تعالو شوفو شنو يسوون الشباب عن الإشاره؟؟؟هههههههااي بس أمانه ضحكوا علي
شنو يسوون الشباب عند الإشاره؟؟!!
طبعا كل واحد له هوايه يسويها عند الإشاره<<<<<<خوش هواية
اغلبيه الرجال لهم طريقتهم الخاصه في شغل اوقات فراغهم لما يكونون واقفين عند الاشاره ..
النوع الاول "
وهو الي يستغل وقته ويرتب سيارته ويفتح دروج سيارته ويعفط في هالفواتير ويقطها في الشارع وفجأءه ماتدري الاوهو ناقز على الكشن الي ورا يرتبه ولا تستغرب اذا شفته ناط في دبة السياره (الريال مرتب)وتنفتح الاشاره والاخ مشغول في التنظيف ..
النوع الثاني "
وهو اكثر واحد يستانس اذا وقف عند الاشاره علشان يبدأ يستعرض ويرقص ويردح اهو واخوانه ويرقصون السياره معاهم ..
النوع الثالث "
وهو عكس الي قبله وهوالي يشغل شريط خالد عبدالرحمن (وقديم)وانواع القلق والحزن على ويهه وطبعا الاغنيه من كثر ماهي قديمه تشك انه مغنيها قبل استقلال الكويت ويكون ويهه مورم من البجي (الصياح)..
النوع الرابع "
وهو الي تقول توه مكتشف انه ابو وماتسمع غير هواشه وتلعينه على عياله الي مالين من سيارته وماتدري الا وهو ساحب العقال ومخرب كشخته ويرجمهم بكراتين الكلينكس الي في السياره(يعني انا الحين معصب) ..
النوع الخامس "
وهو الي يستغل الوقت ويقعد يكشخ ويرش عطر وشوي الا يحط حمره (روج)والبرفان في اذنه ومشغل شريط (سيلين ديون)مسوي جو اجنبي وانواع القز في السيارات الي يمه..
النوع السادس "
وهو الي اذا شفته ترحمه وتقول ميت من الجوع وتشك انه قاعد في مطعم مو في سياره الريال ماسك الهمبرجر بيد والببسي والبطاط بيد والشورما في حضنه والفطاير يمه والبيتزا في الكشن الي وراه (حشا كل هذا يوع)..
النوع السابع "
وهو الي تحس انه ماعنده وقت ابد ودايم بزنس (يعني أنا رجل أعمال) ولابس نظاره وخاتم ومبحلق في الجريده ومسوي زحمه في الشارع والي يمه زهقان ومشتغل مسجات بالنقال..
النوع الثامن "
وهوالي سيارته زحمه( مو ناس) لا ماخلى دشداشه ولا شماغ ولا بدله ولاجوتي حتى الدلاق إلا وحاطها معاه عشان يكون تبديل الملابس اسرع عند الاشاره حتى البطانيه يايبها وماخذها معاه تعرفون الجو متقلب ..
النوع التاسع "
وهو اذا كان سايق طبعا الضعيف متعلق في الدركسون( والي وراه مبدعين عند المدام وخواتها انواع السوالف والحش ولما يكونون توهم طالعين من السوق كل وحده تطلع أغراضها وتوريهم وشوي إلا وهي متحمسه وفالعه السايق بريلها الإخت معذوره قاعده تقيس الجوتي اليديد..
النوع العاشر "
ان الشباب ما يحلى لهم تنظيف خشومهم إلا عند الإشاره اول ما توقف الإشاره يستانس <<<<< وعععع أرف..
هذي بعض الاشكال الي نصادفها عند الاشاره والحين كل واحد يكتب شنو يسوي عندالا شاره؟؟؟!!!
النوع الاول "
وهو الي يستغل وقته ويرتب سيارته ويفتح دروج سيارته ويعفط في هالفواتير ويقطها في الشارع وفجأءه ماتدري الاوهو ناقز على الكشن الي ورا يرتبه ولا تستغرب اذا شفته ناط في دبة السياره (الريال مرتب)وتنفتح الاشاره والاخ مشغول في التنظيف ..
وهوالي سيارته زحمه( مو ناس) لا ماخلى دشداشه ولا شماغ ولا بدله ولاجوتي حتى الدلاق إلا وحاطها معاه عشان يكون تبديل الملابس اسرع عند الاشاره حتى البطانيه يايبها وماخذها معاه تعرفون الجو متقلب
ياربييييييييييييييييييييييييه ميته ضحك ... <<<<<< جالسه تحمد ربها انها ماتسوق
الاكثر شيوعا ...
النوع الثاني "
وهو اكثر واحد يستانس اذا وقف عند الاشاره علشان يبدأ يستعرض ويرقص ويردح اهو واخوانه ويرقصون السياره معاهم
النوع السادس "
وهو الي اذا شفته ترحمه وتقول ميت من الجوع وتشك انه قاعد في مطعم مو في سياره الريال ماسك الهمبرجر بيد والببسي والبطاط بيد والشورما في حضنه والفطاير يمه والبيتزا في الكشن الي وراه (حشا كل هذا يوع)..
النوع التاسع "
وهو اذا كان سايق طبعا الضعيف متعلق في الدركسون( والي وراه مبدعين عند المدام وخواتها انواع السوالف والحش ولما يكونون توهم طالعين من السوق كل وحده تطلع أغراضها وتوريهم وشوي إلا وهي متحمسه وفالعه السايق بريلها الإخت معذوره قاعده تقيس الجوتي اليديد..