هاه وشرايكم جبنا لكم الاخبار من بيرو
فنكش اليوم 23 واحد على الاقل وتعوّر حول الستين في ملهى ليلي في ليما عاصمة بيرو
بسبب حريقة قبست في ملهاهم يوم قام واحد بثر من حقين السيرك يستعرض بشعلة ضو
مسوي فيها فنان وهو من جنبها وقام ينطّلهاياما نطلها منّا وياما نطلها مناك ومادرى الا وهي صامخة في غمى الخيمة وقابعة ٍ فيهم
وكانت الصالة مليانة ٍ ملي وفيها حول 1000 سمرمدي وسمرمدية
ياعيباه .. تصيحين وهذا كبرك
واللي خلاهم يفطسون انهم قاعدين يناظرون الضو أول ماشبّت ولا نحاشوا ولا شي يحسبونها
جزء من العرض
وما دروا الا وهي واصلتهم ويقومون ويهجّون جميع وتزاحموا عن البوابة وفطس بعضهم وتعوّر بعضهم ويقول
مراسلنا عزيّز السملّقي :) ان وزير صحتهم طمننا
وقال لا تخافون ترى كل هاللي ماتوا ماتوا مختنقين مافيه أحد منهم مات محترق " ايه اشوى الله يريّحك ، وفكهم الله ما احترقوا "
وقال رئيس بلديتهم ان الملهى ماعنده تصاريح ولا وفّروا وسائل سلامة ولا شي يمشي بالبركة ،
والدليل انه خليطي كلش فيه عروض حيوانات مفترسة والعاب ورقص وشراب وديسكو وسامري وكلش يعني انواع فلة الحجاج
لو ذاالحريق عندنا كان جاء من الملاقيف بدال هالثلاثة ثلاثة آلاف
وحظ اللي في هالملهى ان الاسد والنمر اللي في وسطه فطسن مع من فطس والا كان عرّشن الباقين تعريش
وأشوى جو الدفاع المدني حقهم الله يسلمهم يوم رمّدت الضوّ " الله يذكر ربعنا بالخير " وسوو اللازم والاسعاف بعد ماقصّر
من جنس ربعنا بالضبط جو " على طول " من يوم زهموا عليهم باربع ساعات ،
ونبي ننتهز وجود محللنا السياسي ابو عزيّز ونشوف مرئياته وانطباعاته عن الموضوع :
أبو عزيزّ وش رايك في هالحادثة : والله انها مهيب شينه خلها تروّع أهل ختّات آخر
الاسبوع شويّ .
توزن وجيهكن والا ماتوزنّهن نبي ننشّد عنكن الين نعرف من انتن بناته يالفاجرات :)
طيب وش رايك في الدفاع المدني والاسعاف حقهم مهمب يشبهون لربعنا ..
لا بصراحه انتم ظلمتوا ربعنا مرة ، مطافينا مهمب زيّهم يجون اذا ردّمت الضو،
لا الله يصلحك مطافينا يجون قبل ماترمّد الضو بشويّ ويقعدون يحترونهاالين ترمّد ثم عاد
يبدون يمارسون عملهم الجليل .. واسعافنا يالظالم مايجلس اربع ساعات ماجاء صدق انك ماتستحي على وجهك خل
عندك شويّ مصداقيه، اسعافنا يجلس 3 ساعات ونصف بس ، ثم يجي أسرع من البرق ،
يقول والله مالي دخل في الحريقه
طيّب يابو عزيّز بالنظر الى الاسباب والمسببات والدلائل والحيثيات والتداعيات من توقّع السبب في هالحادثه : مايبي لها شطارة ، هو فيه غيره " علي المرشد " السبب والمفروض يفصلونه و
يضمون الرئاسة العامة للملاهي مع وزارة المياه والصرف الصحي
عشان يطفّون أي حريقة تشبّ بويّتهم .
مترجمة عن طريق اقلاع
واخير اقول انه يتخلل هذا الموضوع صور ولاكن عذا لم استطيع جلبها إلا هنا
اخوكم جريح الحب
ahmad15f@hotmail.com
السعوديه ابها
العرض العادي
