عاهدت نفسي ياهوى البال
منســـــاك
وأنت بكيــــفك لو تناسيت
مسموووح
ـــــ
أطوي الظلماء وعيت تنطوي
وأشتهيت الشوف بعيون الضرير
مثل طير طاح بيدين بدوي
يلعن الطيحه ولا يقوى المطير
كل يوم أقول باكر تستوي
وخاب ظني بالزمان وبالمصير
من شرب من كف غيره ماروي
لعنبو كف على المده قصير
ـــــ
قلبي قسمته ياهوى البال بالنص
نصفه بجوفي وأنت بيديك نصه
لا غبت عني يبتدي الحال ينقص
وأسهر وتبدالي مع الأحزان قصه
ياليتني في لجنة التعليم مختص
والله لحط لمنهج الحب حصه
ـــــ
ياقلب لا تشقى وراء كل مزيون
مالك على الخلايق مقاله
لا تشتكي يا قلب للناس يدرون
والناس عن شكواك مالك وماله
ياقلب وشبك دايم الدوم محزون
خلك بفالك وأترك اللي بفاله
الحب يا هل الحب راعيه مجنون
ينسى أبوه ثم عمه وخاله
ـــــ
ماهو بكيفي أعلن الحرب وياك
لو قام عقلي قام قلبي يصده
والله أحبك صدق وش فيك وش جاك
أبغى المحبه بس من غير شده
ولا جاك غيري لا تحبه ليا جاك
تكفى طلبتك ألعن أبو جد جده
ـــــ
وشهو يعني لو نقص عهدي وخان
لا هو أول ولا آخر من يخون
دام نحيا في زمن مابه أمان
شيء طبيعي عشرتي عنده يهون
كان يا مكان في ذاك الزمان
نبض في قلبي وفي عيوني عيون
كان له في أصدق أشعاري مكان
ـــــ
لك في خفوقي ألف مرسى للإبحار
شد الشراع وشيل مرسى السفينه
أبحر عساك تكون للروح بحار
أمواج قلبي في يمينك رهينه
لجلك كتبت أهواك بأصداف وأحجار
وفاض البحر للبر وأعلن حنينه
ـــــ
وينها ياصبر مالي غيرها لو هي تخون
شف دفاها في ضلوعي نبضها حولي يحوم
قلت وعيوني تكابر دمعها يرثي الجفون
ليتني ياحب ميت قبل ما قلبك يروم
من صغر سني أعاني ومابقى للصبر عون
رح لها ياحبي يمكن قلبها يصبح رحوم
ـــــ
أنت ياشيخ البهاء سيدي وعمي
تنثر أيامي عبث وتلمها
أنت همي ول يامحلاك همي
آهـ ياملح السنين وهمها
وإن خذتك مني عين ماتسمي
ألعن الدنيا وأبوها وأمها
ـــــ
قلب ذبحته بالغدر صار ينساك
والنفس عافت من عذابك وعدها
أنا الذي تلعب بقلبه وخلاك
وأنا الذي عنك المواجع حشدها
بأحرق بقايا مابقى من خطاياك
وأطوي صروح بالحشاء تعتقدها
ـــــ
مسكين قلب تولع يكتم أسراره
فيه الوله والشوق والنار ساجنها
مهما يخفي جروحه تفضحه ناره
قصة عذابه بوووووناته يلحنها
لا وعذاب اللي بدأ بالحب مشواره
يشرب خمور المحبة لين يدمنها
ـــــ
صفينا صفوة الصافي بوصفك
كما يصفى صفاء الصافي صفينا
تلامس كف كفي بكف كفك
كفوف الكف ما قالت كفينا
خفيف الدم ما لاقيت خفك
خفايا الخافي ماعنه أختفينا
أوصف كيف أبي أوصف وصف وصفك
ولو وصفت وصفك لا ماوفينا
ـــــ
قالت بمشي قلت عفوا"على وين
قالت بقفي قلت مرواح جدي
وش صار يعني لابغيتي تقفين
بأموت يعني لانويتي بصدي
أنا قوي الباس ماني بمسكين
وأموت في شيء أسمه تحدي
أنا العزيز ولاهمني لو تجفين
بترجع ذليل وتحب راسي ويدي
ـــــ
من غبت عني وخاطري دوم مكسور
في غربتي أحياك ذكرى وتذكار
أحيان أقول أنك على حق معذور
وأحيان أحس أن الجفاء ماله أعذار
وكانك تحسب الجفاء ذنب مغفور
غلطان ماتعرف للأشواق مقدار
ـــــ
أسوق لك ذود المدايح مغاتير
تكاثرت برياض جودك رعايا
وأسوق لك خيل الكرامه طوابير
أستوطنت ميدان مجدك سرايا
وأسوق لك صفر الدلال المباهير
بالهيل والشكر المثنى ملايا
ـــــ
إلى متى من دون تفكير أناديك
أحسبك عندي وأنت يابعد ممساك
لو صار شوفك صعب ماني بناسيك
ولو حال دونك يأس لا يمكن أنساك
لو عشت طول العمر بالروح بفديك
يالغالي اللي غالي الروح تفداك
ـــــ
حلفت أنا ما أشكي على الناس همي
إلا على رب البشر جالي الهم
وعندي خبر صفو الزمن مايتمي
لو يستمر سنين وشهور ماتم
دنيا تفرق ياولد ما تلمي
شرها يعم وخيرها خص ماعم
ياخوك أنا منها أرتفع ضغط دمي
حتى نحلت وصرت عظم بلا دم
ـــــ
مريت بيت للمحبين مقفول
وجابتني القدره على حد بابه
ونشدت جيرانه عسى البيت منزول
قالوا حبيبك راح لا واسفابه
وله مده بالسوق ماشيف له زول
وبابه عليه من السوافي ترابه
ـــــ
من مركب الحزن خذني لدنياك
اليأس حطم بالغياب أمنياتي
أفرح بذكراك كيف لا صار لقياك
تصفالي الدنيا وتضحك شفاتي
حبك تجسد في حياتي وذكراك
طول العمر بأهواك حتى مماتي
ـــــ
تحسب إني بجي عندك حبيبي وأنحني لرضاك
ورب الكون ذا بعدك ولا يمكن أسويها
أنا طبعي عزيز النفس مهما دارت الأفلاك
بمشي نفسي بكيفي أبد ما أحد يمشيها
محبة ما أبي منك محبة لو تجي برضاك
أبلعنها وبلعن كل شخص لي يطريها
ـــــ
ماعاد لي دمعن عيوني تهله
من طول فرقاء اللي نحبه بكيناه
شربت كيف الهم كاسن ودله
ويا طول دربن في فراقك مشيناه
نصبر ولو كان الحشى فيه عله
والجرح يبديه الزمن لو دفناه
ـــــ
لا ضاق صدرك يا هوى البال ضقنا
وأن ضاقتك دنياك يا شوق أن لك
هذا الزمن طبعه من الله خلقنا
لابد مايخذلك مهما صفالك
عمر الزمن لو ما أنتهينا سرقنا
تمضي بنا الأيام لا لي ولا لك
ـــــ
ماهو بيده يفارقني ولا كان الفراق مناه
مشى عجل وأنا داري تباعد به مقاديره
ما جاه من الزمن يكفي وأنا والله عرفت أقصاه
عزاي إنه قبل يمشي عرف ذنبه وتقصيره
ـــــ
حبك بقلبي حل ما والله أنساه
حل بمحلن حل محدن يحله
وقلبي ياللي كن يبراه مبراه
وملاطفه تسعه وتسعين عله
له مده مستعصين داه ودواه
الداء حصل له والدواء ما حصله
ـــــ
عرفتيني قاسي وجبار ومع هذا بعد مغرور
جبل لا هزه الإعصار ولا حرك معاذيره
وأظن أن اللي جذبني لك كرامة عاشق مقهور
خذا منه الزمن واجد ولا فكر بتقديره
ـــــ
طبعي كذا ما أحب ألف وأدور
الله خلقني واضح في حياتي
أهوى الصراحه وأكره الكذب والزور
وحبي لغيري مثل حبي لذاتي
أقولها لو قالوا الناس مغرور
حكي العواذل مايكدر مباتي
ـــــ
مايجدد لوعتي وأقسى حزوني
غير عمر ضاع ماعشته معاك
لو جميع الناس في حبك جفوني
يكفي إنك مخلص لي في هواك
مايطيع القلب عذال نهوني
لو يضيع العمر كله في رجاك
صورتك بالقلب تحميها جفوني
وصورة الإخلاص جسدها وفاك
ـــــ
الله يصيبك لا بغيناك ما جيت
يا موت عجل خل عنك التغلي
تحدني أخذ لي قاز وكبريت
وأشعل بنفسي نار وأقرب أجلي
ـــــ
تخفي هواها من حياها عن الناس
تخشى عيون الناس تجرح هواها
قالت هلا وتبسمت وأشرق الماس
وتعلقت روحي بعالي سماها
الله عليها شوفها فيه نوماس
تشفي عليل النفس بسمة شفاها
ـــــ
أحلى كلام الغزل بشفاك يطربني
ويداعب إحساس قلبي وأتغنابه
عشاقي كثار لكن أنت معجبني
وش يعني إن كان كلن يبدي إعجابه
ماغير حبك مدوخني ومتعبني
أضيع في سيرته وأموت وأحيابه
ـــــ
ثلاث حروف تأسرني وتاسرني بمعروفك
ملكت الروح في طهرك وصرت الليل ومراحه
نقشت الشين شوق العين وحرف الواو بوصوفك
وتوجته بحرف القاف عذاب القلب والراحه
ـــــ
نصيحة من قلبي :
حط اللي يعزك بعيونك
ترى ما تلقى من يضمك
لو ضاق صدرك وزادت همومك
وعلى فكره
النار
بالماء
تنطفي
والغلا
بالإهمال
ينتهي
نصيحة حطها بعقلك !
ـــــ
أبسط ياعم أشيل حملي لحالي
دنتا ماتستاهلش تبكي لك العين
عاوزني أترقاك ياهملالي
صحصح دا بعدك رجعتي لك يابو وجهين
الله منك كل هم قرالي
أفتكر حتروح من ربنا فين
دنا حجيلك لا تدور بدالي
إديني العنوان متؤلش بعدين
ـــــ
حوطي دق على الأستعلامات
يبلغ عن حادث قاله الموظف
أتصل عالمرور قال ماأعرف
رقمهم قال ثلاث تسعات قال
تلفوني مافيه إلا تسعه وحده
تضايق الموظف وقال أنت
شكلك حوطي ضحك الحوطي
وقال تعلمنا إن عندكم كاشف !
ـــــ
مذيع جيزاني في الأحوال الجويه :
عبده أمصم يحييكن وإليكن إمنشره
شتبره غبره من أمطل تدفنكن قيام
وشتيجي عشيه تطفي أمكهرب
وتبيتون في أمظلام وشتصابي
بعده شواحيف تمزق أموجيه مزاق
فتحذروا خيره الله عليكن !
ـــــ
قحاطين يلعبون كوره
بعد ماسجلوا هدف
الحكم عطى كل لاعب
كرت أصفر ليه؟
بعد الهدف ضيعوا الوقت
كل واحد يقول خشمك
خشمك !
ـــــ
مبروك ربحت طفل جيزاني
إن لم تستلمه خلال 3 أيام
سنرسل لك العائله !
ـــــ
ـــــ
.. تحياتي
Do not Love me Just try to understand me
العرض العادي
