[poet font="Simplified Arabic,6,orange,bold,normal" bkcolor="transparent" bkimage="backgrounds/21.gif" border="inset,10,orange" type=0 line=200% align=center use=ex length=0 char="" num="0,black" filter=""]
النجوم الشامخة
[/poet]
[poet font="Simplified Arabic,5,white,bold,normal" bkcolor="transparent" bkimage="backgrounds/22.gif" border="inset,10,white" type=2 line=200% align=center use=ex length=0 char="" num="0,black" filter=""]
ياصاحبي شفت الجبال اللي لها شمخٍ طويل = كلاً يبي يطلع لها .. ولاله جدى كود النظر !!
هذا أنا مثل الجبل شامخ وراسي مايميل = لي هامةٍ مرفوعةٍ ماتنحني ولاتنكسر
لي منزلٍ عند النجوم الشامخه كنه سهيل = نهضت راسي .. ولارضيت بظلم ماسأة الدهر
لا كبرياء .. ولا غرور لكن رفضت أحيا ذليل = فطره ربت في داخلي تبقى معي طول العمر
هذا أنا ماردني جور الزمن والمستحيل = وصلت صعبات النوايف ولا أنحنى فيني ظهر
عزيت نفسي والمواقف ماتبي رجلٍ هزيل = ورفعت قدري باسقٍ راسي وأنا وسط البشر
طبع الجدود اللي صعب تلقى لهم ند ومثيل = يشهد لهم تاريخهم .. وأفعالهم فيها أفتخر
الطيب فيهم والكرامه برهنت رد الجميل = ربعٍ تعلا صيتهم أقصى حدوده وأنتشر
تسمع صقيل سيوفهم وخيولهم تصهل صهيل = واللي زبنهم بالمواجه لازم أنه ينتصر !!
ماتهزهم سود الليالي .. والعزم سيفٍ وخيل = قومٍ شديدٍ باسهم وقلوبهم طيب وصبر
وهذا أنا مثل الجبل شامخ ورأسي مايميل = وأبشّـرك لي هامةٍ .. ماتنحني ولا تنكسر !!
أخوكم / عبدالله الرقاص
[/poet]
[SOUND]http://movn.net/moseqa_alsh3r/moseqa5.ram[/SOUND]
العرض العادي
