صباح الخير
اخواني واخواتي كمصافحة أولى اخترت الحكاية لتكون بداية لتواصلي معكم ,
مع حبي وتقديري للقائيمين على هذا المنتدى المتميز ولصاحب الدعوة الذي
شرفني بالأنضمام اليكم .
[poet font="Simplified Arabic,4,indigo,normal,normal" bkcolor="transparent" bkimage="backgrounds/13.gif" border="none,4,gray" type=0 line=200% align=center use=ex length=0 char="" num="0,black" filter=""]
كنت صاخب بس من تالـي هديـت"="من بعد مـا أنتهـت كـل الحكايـه
كنت انا اكتب بس ماعمـري قريـت"="لين صاح الحـرف يامحمـد كفايـه
أن بغيـت اليـوم تكتـب اي بيـت"="أنتبـه لاتنشـره قـبـل القـرايـه
صـادق الإحسـاس ياقلـبً وفيـت"="والعـواذل همهـا نقـل الوشـايـه
لو يجي العـاذل ويسمـع ماهذيـت"="كـان والله ينكسـر وجـه المرايـه
وأنت ياخـل(ن) كوانـي وكتويـت"="ليـه تكـوي قلـب تـوه فالبدايـه ؟
قلب ماعمره عشـق ليـن ارتميـت"="بين احضانـه وكـن المـوت جايـه
مايعرف الحب يسمـع بـه وجيـت"="وقلت هـاك الحـب كلـه ياهنايـه
وانبسـط قلبـي يحسبنـي هتنيـت !"="مـادرى ان الهـوى خـط النهايـه
ومـرت الإيـام وبالحـب اعتليـت"="وقمت اغني كـل مانسنـس هوايـه
قمـت اغنـي للقـاء ولا ماهقيـت"="يختلط صوت الفراق بصوت نايه !!
ويوم جيتك أسئلك ها وش نويـت ؟"="قلت ابرحل واحرمك من ذوق مايـه
قلت ابرحل ، وأنت تدري مارويـت"="من هواكـم يابطـل أحلـى روايـه
ضامين ولهـان بـروى لا ضميـت"="ومن بعدكم ياغلا يقطـع ضمايـه ؟
عندهـا وقفـت حـايـر ماقـويـت"="اسئلـك بالله قصـرت بعطـايـه ؟
كنت انا اعطي وانت قلي وش عطيت"="غير جرحاً ساطيـاً بقصـى حشايـه
جرح ينـزف بالمشاعـر ماحييـت"="ولا طلبـتـك فـزعـةً الا دوايــه
كنت اهوجس فيك حتى لـو سهيـت"="مـا أشـوف ألا عيونـك ياشقـايـه
كنت انا احلم وياما بحلامـي بنيـت"="وبسهولـه جيـت هديـت البنـايـه
والدمـوع اللـي تسابـق لا بكيـت"="أمطرت مثل السحايب مـن سمايـه
أمطرت تشكي وانـا منهـا شكيـت"="غاليـاً دمعـي ذرف ينعـى غلايـه
لكن ابشر لـك حبيبـي مـا بغيـت"="دامك انتـه رافـضً تبقـى معايـه
لـك وعـد منـي إلا منـي هديـت"="اكتبك وامحيـك مـع كـل الحكايـه
[/poet]
العرض العادي
