أبسألك ..ماأبي منك إجــابه..
ياحنين العمر ..ياأنتي شبابه..
أبسألك.. وانا الأرض..
وحبك مطر وإنتي غيابه..
أبسألك ..لأجل العطش..
وش تكون الأرض ..بلا مطر..وبلا
سحابه..
*********
ولامنك سحابه..عانقتني أرض..
والتقينا..
لهفة الغيمه..وشوق كل الصحاري..
أزهرت كل الورود إبيدينا..
وإبتدينا..
وتصرخ أطراف الصحاري ..
ماأرتوينا..ماأرتوينا..!!
*********
وإن رياح الوقت هبت..
وأبعدت كلي من البعض..
وافترقنا..
حنانك ياحبيبه..وظما كل القفاري..
وذبل الزهر إبيدينا..
وإنتهينا..
ومن الوله كل مافينا..
ينـادي ماأرتويــنا.. ماأرتويــنا..!!
**********
أبسألك حبيبتي وشو العطا..
هالمبادي صح ولا هي خطا..
لاصارت اقدارنا..عكس اتجاه أحلامنا..
واحلامنا بعثرتها هبوب الشتا فـ ايامنـا..
أبسـألك.. وبأسـألـك..
يامنيتي..
وش لهفتك من لهفتي..؟!
وش غيرتك من غيرتي..؟!
أبسـألك..
كيف حبك يقدر يغير ملامح عزتي..؟
***********
أبسألك علميني يا" ..."
ليه أسأل..؟ ليه أجهل..؟
ليه تايه في بحر حبك الأسهل..؟
علميني ..
المعاني للمشاعر..والحنين الصادق
الأعذب..!
الشكوك اللي تصير.. والظنون أكذب..!
علميني ليه انا ظامي على شاطي عيونك..
مااااااقدرت أشــرب..؟!
********
ولامنك دريتي..ومثلي بهمك سريتي..
إسأليني لوماتبين..
كيف ضيع هالالم من صوابه..؟
كيف غيرها السواد من ثيابه..؟
حبيبتي ماأظنك تجهلين..
وش خطوط العمر في ظهر اليدين..!!
وش بياض الشيب في قل السنين..!!
ماأبي أسأل ..
وماأبي تـتـسـاءلين..
ولو كنت أجهل..
ماأظن تتجاهلين..
السؤالات اللي تشابه..
مالــها فيـنا يـاعـمـري إجــابــه..
العرض العادي
