شائت الاقدار باافراق الحبايب
وهلت العبرات من عيني ذريفه
وش بقى وش عاد باقي للطلايب
دام ظنك خاب فيني يالوليفــــه
والله اني من دروب العشق تايب
كان هذا العشق ودروبه كليفه
يالكحيله كل ماقلتي عجـــــايب
واكثر علومك نتايجها مخيفه
مشكله رايك طرح مخطي وصايب
وفيه راي ثاني وعندي بضيفه
في زمان فيه ياكثر المصايب
الحقيقه باقي رجال عفيفــه
باقي رجال يسدون النوايــــب
وباقي اهل العز ونفوس شريفه
والذي كونك من صلب وترايـــب
وصورك في احلى صور مالك وصيفه
اني أقرب من ظـنـون أهل الركــــايب
لا تعــــزوو00وكل واحد سل سيفــــه
واني ابعد من مطامع كل خـــــــــايب
بعـــد حايل عن بحـــــر جده وصيفــه
الأ صـــــاله ورثتني من راس شــــايب
شــــايب(ن)وصى على جـــــاره وضيفـه
قال لا حـطـو على قبري نصــــــــايـب
ارفعو صيتي على جبال(ن) منيفـــــــه
ماخذيت الطيب من غيـــــــره نهــــايب
ولا تسلفتــــه من نفوس ضعيفـــــــــه
ومايهـــز الضلع نسنـــــــاس الهبايــــب
ولايشــــوف النور من عينه كفيفــــــــه
ولا يطول الشرح وتطول الطــــــــلايب
السخيف يموت وافكاره سخيفـــــــه
والشريف يتوه في دنيا الغــــــــرايب
لو يموت بعز والموته شريفــــــــــه
والنهايه فهي حاضر وغــــــــــــايب
في العقول اثقال واوزان خفيفــــــــه
وســــــــــلامتكم وتقبلو مني تحياتي اخوكم جسم بلا روح