المـوضــوع هـذا قــديـم لاكــن قــلـت بســدحــه لــكم
بسم الله الرحمن الرحيم
اقدم لكم هذا الموضوع البسيط واتمنى ان ينال على اعجابكم جميعاً
معاني ومفردات قبل البدايه بالموضوع :
صافزن: صاك(ن) وفي روايه اغلق الباب اي صفعه (ينعن ابو التفسير )
تلزيخ: تكفيخ يعني تكفيخ <<< يمديكم على الشرح ؟
المصاله: بثاره وهو مرض خطير يصيب فئه من الناس اللي دمهم ثقيل مثلي
الباقي افتحو الدكشنري عربي اسباني وبتحصلونها في قسم علوم شرعيه ثالث ثانوي <<< محشش خخخخخخخ
شروط للقراء قبل القرايه :
1- اذا انت سعودي واشتراكك ماهو دي اس ال افصل النت لاني ماني متحمل فواتيرك ,,, اما دي اس ال حلله العن والديه خخخخ
2- الموضوع يحتوي على لقطات مخيفه الرجاء عدم اصطحاب الاطفال لاتخافون مافيه تبويس
3- لاتفضلت ومريت وقريت رد على الموضوع لاتتبيثر وتمشي ولا كانك شفت شي
كومووون هير
4- القصه من نسج الخيال مالي اي صله فيها !!!!
5- بحفظ الله ....
-----
كان الجو ماطر (ماطر والا حسين هادي) === الظاهر محدن مكمل قراية الموضوع بعد ذي كان الجو ماطر بارد عاصف غائما وكانت الظلمه شديده لايكسر في هيبتها الا البروق والرعود وتحت تلك الاجواء المرعبه كنت ماسكا خط الرياض لحالي قادما من شقراء بحفظ الله ورعايته حيت كان في وداع سموي في حي الباطن معالي الاستاذ أكبر حسين نائب مدير مطعم فطيرتي خخخخخ
والمسؤول الأول عن قسم البروستد في المطعم وجمع من اصحاب السمو واللحوج والفضيله الفلبينيين وكبار الملحيطن من دشير وحشاشين..
اقول كنت ماسكا خط الرياض لحالي وليس لي من الشيطان طاري.. اغني واهيجن واسولف مع عمري واتهاوش معها واقعد اتناقش انا واياها في موضوع طالبان.. ولكن فجأه وبينما انا في غمرة النقاش مع نفسي وكنت على وشك التحجير لها <-- دلــخ خخخخ
تعطل علي الموتر.. تعطل بالضبط امام مدينه حالمه اسمها اثيثيا يالله من فضلك واثيثية بالمناسبه مدينه رائعة الجمال, عالية الجبال, كثيفة الاشجار, اقتصادها مزدهر والبطاله تصل فيها الى الصفر الا ان الديره اصلا مافيها احد , وطبعا لايحتاج ان اذكركم بأن المدينه مهيب مشهوره بالجن ابد !!
اقول: تعطل الموتر في الزمن والمكان الغير مناسبين تماما.. يالله من فضلك جو صريم والامطار تسنها شلالات ( عاد تسني شفت شلال) والوقت ليل وقدام اثيثيا , يعني الواحد يركض في الشارع مفصخ.. ماحد درى عنه
قلت لنفسي بحنق: إنا لله .. وش السوات الحين .. مالك الا تنزل لذاك البيت البعيد وتروح تقلط عند اهله الين يخف المطر.. وخبرك يا صع صع.. اهل اوثيثيه حبيبين..(ماصارو حبيبين الا يوم احتجتهم) <-- خخخخخخ
وفعلا نزلت بكل بثاره من موتري بغد اتلحفت بكل شي يقيني من البرد القارص والمطر المنهمر.. ثم ذهبت على ذلك البيت بسرعه ولما وصلت طرقت الباب.. فلم يأتني جواب.. طرقت مره اخرى .. ولما لم يرد علي احد قلد ياولد ادخل بس مردود وشكلهم ماسمعو الجرس.. فهجعت الى الداخل وانا اقول .. ياااولد .. أهنا احد .. شوفو لنا الدرب... ؟
ولما دخلت اغلق الباب خلفي فجأه .. فسقط قلبي.. لكن مالي خيار الا اني ادخل من داخل(اجل تدخل من ظاهر) ولعبت على نفسي وقلت شكل الهوا صافزن الباب.. وقلتها بصوت عالي عشان يسمعوني اللي خبركم .. <-- الي هم الجـن
ولما دخلت الى البيت وجدته خاويا على عروشه.. إلا من التحف الجيريه منثره يمنة ويسره وصور الخفافيش وبعض التوابيت وبعض التماثيل الحديديه..
ثم دخلت الى الصاله فوجدت دجاجه محمره ساخنه ومحطوطتن على الطاوله.. ابد بالضبط زي بباي يومه يروح لذيك القلعه هو و اوليف حرمته بالمناسبه للحين حرمة بباي اوليف الى هالحين وهي على ذمته والا طلزها .. انا سامع من القواله انها تطلقت وامداها تكمل عدتها الا وهي ماخذه ذاك الدب البشري).. <-- اقول انثبرر وارجع لسالفتك ازين خخخخخخ
نكمل السالفه:يوم شفت الاكل محطوط على الطاوله طاح قلبي من جد .. لكن قلت ياولد مالك خيار ثاني.. سو نفسك ماتدري وش السالفه .. فقلت بصوت عالي..والله ان حريم اوثيثيه سنعات.. يوم درن ان اهنا ضيف جايهم حطت الاكل وانحاشت يما للعافيه والله
دقيت في الاكل لما قلت بس ..ولما انتهيت من الاكل لقيت اسهم مرسومه على الارض تودي لم المغاسل.. عاد ذي وش لون تترقع..لكني رقعتها وقلت والله ان اهل اوثيثيه عندهم افكار هندسيه مهيب صاحيه.. اجل يحطون اسهم لم المغاسل.. <-- لــوح خخخخخخخ
بعد لو يحطون اشارات عند البيبان(ابواب) تسان تكمل (قلتها من زود الروعه)..ثمن غسلت .. والله مادري انا غسلت والا تبوبحت من زود الروعه.. وبعدين رجعت لم مكاني الاولي ولقيت السفره مشيووله ومشبوبن ضو
(نار للتدفئه او للشاهي والقهوه بدال السرندل) وفوقها بريق شاهي يفوح ومحطوطن كرسي قبال الضو وجنبه شيشه ومنقل جمر.. قلت بصوت عالي .. الله لايهينكم ترى ماله داعي تكلفوون على اعماركم ابقعد الين يخف المطر ثمن اروح ادور احد يصلح موتري.. خخخخخخخخخخخخخخخخخ
بعدها زبطت لي براد شاهي وقعدت على الكرسي أشيش واذكر الله واطالع البروق والرعود والمطر من ورى الدريشه واقول(سبحان الذي سخر لنا هذا وما كنا له مقرنين) طبعا من زود الروعه..بعدها بدو يستهبلون علي ..مرتن يمعطون شعري وينحاشون ومرتن ينطلون علي حصا صغير وانا اقول ياوااالد بس انت وايه.. عيب.. ياثور.. مهوب تسذا..يابش مهندس خلاص.. لالالا ..كلشي سوه الا انك تسحبه هو راس مالي
لكنهم ماعطوني وجه وكلمو الاستهبال..وماتسمع الا تلزيخ فيني وضحك..وانا كنت ماشي معهم وساكت..لكنهم سوو حركه تجاوزو فيها كل حدود المعقول..طفح معها الكيل.. ولاقدرت اصبر..الحركه انهم دخلو طرف منديل في خشمي وفزووني.. نعم دخول منديل في خشمي بكل صفاقه وثقه..بعدها جن جنوني ..فخذت الشيشه وقعدت الزخ الهوا ..والعن..واقولهم اللي ماقدر اخذه منكم الحين اباخذه بالاخره..خلاص ابروح انام.<--
بعدها لقيت اسمهم مرسومه على الارض تودي للدور الثاني وتبعتها الين وصلتني لذيك الغرفه اللي تسنها مقبره من كثر التوابيت اللي فيها (قل قسم) رحت لم السرير اللي محطوط في نص الغرفه وسميت بالله وحطيت رويسي.. وما امداني اغمض الا واناا اسمع صوت يقولي "الصعب ..انفذ بجلدك .. لاتفق كشرتك وتنبسط عند الاك والشيشه..لاتصير مخفه..خلك راكز.. هذا البيت اسمه بيت بن جدعان.. اللي يدخل لمه مفقود واللي طالعن منه يصك الباب وراه..انتبه..تراهم بيلعبونك كم يوم ويوكلونك ثمن يذبحونك..مار بصرك"
فزيت من النوم وانا اقول لأه لأه..لأه .. مش عاوز اموت فيذا.. فجاني الصوت مرتن اخرى وقال.."ابد ماعليك الا العافيه مهوب جازينك فيذا..بيجزونك في مقلط الحريم "قلت طيب" طيب من انت" قال :حنا صوت الناس اللي انذبحو في بيت جدعا من قبل ==== بدت البربسه
قلت لهم:طيب وشلون انفذ بجلدي !!
قالو لي: جلدي والا مخملي!! خخخخخخخخخخ
قلت طسو لابارك الله فيكم.. والله لو ان الجن ذابحيني قبل لاسمع ذا المصاله وفي الوقت تسان اهو علي (( غافلتن معــه ))
قالو : معليش لازم تحملنا .. وحنا قلنا لك ذا المصاله عشان يشتد عودك وتعود على مواجهة المواقف الصعبه..
قلت لهم: مهيب مشكله , بس اكل العنب حبه حبه مهوب تطبون فيني فيذا..
قالو: طيب اسفين وحقك علينا ..لكن تذكر تنقذ نفسك
قلت لهم: طيب وش لون انقذ نفسي.. ولا معي لستك === بديت اتدرب
قالو لي : عشان تنقذ نفسك .. لازم تجمع سبع مفاتيح وعشان تاخذ المفاتيح لازم تحل سبع الغاز.. والالغاز هذي تبي تلقاها منقوشه في مجلس الرجال .. ومقلط الحريم..وحمام الشغاله..والصاله..وغرفتين جنبك.. والمطبخ..وعلى كل لغز تحله تحصل على مفتاح..بس تذكر شي مهم بالحيل ترى لازم تحصل على المفاتيح قبل ست الصبح.. وان جت الساعه ست وانت ماطلعت فعز الله غديت طعام جحوش ولا لك سنع
وامداهم يقولون ذا الكلمه الا وانا فاز من فراشي ورايحن احل الالغاز:
حل اللغز الاول
رحت لم الغرفه اللي جنبي ولقيت منقوش على حدى جدرانها اللغز التالي "قاهور العذارى , ومحوم بسبود التماسيح؟؟"
قعدت افكر في حل اللغز تفكير منطقي..قلت العذارى شكل معناها النامس..وشو الشي ياصعووب بس اللي يقهو النواميس ويحوم تسبود التماسيح..الحل هو الفليت لكن مانزل لي شي ولاجاني مفتاح.. فقعدت اعيد ترتيب افكاري وقلت التماسيح شكلهم الشباب ..إذا من الطبيعي ان العذارى هم البنات..ثمن فكرت شي يقهور البنات ويحوم تسبود الشباب ..قعدت افكر وافكر.. ايه لقيتها الحل هو "ركب البنات"
وامداني اقولها الا ومفتاح طويل من فوق راسي ثمن خذته ورحت لم الغرفه الثانيه عشان احل لغزها
اللغز الثاني
لقيت منقوش على الجدار اللغز هذا "هادم اللذات , ومفرق الجماعات؟؟"
قعدت افكر هادم اللذات ..شكلها المطرقه..مفرق الجماعات شكلها الهواش..طيب وش العلاقه بين الهواش والمطرقه..وش العلاقه.. كلهن يدخل الحديد في تركيبهن!!(الله من زين الاستنتاج) لا فكر من جديد ياصعوب. وشو الشي اللي يهدم سعة الصدر ويخلي الناس يروحون لبيوتهم..ايه لقيتها"المصاله" وامداني اقولها الا والمفتاح طايحن علي من فوق وخذته ورحت لم مقلط الرجال عشان احل اللغز خخخخخ
اللثالث.
اللغز الثالث
لقيت منقوش على جدار مقلط الرجال التالي"يمشي وهو ميت..مايتنفس الا اذا اطظر..بتعفر ولا يتوضا..وجهه متشطب اكثر من رجليه"
قعدت افكر.. يمشي وهو ميت..شكلها واحد ميت وشايلينه(قمة السطحيه في التفكير).. مايتنفس الا اذا اظطر هذا ادهم صبري.. يتعفر ولا يتوضا..اللي ماعندهم مويه..اوراكه متشطبه اكثرمن رجليه ..اااهاااا لقيتها..حل اللغز هو السوداني وامداني اقولها الا والمفتاح طايحن على من فوق .. وخذته ورحت لم مقلط الحريم عشان احل اللغز الرابع خخخخخخخخ
اللغز الرابع
لقيت منقوش هذا اللغز"القطن يحشه..والروج يحفه..والكحل يفقه..البورد يصبغه..ماتدري هو رجال والا مره"
يوم قريت اللغز قلت بكل ثقه وبصوت عالي...جوااااااااااد..وامداني اقول جواد الا وهم فاضخين راسي بالمفتاح الرابع من زود ماجوابي صح وموثوق ..خذت المفتاح..رحت لم غرفة الشغاله عشان احل اللغز الخامس.
اللغز الخامس
لقيت منقوش في حدى جدران غرفة الشغاله التالي"اسم نديمه ياسين واسم غريمه بسام.. اذا طار ماوقع الا الحلقه اللي عقبها.. واذا ركض من اول الملعب قالو له اهله اتصل علينا اذا وصلت اخر الملعب وعلمنا انك وصلت بالسلامه, فمن هو؟"
امممم نديمه ياسين..غريمه بسام..يطيرو..قطع علي واحد حبل افكاري ولزخني بالمفتاح وقال: لاتفلسف الله يصلحك الجواب هو الكابتن ماجد ..خذت المفتاح رحت لم المطبخ عشان احل الغز السادس
الغز السادس
لقيت منقوش على البريق الصياح التالي"كالميت الذي يتكلم ..وكالإمعه الذي يتبع..تعيش على السخافه..تقتات على الابتذال وابحت مضرب لسوء التخطيط وسخافة المخططين"
امم.. ميت ومضرب مثل عرفت الجواب ..طنب الخيمه..مامداني اقول الجواب الا واحد لاخني بالمفتاح قالي لاعاد تحل الغاز الله يصلحك الجواب هو القناه السعوديه الاولى..خذت المفتاح بسرعه وانا اقول استرو ماواجتهو..ثمن رحت لم الصاله عشان احل اللغز الاخير
حل اللغز الاخير
لقيت مكتوب على الجدار اللغز التالي"ثلاثيه لاتنقطع.. والشبكه والشأه والمهر..ورباعيه لاتجزأ.. البرداعي والمعلم بورعي وابلا عطيات والمهندس حسام.."
قبل لاكمل قرايه السؤال قلت الجواب..المسلسلات المصريه..ويوم قلت الجواب عطوني المفتاح ومعه ميداليه ثوب الشياكه من زود ماجوابي رزين.
ويوم اخذت المفتاح السابع..ناظرت الساعه .. وانهبلت..الساعه ست الا خمس ..يعني ماقدامي الا خمس دقايق..فمان كان مني الا ان نقزت لعند البيبان وانا تسني مصروع من زود الحماس..فتحت الباب الاول في دقيقه والثاني في دقيقه والثالث في دقيقه والرابع لقيتهم مطرفينه وناسين يصكونه والباب الخامس خبزته بكتفي وكسرته من زود مافيني من حماس وطاقه خخخخخخخخخخخخخ
والباب السادس جيت ابخبزه بكتفي بس ارتديت لورى تسني ذوليك السواويق اللي يطلعون في برنامج الحصن مع السيد تاكيشي.. ثمن طلعت المفتاح وفتحته..ومابقى قدامي الا نص دقيقه افتح فيها الباب الاخير؟؟ الاخير؟؟يوم طلعت مفتاح الباب الاخير وجيت افتحه اثره مجيم (مصدي) ولهوب يدور معي..قعدت احاول فيه لكنه ماش ماطاع.. وقعدت احاول لكن ماش..وانا ابدي ازاعق غبي جييي عييييي اعااااااااااااع خخخخخخخخ
ويوم مابقى الا خمس ثواني طلعت مفتاح التجوري وجربت مفتاح الددسن حقي و والله هو اللي يفتح الباب.. وانا اللي اصفز(اصفق) واطلع بسرعه .. ولعى طلعتي حسيت فيه يد تخترش في ظهري ودها تسحبني لجوا لكن مامداها..فما كان مني الا اني بزرت عيوني ورفعت يديني وساكت وملامحي جامده واناظر قدام واركض باسرع ماعندي ولا اقول شي.. وانا اللي اركض واركض ولا ادري وش اسوي من الفرحه..الين ماوصلت الشارع العام والى ذيك التريله اللي جايه تمشى الف..وهي اللي تقشني معها ولا خلت فيني قطعه تنشاف بالعين المجرده خخخخخخخخخخخخخخخ
سانكيوووووووووووووووووووووو
العرض العادي
