السلام عليكم ورحمة الله وبركاته
عرفتها بصدفه وراحت مني بصدفه
تبدا القصه قبل اربع سنين كنت في ثالث متوسط وناقله جديد في المدرسه يعني ماكنت اعرف احد ابد طبعا كان اول اسبوع اهو اسوء اسبوع بنسبه لي لانى ماقدرت ادخل مع البنات
في الاسبوع الثاني في الحصه الثالثه دخلت علينا التيتشر حقت الانجليزي وقالت انها تبي تسوي اختبارتحدد فيه لغتنا الانجليزيه ,
فرقنا الطاولات بحيث انها صارت عباره عن صفوف مستقيمه وبدا الاختبار ,, في وسط الاختبار سمعت صوت زي طيحه القدر هههه> لا اراديا التفت للبنت الي جنبي والي في نفس اللحظه كانت انضارها علي بعد ثواني بدينا في نوبه ضحك غير طبيعيه كل وحده تضحك على رده فعل الثانيه .. وهنا بدت علاقتي معا هالبنت , في خلال سنه وحده صرنا خوات قبل صديقات ساعدتني اني اتاقلم على المدرسه وشجعتني اني اشد حيلي وكانت دايما تحرصني على قرائة القران وحفظه تعلقت فيها بشكل لا يوصف تخرجنا من المتوسط بتفوق ورحنا الثانوي واخوتنا في ازدياد مستمره
كانت زي البلسم الى تداوى كل الجراح وابتسامتها العذبه تنسيك هموم الدنيا
درسنا اولى ثانوي وثاني ثانوي وتخرجنا بامتياز كنا متحمسين لثالث بس كان حماسها لدراسه بزيده و مرت الاجازه سريعه وكان باقي اربع ايام بس على الدراسه
في هذا اليوم كنت بسوق مع الوالده وماكنت فاضيه وفي عز انشغالى رن جوالى وكانت هي المتصله بالعاده اول ما تدق على ارد فورا بس ما ادري ليش ما رديت عليها ,,
دقت مره ومرتين وثلاث بس ما رديت عليها
كنت حاطه في بالي اني اذا رجعت البيت بكلمها بس نسيت في اليوم الثاني دقيت عليها بس ما ترد حرقت الجوال بس ما ردت حسبتها تردها لي لاني ما رديت عليها اول انتظرت لين المغرب ولا جاني اي اتصال منها ولا ترد على جوالها قلقت عليها وما قدرت اتحمل
قلت ادق على اختها في البدايه ماا ردت بس لان اتصالاتي كانت كثيره ردت علي وكان صوتها ما يوحي بخير اول ما سمعته حسيت ان في شي بسرعه سالتها وين مرام ولا ردت عدت عليها السوال بس ما ردت وبدت تبكي تاكدت هنا ان مرام فيها شي قلت( وش فيها صار لها شي ..) قفلت الخط في وجهي ولا ردت علي دقيت عليها بس تعطيني مشغول
جلست تقريبا عشر دقايق احتريها والجوال بيدي فجاه رن جوالي معلن عن قدوم رساله جديده وكان محتوتها
( مرام تطلبك الحل )
جلست تقريبا فتره استوعب الرساله نزلت عند امي وعطيتها الجوال وانا ساكته قرتها امي وشهقت لا حول ولا قوه الا بالله ...
عرفت بعدها انها تعرضت لحادث سياره وماتت على طول بينما اخوها تضرر بشكل بليغ .
مرت سنه على الموضوع والا الان ما نسيت لدرجه اني اشوفها في كل مكان بس بمجرد ما ينطقون اسمها اجلس ابكى بحرقه , ماتت اختي ماتت صديقتي ماتت ملاذي الاخير , الهم لا اعتراض على مشيئتك انا لله وانا اليه راجعون .
۩ قصـــة عرفتها بصدفه وراحت مني بصدفه
العرض العادي
