الضياع

سراب الليل · 24-07-2002, 01:55 AM

كيف ابشرحلك ظروفي وابتعد عنك بسلام
كيف ابقتل خوف قلبي واتهيا للوداع
كيف اسافر مع جروحي وانت بعيونك كلام
كيف ابرر كل خطوه للنهايه والضياع
وابتدي غربة حياتي واللبس الذكرى ملام
وانثر دموعي الاخيره عن يقين واقتناع
وارحل بسكه غريبه لاشموع ولامرام
اسبق اهاتي وحزني في هروب واندفاع
لو فهم جرحي عذابي كانت عيوني تنام
لو فهم وقتي طموحي ماكبر يأسي وشاع
وانتي مانتي فاهمتني حتى لو خنتي الغرام
حتى لو كنتي مكاني مثلي مجنون الطباع
ضحكتي تعني عذابي صدي معناه اهتمام
غلطتي تعني وجودي والتواضع ارتفاع
ماادرى جيت بوقت غيري لابس درع وحزام
وانطعن ظهري بغفله وانتشر بكل قاع
والاعشت بوهم كاذب واستمريت بهيام
تصغر بعيني الليالي والفضا والاتساع
مومهم اني اعاني اوغدى حالي عدام
المهم افهم وجودي بعدما اقول الوداع
الوداع..الوداع
اقدمها إلي اغلى انسانه في الوجود
الى معلمتي: ك.الزوري

اتمنى ان تنال اعجاب الجميع

شاعر باحساسه نزيف · 24-07-2002, 02:00 AM

هلا سراب الليل

نور منتدى همس القوافي بمشاركتك الجميلة

جدا جدا رائعة هالكلمات وتسلم يديك عليها

بانتظار المزيد من ابداعاتك :)

لك مني كل التقدير

بايووووووووووو

بقايا جروح · 24-07-2002, 02:00 AM

الله على معلمتك اللي تستاهل الكلام الحلو

والله بدون مجاملة كلام حلووو جدا

الى الامام وبالتوفيق

المرهف · 24-07-2002, 03:17 AM

كلام حلوووووو:) :) وجميل منك وتسلم يدك على هذا

والله يجمعك بكل من تحبين دوووووووم والله لا يفرقكم ابداً

وارجو ان تواصلينا بمشاركاتك الرائعه

ولك تحياتي

$$$$$$$$$$$$$$$

المرهف