عوانس ....لماذا؟؟؟؟؟؟

وجدان الدوحه · 30-08-2002, 05:18 AM

اخواني واخواتي السلام عليكم ورحمة الله وبركاته

انا حابه اليوم اتناقش معاكم بموضوع يخص كل اسره وهو ..غلاء المهور وتكاليف الحياه الزوجيه المستقبليه على الزوج

انا اتكلم عن اللي اشوفه بالواقع ترى عندنا البنات عموما اكثر من الاولاد ولكن اغلبهن غير متزوجات ...لماذا؟؟

انا راح اقول لكم بصراحه شنهو السبب..عموما الشاب لما يكون قادم على الزواج لازم يكون مستعد ان يقدم للفتاة مهر غالي جدا وايضا عرس باحدى ارقى الفنادق وغير تكاليف العرس نفسه وحفلة الخطوبه وهدية العروس والبيت الراقي والخادمه والسائق وان يكون مستعدا لتسفيرها لاي بلد بالصيف للاستجمام...سؤال من اين للشاب القادم على الزواج كل هذه المبالغ علما بان اغلب الشباب الان عليهم سلفيات سياره وغيرها

انا ماالوم الشباب اذا راحو وتزوجو وحده من بره البلد لان المهور ارخص وتكاليف الزواج ارخص بكثير ولاتوجد شروط عاجزه..

فنصيحتي لكل بنت ان ترضى بالرجل الصالح وذو الاخلاق الطيبه وان ترضى بالقليل ولاتحمل زوجها السلفيات والمصاريف الغير عاديه ..وراح تشوفون بعد كل هذا اشلون راح نقلل نسبة العنوسه والعزوبيه

دوم مو يوم
وجدان -الدوحه

moka · 30-08-2002, 02:46 PM

[c] هلا عيونى وجدان
وفعلا هذا الشئ الحاصل بس مو عند الكل
هذى عند الناس الى تحب المظاهر الكذابه
هذولا للاسف تحصلين الخلافات بينهم كثيره وحياه مو مستقره
بسبب اختيارهم للمظهر ومااهتمو بكون هالشاب صالح للبنتهم او لا
والحمد لله لسى فيه عوايل تشرى الرجال الصالح ومايهمها
هالمظاهر بس الشئ الى متعارف عليه هو الى يطلبونه
ولو الكل تقيد بهالشئ كان ماصار فيه عوانس

والف تحيه لك

[/c]

&العاشق& · 30-08-2002, 02:50 PM

اختي وجدان الدوحة مع اني شاب بس الصراحة كلامك تماااام :)
وانا اشكرك على الموضوع :)
[gl]&ولكي تحياتي&[/gl]

وجدان الدوحه · 30-08-2002, 07:10 PM

اشكرك اختي مروج على ردك واوافقك الراي ان مو الكل يحب المظاهر بل الاغلبيه وهذه مظاهر يعتبرونها من متطلبات الرفاهيه

اخي العاشق اشكرك على الرد وفعلا كونك شاب انت بتحس بالموضوع اكثر لانك راح تواجهه قريب والله يكون بعونك وتتحمل سلفيات البنك وهالله هالله ببنت البلد

اختكم
وجدان من الدوحه

طيف حزين · 31-08-2002, 11:48 AM

السلام عليكم ..
تسلمي اختي وجدان على موضوعك الرائع .. الي يحتاج من كل بنت وشاب انهم يفكروا في اسبابه ويحاولو يعالجوه باسرع وقت .. وبصراحة الاهل بحاجة أن يصلحوا أخطائهم ويتداركوها قبل أن يزداد الوضع سوءا .. فالمشكلة هذه لا تسبب العنوسة فقط .. بل لها أخطار جسيمة على المجتمع وعلى الأسر .. ومنها ما نشاهده حاليا من كثرة الشذوذ في البنات والشباب .. وشيوع الفاحشة .. أعاذنا الله وإيااكم منها .. وليت الناس تدري ان السعادة مي في المهر الكبير .. ولا في الفندق الفخم .. ولا في الفلة .. ولا كل كنوز الارض توفر لحظة سعادة .. السعادة الحقيقية في راحة البال الي يوفرها الدين والاخلاق ..
تسلمي اختي وجدان واتمنى ما تحرمينا من المواضيع المفيدة
وتقبلي تحياتي ..
اختك
حلم

وجدان الدوحه · 01-09-2002, 03:35 AM

اختي حلم اشكرك على ردك الحلو واللي من رايي انا

وانشاء الله الله يقدرني واكتب لك احلى المواضيع بس ظروف العمل اللي انا بيه تخلي مشاركاتي قليله مع اني بودي اكتب كل يوم

اختك دوم مو يوم
وجدان الدوحه..مع خالص حبي وتقديري

طيف حزين · 01-09-2002, 11:04 AM

هلا والله اختي وجدان ..
والعفووووو .. ترى ردي ما يجي شي قدام كلامك الحلو .. الله يجزاكي الخير وينفع بيك ..
اما من ناحية المشاركات فكلنا ودنا نشارك كل يوم بس عاد ما باليد حيلة .. :( المهم في المشاركة فائدتها .. والعبرة بالكيف وليس الكم ..
مع خالص حبي لكي ..
اختك المحبة
حلم

الحايرة · 01-09-2002, 11:57 AM

واللة انك صادقة انا قريت بجريدة عكاظ هذا الشهر

انو عدد العوانس بالمملكة مليون ونص

وانو اكبر نسبة بمكة ثم الرياض ثم الشرقية

يعني الموضوع جد

ومو لعب بس من أصل 800 زيجة يكون معدل الطلاق 300

يعني التسرع هم مو زين

بس الرسول صلى اللة علية وسلم امر بتعجيل زواج البكر

وامر بالتعفف والستر

لكن الشباب خايف يقدم على هذي الخطوة
بتقولوا المصاريف والعقوبات

بس واللة مع اللى يبي الحلال وناوي يحصن نفسة
البنت العقلة ماتبي اكثر من واحد يحبها ويصرف عليها يعني كل العقوبات قبل الزواج

طيب تنحل
يأخي شوفلك ناس طيبين ما يبوى الا الستر لبناتهم

بس للاسف الشباب ما يبوى الا برتني ولا رزان مغربي

ياكثر البنات اللى يبوى الستر وبس

wind · 29-09-2002, 12:36 AM

كالعادة من الأخت وجدان الدوحة .. موضوع مهم في غاية الأهمية ..

كلامك يا أخت وجدان جميل ولكن ودي اضيف نقطة وحدة مهمة جدا ..

حلك حلو وجميل ولكن ,,

أحصائية على مستوى الدول العربية تقول أن كل 7 بنات يولدون

يقابلهم ولد واحد ....

يعني حتى لو تطبق كلامك ما تنحل المشكلة ...

هذي من حكمة الله سبحانه أن جعل تعدد الزوجات ...

وما اظن في وحدة بالعالم ترضى أنها تكون زوجة ثانية أو ثالثة ..

يعني المشكلة نفسها ما أنحلت ...

الحايرة أنا اختلف معاك في هالكلام .. يعني كخليج أتوقع أنا نفضل

البنت الخليجية بعربتها وأصالتها الخليجية ...

وش لنا ببرتني ولا رزان ,, نترك الجمال الحقيقي ونروح للصبغة ....

تحياتي
^*wind*^

وجدان الدوحه · 29-09-2002, 12:58 AM

اختي حلم ..تسلمي على ردك الحلو وعلى روحك الرياضيه الاروع...وكلك ذوق ياعيوني

الحايره...بالفعل انا بعد قريت عندنا بجريدة قطريه ان عدد العوانس بالمملكة مليون ونصف
ردك حلو وانا اؤيدك ان بعض الشباب مو الكل يبغون البنت الفري والحره مايدورون ورا البنت المستوره اللي ترضى بالقليل ..واللي يركض ورا المظاهر يستاهل يدفعونه فلوسه كله ويقعد على الحديده..وتلاقينه سنه والا سنتين الا مطلقها

wind....تعدد الزوجات حلال احله الله سبحانه وتعالى واذا وجدت الاسباب الداعيه لذلك مايمنع من تعددها..وليه تقول مافي وحده بترضى ..الا فيه اللي يرضون وخصوصا اذا البنت دخلت بمرحلة سن الثلاثين او مافوق ..وكلامك حلو انك ماترضى بالبنت الحره والفري وتبغي البنت الخليجيه اللي تتمتع بعاداتنا وتقاليدنا

دوم مو يوم
وجدان الدوحه