اموت بعيونك ولاهان باقيك *** كلك حلو بس الحلا في عيونك
انساك لحضه واذكرك باقي العام *** حتى وانا ناسيك نسيت وذكرتك
اشوفك حلم مثل احلام خلق الله *** لاني بطايلك وان فتحت ضيعتك
اضحك حبيبي دام وقتك مسليك *** بكره تموت من القهر لانسيتك
تعبك راحه واحبك مهما تتعبني *** شفت الغلا كيف سوا من التعب راحه
من يقول انك تكون من البشر *** البشر من طين وانت اصلك ملاك
ياحبيبي لاتقارن بين حب امك وحبي *** اخاف من عينك تطيح الامومه
لاجيت انادي غيرك اخطي واناديك *** من زود حبي لك نسيت الاسامي
احاول ابعد عنك من كثر ما اغليك *** عكس البشر خايف غلايا يضرك
كل غايب يغيب الا غيابك حضر *** لك حضورن في غيابك حسبي الله عليك
امر تدلل بس لاتطلب الشوف *** وشلون اشوفك وانت ماخذ عيوني
خذني لدنيا بعيده مابها غيرك *** ماودي الناس في شوفك تشاركني
القلب يجبرني عليك انت بالذات *** ولا العرب واجد وغيرك مزايين
قال انا كني غريب ضيع دروب المدينه *** قلت انا كني مدينه تنتظر رجعت غريب
تضحكني الدمعه ويبكيني الضحك *** دمعة وفي ولا ابتسامة منافق
اخاف اغمض عيوني وان رمشت افقدك *** واخاف افتح وتصبح حلم ولا التقيك
تعبت ارحل مع وجيه البشر بنساك بالترحال *** ولا ادري وش يجيبك في وجيه الناس واهلي
اوادعه وامشي واقول انتهينا *** ومن باكر ارجع واتاسف واراضيه
يذوب قلبي في نواظر عيونك *** واشتاق لك شوق الغريب لدياره
اقعد واشب النار واذكر وليفي *** وبحجة الدخان ابكي على كيفي
جعل عينن عقب فرقاك تفقد بصرها *** عينن بلا شوف الحبايب مالها قيمه
حبيتك الوقت كله مابقت ساعه *** تركت لك هالدقيقه حبني فيها
تدري لو الحب في يوم يتكلم *** كان قال شوي خف الله يهديك
كل دار تضمك ليتها صدري *** وكل عين تشوفك ليتها عيني
سلمت لك قلبي مع الروح تسليم *** وارخصت لك عمري هديه وتذكار
من زود حبك مايجي عيني النوم *** ومن كثر مااسهر باعو اهلي فراشي
قلت ابكتب لك رساله كلها لوم وعتب *** ويوم انهيت الرساله غير احبك ما انكتب
نجحت في حبك بتقدير ممتاز *** لاكن عساي القى في قلبك وظيفه
مشتاق اشوفك يابعد كل الاصحاب *** ودي بشوفك ماتفيد الرسايل
لو ادري اني في منامي بشوفك *** حرام لقضي دنيتي كلها نوم
حبك بقلبي مثل وشمن على كف *** يموت راعي الكف والوشم باقي
انت الفرح دايم لاصابني ضيق *** وانت السند لاكشرن سود الايام
من حبكم قمت البس الثوب مقلوب *** وانشد عن الغتره وهي فوق راسي
ياليتني لابغيت اكره قدرت اكره *** ماكان قلبي ليا جيت اكرهك عيا
بشرب من الدله لو كان بها سم......ما اهز فنجالي ولا اقول كافي
مادامه بيمناك وتقول لي سم...... بسم الله اشرب وكل سم عوافي
جيت المكان اللي قعدنا به اوقات *** وعجزت اقعد في مكاني دقيقه
قلبي معك لو شفت حسي مع الناس *** ماغاب طيفك عن خيالي دقيقه
ليت المسافه بيننا بس مترين *** يمشي متر وامشي متر وانتلاقى
من غدر الايام جيتك كارهن نفسي *** لوقلت وش فيك بكيت وقلت محتاجك
ازعل وان كان حبة الكوع ترضيك *** كسرت يدي لك وحبيت كوعي
قبل السفر ودي بنظرة اخيرة *** اعيش فيها باقي العمر واموت
أتمنى إن ذووووووووقي عجبكم
أختكم / سموره
*3