السلام عليكم ورحمة الله وبركاته
اخواني اعضاء منتدى الود
اطرح بين ايديكم هذه القصيده
المتواضعه وهي اهداء الى صديقي عبدالله الرقاص
بعد ما اجبرني ان اضعها هنا تقبلوا تحياتي
[poet font="Arial,5,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
((العبدليه))
كتبت الشعر لعيون اجوديه = وغنيته على شان بدويه
سهرت الليل في نظم القصايد = قصيدي شوق بحروف ابجديه
قصيدي ياقصيدي وش بلايه = تهضني لحون السامريه
لحون ٍ يوم انا اسمعها اعاني = اعاني الحزن في نفس ٍ شقيه
لك الله ياقصيد الهم قاسي = يسهرني ليال ٍ سرمديه
ليال ٍ عشتها والعين سهرت = واشوف النوم ماله قابليه
ولكن رحمة الله يوم جتني = رحمني الله ... في بنت ذكيه
لفتني يوم انا في عز ضيقي = ونفسي كلها جروح ٍ عصيه
وقالت ياهلا والفين مرحب = هلابك كثر زخات برديه
هلا يامسعد المدلج هلابك = هلا يانور عين (العبدليه)
هــلا ياشـيـخ ربـعــك والقبـيـلـه = هــلا يــاراس مــال النرجـسـيـه
انـا اللـي باسمـك اليومـه تغنـي = علـى روس المـلا والنـار حـيـه
انـا كلـي شقـاوه مـع غـمـوض ٍ = وبــراءه تسـكـن بنـفـس ٍ وفـيـه
مـادام انـت الوحيـد اللـي بقلبـي = تـــرا نـفـسـي اقـدمـهــا هــديــه
تـعــال وخـلــك بجـنـبـي امــانه = وبراغـي القلـب سلمهـا بايـديـه
وانـا عهـد ٍ علـي والله لصـونـه = لحفظـه زيــن دام الــروح حـيـه
خذتـنـي يــوم قـالـت لــي احـبـك = واحـس انـك كتبـت الشعـر بـيـه
فـديـت الـشـعـر لا مـنــه تـنـاثـر = عـلـى المتنـيـن تلـعـبـه شـويــه
فديـت الوجـه لا مـن بـان نـوره = كمـا نــور الـبـدر لا بــان ضـيـه
فـديــت عيـونـهـا ويٌـــا ســـواده = عيـون ٍ دعـج خـرسـا ناعسـيـه
فديـت الـصـدر يذبحـنـي بــروزه = نظـرتـه وقـلـت بـسـم الله علـيـه
فـديـت الخـصـر لا مـنـه تـمـايـل = كـمـا غـصـن ٍ تـمـايـل مغـربـيـه
فديـت الصـوت لا منـي سمعـتـه = رومنسي . عاطفي . له جاذبيـه
فديـت العطـر يــوم انــي اشـمـه = عبيـره مــا خـبـرت الـيـوم زيــه
جعل من لامني فيها تغربل = يذوق المر في وقت ضحويه
تنام الناس ماترقد عيونه = ونفسه تحتري يوم المنيه
مادام انه يعيبني بخلي = ويحلق حبها ذنب وخطيه
اهو ماشافها بنت الحمايل = وهي تجلس على قمة طميه
بنات البيض غارن من حلاها = وقالن ليتنا ذيك البنيه
سحر هاروت يسكن في جسدها = جسدها مزهريه مزهريه
اخوكم / مسعد المدلج
[/poet]
[SOUND]http://movn.net/moseqa_alsh3r/movn_3.ram[/SOUND]
العرض العادي
