هذه اول محاوله لكتابة قصيده كتبتها من قبل ست سنوات تقريبا..رغم علمي التام بأنها غير موزونه لكنها في ناظري شكلها كذا احلى..
[poet font="Simplified Arabic,5,white,bold,normal" bkcolor="transparent" bkimage="backgrounds/2.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
قلت وبقول واكرر القول واعيده=دروب الشيمه والمراجل دروب عسيره
الدنيا يافهد ماهيب والله عنيده=لاشك من خضع لها غصبن عنه تديره
هرج القفا يافهد كثير الناس تجيده=وماني وانا.....فضاح للسريره
لمرد المقفي ياخوك خساره وكيده=وش لي بواحد مايقدر عشيره
مليت كذب ومليت اعذار جديده=وكذب العشير ماهي غلطة يسيره
ياشين من كذب واخلف مواعيده=وياشين من بالكذب يبدي معاذيره
بعض الناس ملزوم بغيره مافك قيده=مايدري درب المصالح حباله قصيره
ودرب الوفا ماهو بفن كلن يجيده=الوفا حب واخلاص صعب تفسيره
درب الوفا ياصاحبي دروبه عسيره=ماكل من بغى الوفا ياصاحبي دله
ماعاد في الدنيا رجا ولا عاد فيها خير=دام الرفيق تنكر لعشرة خله
اللي مايعدني ربح بعده مخاسير=والقلب مابين شوفه واحد حله
انت للردى رفيق وانا للشيمه سفير=كيف يجتمع قلبي وقلبك فيه عله
تبلد احساسك ومات عندك ضمير=وانا احساسي اكبر من انك تشله
امس تشتكي من غيري وبي تستجير=واليوم سيفك في وجهي تسله
ماهو بسرك حاله من عاكسني السير=من تجاوز حد غيره يبشر بالمذله
انت كما نعامه من الحقيقه ماتطير=ودربك وسط الرمال راسك يدله
الدنيامافيهامستحيل مايمكن يصير=حتى الحرام من بغاه استباحه واستحله
انا طبعي واضح مايحتاج له تفسير=وانا سؤال يصعب عليك حله
ياصاحبي منك الخطاماجاك مني تقصير=تخطي واسامح وادمح لك الزله
عساه يفهم قصدي من قول القصيده=وانا داري كثير الحكي يافهد مايثيره
[/poet]
بصراحه اسمحولي على الاطاله لكن قصيده كتبتها من جور الايام
[SOUND]http://www.25q8.com/moseqa_alsh3r/moseqa2.ram[/SOUND]