المرحله الاخيره لمسابقة همس القوافي

[alhanoof]

بسم الله الرحمن الرحيم

اخواني المشاركين

1- الاجودي

2- الامل الغائب

3- الحر الاشقر

4- هوال

5- نسيم الجنوب

6- القرم

اكمال القصيده فقط اي تعليق هنا يحذف

للمشاركين فقط

اتمنى للجميع التوفيق


البيت المطلوب هو للشاعر عبد الله الرقاص

ان لاتقل القصيده عن 6 ابيات

الليل عدى واشرقت شمس الاحباب

.............................. والكـــــــــــــل منا مــع حبيبه تهنا


تحيات مشرفي همس القوافي

عبدالله الرقاص- مسعد المطيري - آخرة العنقود - الهنوووف - معروف - بندر العجمي

[الحرالاشقر]

[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
الليل عدى وأشرقت شمس الاحباب=والكل منا مع حبيبه تهنا
قالت لعذال الهوى نفتح الباب=ونبني حجر ساس المحبه وطنا
قلت أكثر العشاق للحب كذاب=ابعد عنه لوكان بالحب غنا
قالت حكوا يبغون تفريق الاقراب=ولا تحسبنا نفترق يا مهنا
قلت أختيارك صار من ضمن الاسباب=منساك لو أنك تخليت عنا
قالت ملكت القلب يكفيني اعتاب=هذي حقيقه يامهنا تمنا
قالت أحبك قلت بلابوك ياعقاب=مالووم قلبه جر تسعين ونا
قالت علامك راسك اليوم قد شاب=قلت السبب حبك وحبك فتنا
قالت حبيبي كل عمري والاصحاب=أرخصلك الغالي ولافيه منا
أنا فدى خدك وعينك والاهداب= لو يرسمه رسام يسقط بفنا
ولامن نظرة اللي على الخصر ينساب=قام يتثنى فوق خصره تثنا
جذاب في جسمه وبالزين جذاب= انته جذبت الروح منا ومنا
والله لو دونك شبابيك وأبواب=نذر(ن) عليه لاصلك واتهنا
وسلامة الجميع الحرالاشقر(مهناالعتيبي)
والتوفيق للجميع انشاءالله
[/poet]

[الأجودي]

تحيه خاصه للقائمين على المسابقه النزيها ولكل من شارك في المسابقه التنافسيه

أما مشاركتي فهيا...


اليل عدى وشرقت شمـس الأحــباب

........................ والكــــل منا مـع حبـيـبه تهنـــا

ليـل الهوى محلك مع ريـــم جـــذاب

....................... ياللـــه عسى مايخذ العـقـل منـا

جلست انا ويــاه والـــناس أغــــراب

.................... كــن البشـر غابت ولا أحدن نظرنا

تـجريـبي الساعات مع سود الأهداب

................... ورح الدهــر يروي سوالف حلمنـا

والطير من فرحي يرفرف وينســاب

................... مـــع الهوى كنــه عشق ماعشقـنا

يالعنبـو غيرك ترى الشوق ســلاب

................... يسلـب شباب المحتـــري مارحمنــا

لا غبت ياشوقي ترى الطيف ماغاب

................... كنـك في وسط العين تحرس هدبنــا

من بعدكـم قلبـي مقــفــل ورى بــاب

................... عـيى يجاري من سعـى فـي وصلـنا

تـقـل محـد غيرك رضابه من أصحاب

...................... يامـنيـتـي مالــي جــدا غيــــر ونا

ترى الهوى كلـه صواديـف وسبـاب

...................... ويمنـشـي الأسبـــاب ثبــت فرحنـا

ويامرحبا مليــون وألفيـن ترحـــاب

..................... للـي شعـاعه مختــلج في جســد نا


............... وسلامتكم


الأجودي

[هوال]

بسم الله الرحمن الرحيم

وانا بعد اشكر القائمين على المسابقه، وهذي مسابقتي



اليل عدى واشرقت شمس الاحباب

.............................والكل منا مع حـبـيبه تهنا

في ليلتن والقلب ماهوب مرتاب

..........................في ليلتن والوضع به مستكنا

في ليلتن ما شافنا فيه الاغراب

..........................في ليلتن ما منهم الي زعجنا

في ليلتن كنت احسب الوقت كذاب

.......................في ليلتن ما تنحسب من عمرنا

مغير انا وياه ومـقـفـل الباب

.......................كلن على شوفت بعض مرجهنا

حبيبتي ما مثلها بين الاعراب

...........................حتا بنات الحضر منها تجنا

العين عين الريم والجسم منساب

..........................والعنق منتوقن وبالكف حنا

والغـره الي مايله عند الاهداب

...................وزميمن زودن على الحسن حسنا

محلاك ثم محلاك يازين الاطياب

.........................يالي جديلك فوق ردفك تـثـنا

وقظيت ماباقي من اليل فعجاب

...............................ومداعبه منا ومنا ومنا

واليل عدابي على حسن ماطاب

............................والكل منا في حبيبه تسـنا




وتحيــــــــــــــــــاتي للجميــــــــــــــــــــع

............... أخــــــوكــــم..................

.......... (( هــــــــوال )).........

[الـقــــرم]

[poet font="Simplified Arabic,4,white,normal,normal" bkcolor="transparent" bkimage="backgrounds/22.gif" border="none,4,gray" type=0 line=200% align=center use=ex length=0 char="" num="0,black" filter=""]

الليل عدى واشرقت شمش الاحباب "=" والكل منا مع حبيبة تهنا

وارتاح قلبٍ بين الاضلاع مرتاب "=" يوم التقينا والمشاعر هدنا

والتمت قلوبٍ بها الحب غلاب "=" فى لحطةً فيها الامل ما خذلنا

فى غيبة العذال وعيون الاجناب "=" ندمح خطانا ثم نخفي زعلنا

نروى مراهيف المشاعر والاعصاب "=" اللى من الفرقا تصيح وتونا

بمواجهن يسعى له العود والشاب "=" والعاشق اللى بالمحبة تعنا

نهدم بيوت اليأس ونقض الاطناب "=" قبل بيوت اليأس تصبح سكنا

نبنى قصورالحب كان الهوى طاب "=" لاصدت عيون المقاريد عنا

ونعيش بالدنيا مواليف واقراب "=" يوم اشرقت شمس الهوى في وطنا

لوان قلبي من هوى البيض ما تاب "=" لو العذارى بالهوى يبتلنا

لكن حب البيض ما عنه مجناب "=" من خلقة الدنيا وهن يسحرنا


وسلامتكم امل ان تحوز على رضاكم واعجابكم

الـقــــــــــــــــــــرم
[/poet]

[نسيم الجنوب]

[poet font="Simplified Arabic,5,red,normal,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""]
الليل عدى واشرقت شمس الاحباب = والكل منا مع حبيبه تهنا
اعز نفسي لكن الشوق غلاب = والحال ما ياتي على ما اتمنا
عاتبني الغالي وكثر بالاعتاب = يقول في شوفك ترى ما اتونا
وانت تجافيني مع صكة الباب = ماترحم اللي في محبتك جنا
قلت اعذريني والله الدار منصاب = الحزن في نفسي وداري واهلنا
قالت عذرتك ياحبيبي وما طاب = ليل(ن)يكدر خاطر اللى وصلنا
قلت ارتجي المولىوماخاب طلاب = يسعد ليالينا ويجمع شملنا
انشهد ان الليل في شوفتك طاب = قربك وهمسك خفف اللي جرلنا
انتي كلامك يسعد القلب واطياب = والبسمه اللي زاحت الهم عنا
وانتي ملاك ومن عريقين لنساب = وانتي مثيل الورد عطره وصلنا
وانتي الوفا وصادق الحب جلاب = وانتي العطا ونبض حبك حملنا
ليل(ن)به الاحزان من طلعتك غاب = وليل(ن)بشوفك غايتي هو املنا
[/poet]

اخوكم / نسيم الجنوب

[الأمـ^الغائب^ـل]

[poet font="Simplified Arabic,3,white,bold,italic" bkcolor="transparent" bkimage="backgrounds/10.gif" border="none,7,darkred" type=0 line=200% align=center use=ex length=0 char="" num="0,black" filter=" dropshadow(color=seagreen,offx=4,offy=4) shadow(color=red,direction=135) glow(color=seagreen,strength=5)"]
السلام عليكم ورحمه الله وبركاته

اقدم مشاركتى واتمنى التوفبق للجميع


الليل عدى وأشرقت شمس الأحباب= والكل منا مع حبيبه تهنا

أول تعارف سلهمت سود الأهداب= تبادل النظرات منهن ومنا

من بعدها بدت أحاديث الإعجاب= الفاتنات الناعسات أعجبنا

كل بدى يشرح لحبه بلا حساب = حنا ذبحناهن وهن صوبنا

نزعل ثوانى بعدها نرجع أصحاب= مافيه شك إن البنات سحرنا

نبدى بصفحة حب وندون كتاب=الله هو اللى بعذارى فتنا

إنجسد الذكرى سواليف وعتاب = وجسم على صوت الموسيقى تثنا

جوال صامت تذكرة تكت الإركاب = وهمسة أمل في صوت خافت تمنا

المنتدى لا عاد يفتح لنا باب= كل على ليلاه بالفعل غنا

بقلم / ابـ خالد ـو
[/poet]

[alhanoof]

اخواني المشاركين

مشكورين على المشاركات

وسوف نعلن النتيجه غدا باذن الله

مساء الاربعاء 1-6-1424

ولكم تحيات المشرفين والحكام