبركاته تاخذ كم
احسبوا كم حرف ؟ اففففففففف يا طولها 27 حرف يا مكثرها ...
بس شاطره تتكشخ بالملابس وتتفنجر وتضرب بودره وروج ... هذي الاشياء
ما تاخذ وقت ... المهم تدخل المدرسه ... وفيها نوووووووم وحامل
وما لها نفس في شي
تقول : يالله يا بنااااااااات يالله طلعوا الدفتر والقلم والكتاب واللي نست توقف
يالله لا تعطلونا ... ورانا درس طويل اليوم
المهم وقفوا نص الفصل ....
تقول : بنات وش فيكم ناسيين الماده
اللي تقول ابوي مريض واللي عندنا ضيوف واللي مريضه انا واللي نسيت
واللي واللي ...
قالت لهم : اجلسوا اخر مره
اييييييييه والله ما الومهم لا نسوا الماده اصلا كلها ... ونسوكي معها ...
قالت المعلمه : يالله احد يمسح الصبوره
قامت بنت ومسحت الصبوره .... قالت المعلمه: يله اكتبوا وراي
قمنا فتحنا دفاترنا ونكتب وراها ونكتب ونكتب ونكتب ...
قالت : بنات كتبتوا
قلنا : ايوه يا استاذه
قالت : اي سؤال ؟؟؟ عن الدرس
قلنا : لا يا استاذه
قامت ريم من حظها النحس تسالها : استاذه انتي شرحتي شي عشان نفهم
قالت المدرسه : نعم نعم نعم وهذا اللي عالصبوره وشو
قلت : استاذه هذا دش كلام بس بس ما في شرح
قالت : وش اسمك ؟ بكتبه عندي ناقصه درجتين للمشاغبه
قلت : استاذه وش سويت
قالت : كل كلمه زياده عليها درجه الى الان 3 درجات حسبي الله
عليك طيرتي نومي
رن الجرس توووووووووووووووت تووووووووووووووت
-----------------------------------------------------------------------------------------------
نجي للحصه اللي بعدها وانا طاقه معي قبل شوي 3 درجات لاخر اليوم
الله يستر كم تجي مدرسة الرياضيات ....
قالت : السلام عليكم
قلنا : وعليكم السلام
اييييييه هذي المدرسه السنعا
شوي تقوول : يالله يا بنات طلعوا الواجب ؟ بشوفه بسرعه خمس دقايق لا تروح
الحصه ؟ واللي ما حلت توقف من الحين ؟ واللي غشت توقف من الحين ؟ ما احب
التهزيئ من الصبح ؟ يالله اشوف يالله تحركوا
وقاموا نص البنات اللي نست واللي غشت واللي ما حلت ...
قالت الاستاذه وهي تدور عالواجبات : اوكي عطوني اسمائكم كان
ودي ما يكون هالفصل الرائع اللي ماخذه عنه فكره طيبه وهالبنات بالصوره
هذي
شوي رجعت عند الصبوره بعد ما خلصت تفتيش ورجعت تشرح
قامت البنت اللي جنبي تطلبني مناديل قلت لها بصوت واطي : ما عندي
قالت المدرسه : ريييييييييم وش تقولين لزميلتك انا كم مره اقول
لاحد يتكلم اثنااااااء الشرح وشو الشي الضروري اللي خلاكي تتكلمين
ريم وهي ما تحب الابله تزعل منها : استاذه ...هنادي تطلب مني مناديل وانا
قلت لها ما عندي
الاستاذه : قومي وقفي الى اخر الحصه
ريم وقفت يا حرام من غير نقاش .... بس مع ذالك تحب المدرسه هذي نموذج طيب
للمدرسات ... خلصت المدرسه شرحها ... وقامت تسال في الدرس وتشوف اسئلة
البنات ... وانا يا حرام اكسر الخاطر ...الين صفرت الحصه وطلعوا البنات للفسحه ..
------------------------------------------------------------------------------------------------
ويالله انا وحضرميه نمشي ... ونمشي في الساحه .. ..
ريم : حضرميه روحي اشتري لنا تريني جوعانه
حضرميه : معاش فلوس
ريم : لا ما معي دايما اباشر عليك باشري علي مره وحده
حضرميه : يووووه خلاص طيب تكسرين الخاطر اليوم لحظه
وتروح حضرميه للمقصف ... ويالله مضاربات البنات ...
وشباك واحد للمقصف بس للمدرسه كلها ...
حضرميه : كنكن لكن الراعه تشلكن كل هذا على بطونكن .... يا خزوتكن
عاد باقي فوق البطن لحيه يا بي منكن فضحتونا يا يوي يا بووي
ردت وحده من البنات : اقووووول فارقي احسن لش لا يجيش اللي ما يعجبش :
mad: انا قبلك لا تحاولين
حضرميه : طيب لش الراعه وقالوع يا خنش باخذ محلش .... شكلش
غرمتي ...
وتقوم حضرميه تضارب البنات الين وصلت للبنت اللي تبيع بعد شد شعور وبعد
كلااااااااام كلاااااااام الله لا يوريكم
حضرميه تناظر المقصف : ايه هوذا هذا بالله اكل
مصاصه وكاكو وبطاطس وعصير معلب وين الفطور الزين
قالت البنت : هذا الموجود تبين اهلا وسهلا ما تبييييييين انقلعيييي
حضرميه : ما حدنا على حضنه غير البرد ... هاتي هاتي لش بندق هاتيلنا
نص عصير وربع بطاطس ... كم يكلف ؟
البنت : اقول روحي نشوف اللي بعدش .؟؟؟
حضرميه : اقولش كم يكلف ؟
البنت : ما في نص وربع اللي طلبتيه يكلف عشره ريال تبين اهلا وسهلا
حضرميه وهي ماسكه على راسها : يا بوووووووي البنت غرمت غرمت اكيد
البنت : الفسحه بتخلص خلصينا وراكي بنات
حضرميه : يا بوي قلبي يتقطع عالفلوس خذي حسبي الله عليكم
حنا طالبات ... احوال بعضنا تعبانه .... كيف بطاطس وعصير بعشره ريال
لكم ساااااحوووق يسحقكم ....
حضرميه اشترت من هنا ورن الجرس من هنا ... وجات لريم ..
ريم : انا ادري انك ما تبين تشترين
حضرميه : حرام عليش ... خذي تدرين كلفني 10 ريال
ريم : احسسسسسسسسن حسي فيني شوي
حضرميه : والبنات اللي ما يقدرون يدفعون يعني يموتون جووووع
ريم : ايوه حبيبتي يموتون الين يشبعون موت ...اللي معاه ريال يسوى ريال ...
واللي معاه مليون يسوى مليون ... واللي ما معاه شي ما يسوى شيييييييي
فاهمه ولا لا
ومشت ريم لاهي اللي اكلت من فسحتها .... ولا حضرميه اللي سلمت من
فلوسها اللي راحت عالفاضي ...
=================================================
ريم الجنوب
العرض العادي
