مرة من المراريت ( حلوة مرة من المراريت هذي ههههههههههههه ) كنت ماشي في احدى الأحياء وفجأة سمعت فتاة تبكي
فالتفت إلى مصدر الصوت فودت بنت أمورة حلوة صغيرونة اسمها نوف(لاحظو انها احد أعضاء المنتدى ) تفرك عينيها من البكاء فحنيت عليها وقربت منها وسألتها : وش فيك تبكين .؟؟؟!!!!!
فردت علي : فيه واحد آخذ الاسكريم حقي
فأخذتني الشيمة وقلت : أفاااااااااا يا ذا العلم أحد ياخذ اسكريمك وانا فيذا ( فيذا = هنيا ) راحت الرجاجيل
<<<<<<<< قلب الأخ بدوي
فقلت لها : وين الرجال هذا ؟ ؟؟؟!!!!!!!!
قالت لي : هناك .... وشاورت على مكان
قمت قلت لها : تعالي وريني إياه
فقامت بعد ما مسحت دموعها واتجهنا ناحة المكان اللي اشرت عليه وقالت لي هذا
التفت محل ما شاورت فشفت جدار وفيه حفرة في النص
رجعت التفت عليها وقلت : وينه ...؟؟؟؟!!!!!!!
رجعت أشرت على نفس المكان وقالت : هذا .........
رجعت التفت على محل ما شاورت وقلت لها : ويـــــــــــــــن ؟؟؟؟؟؟؟؟؟؟؟؟!!!!!!!!!!!!!!!!
فردت علي واشرت وقالت : هــــــــــــــــــــــــــــــــــــــذاااااااااا ااااااااااااااا
بدأت اركز شوي وفجأت اكتشفت ان الجدار اللي كنت اشوفه هذي كرشته والفتحة اللي في الجدار هذي سرته
بصراحة انا شفت الموقف كذا ترددت السرة حقته واصلة لين وجهي وكنت انا حاط في بالي اني بامردغه مردغة مبرحة وحاط في بالي اني يا قاتل يا مقتول لكن للأسف سرعان ما انشالت الأفكار هذي من راسي وعرفت اني انا اللي باتمردغ مردغة مبرحة وراح اصير يا مقتول يا مقتول أنا بصراحة يوم شفته قلت في بالي هذا لو مسكني بيشقني نصين
المهم رفعت راسي فوق وعينك ما تشوف إلا النور وجه عبوس ما يتغير وهذاك الشنب اللي تقول ستارة معلقها في وجهه لا ويلعب لي الشنب حقه كنه يقول توكل على الله ازين لك وهذاك الزند اللي توقف عليه البقرة مو الصقر .
قمت رجعت حق نوف وقلت لها وش رايك اشتري لك آيسكريم على حسابي قامت رجعت تصيح وقالت لي لا انا ابي الآيسكريم حقي
حاولت اسايسها يمين يسار يهديك يرضيك الاخت حنان ماسكة في راسها إلا الايسكريم حقها
قمت قلت خلاص يا ولد توكل علىالله وتحمل اللي يجيك انت الملقوف انت اللي تستاهل وقاعد اقول في خاطري ايضا دمي في رقبتك يا نوووووووووووووف
المهم رحت لبو شنب وقلت له : لو سمحت اخوي ..........
<<<<<<<<< قلب اخلاق علشان لا ينجلد
رمقني بنطرة حادة وقال : وش تبي ؟؟؟؟؟؟؟؟!!!!!!!!!!!!
قلت في خاطري بدينا من الحين حتى الأخلاق تجارية لا وجه ولا اسلوب الله يعين
قمت قلت له : ياخي انت رجال كبير مو حرام عليك تاخذ الأسكريم حق البنت وتخليها تصيح ؟؟؟!!!!
رد علي وقال : يعني من الأخير وش تبي ؟؟؟؟؟؟!!!!!!!!!!!!!!!
قلت في بالي الله يستر
قمت قلت له : ممكن تعطيها الآيسكريم حقها ونا اشتري لك واحد جديد على حسابي
قام رد علي بلا مبالاة وقال : No...........
قلت في خاطري : وووووووععععععع الأخ على باله انجليزي ومثقف يا شينها من حلجه
قمت التفت على نوف واشوف العبرة خنقتها وكانت بترجع تصيح قلت لها : لا ... لا .... خلاص الحين اجيبه
قمت دقيت اللطمة ونقزت هذيك النقزة اللي تقول بروس لي والقط الآيسكريم من يده أنا ما امداني توصل رجولي للأرض إلا واشوف ابو شنب ووجهه تحول وطلع له قرون من فوق راسه وصارت عيونه حمر تقول ثور هائج عرفت ان الدعوة فيها كررررررر وفرررررررر بس الأخ ابو شنب الظاهر ما عنده فرررررررررر ما عنده إلى كر بس
المهم انا شفت الوضع كذا فأطلقت رجولي للرياح شوي اشوف ابو شنب إلأا الغبار يطلع من تحت رجوله تقول تريلااااااا 18 سلندر ام شكامين على فوق
واشوفه يقرب مني شوي شوي وكل ما اشوفه يقرب سبحان الله تجيني قوة إلهية من حلاة الروح تزيد السرعة عندي واحصل رجلي اللي ورا تصفق في قفاي ورجلي اللي قدام تصك في صدري المهم
مع اني كل ما اسرع زود اشوفه يقرب مني يعني ازيد السرعة ماش بو شنب حالف يمين إلا يمسكني
المهم يوم شفته قرب مني مرة بحركة مفاجئة ومباغتة كذا ومن غير ما ادق اشارة لفيت يسار بسرعة
فجأة التفت وراي علشان اشوف هل هو قريب مني ولا لا ؟؟؟؟
ولا اشوف قاعد يتدربح على الشارع تقول برميل كبير
أنا بصراحة من التعب وصل برطمي التحتاني لين صدري من كثر الشهيق والزفير
المهم قربت منه شوي شوي وعرفت وعرفت بعدها انه في غيبوبة
فجأة التفت على نووووووووووف شفتها قاعدة تطالعني قمت انا التفت على ابو شنب هذا وقلت له : مرة ثانية لا تاخذ الآيسكريم حق نووووووف ولا ترا بأجلدك جلد عمرك كله ما شفته ....... ورفسته رفسة خفيفة (تعرفون مسوي فيها قوي)
الثور الهائج هذا المتمثل في صورة بني آدم بدا يتحرك عرفت ان الرفسة صحته قمت مسكت يد نوووووووووووف واطلقت العنان لرجولي
يوم حسيت اني بعدت شوي وقفت وقلت لنووووووووف هذا الآيسكريم حقك ومرة ثاية لا جيتي تروحين تشترين آيسكريم خذيني معاك
قمت اقول في خاطري : ايه هين تعالي قابليني إن شفتيني مرة ثانية
* العذر والسموحة من الاخت نوف بس بما أن هذي أول قصة لي فأنا خليتك البطلة وكنت محتاج لضحية علشان أكتب عنها
المهم يا شباب هذي أول مشاركة لي يعني ابي تحميس لي علشان أكتب لكم قصص ولا إذا ما تبون أستمر معاكم قولو لي ولا لا تردون على موضوعي علشان ما عاد أكتب
تحياتي
عاشق الخبر
العرض العادي
