السلام عليكم
اول انا عضوجديد ويشرفني اني اكون بينكم في هذا المنتدى
وهذي القصيده هديه لكم :
الله يجـازي فاعـل الخيـر بالخـيـر" "عنّـا وفعـل الشـرّ يبـعـد مجـالـه
ويكتب لنـا الخيـره بحكـم المقاديـر" "ويزيدنـا فــوق القنـاعـه جمـالـه
الصبـر مفتـاح الفـرج والتباشـيـر " "كم صابـر ٍ والصبـر فـوق احتمالـه
لـو تآآكـل الزلّـه سمـان المعاذيـر " "العذر عـن بعـض الخطايـا جهالـه
العمـر مقفـي والمنـايـا مناحـيـر " "وأحوالنـا مابيـن حالـه .. وحـالـه
قام التطوّر ينفـض الريـش ويطيـر " "ويضفي على روس الخلايـق ظلالـه
يا كبرها يا اهـل الوجيـه المسافيـر " "( صلوّا على محمد وصحبـه وآآلـه )
وعسوّاا مابيـن الذاهبـه والمداويـر " "العلـم الأبيـض مـا نـدوّر بـدالـه
أبدي بها مـن بـاب حشمـه وتقديـر " "وأن عـوّدت مالـي عليكـم وكـالـه
أدخل على المعبـود يـا وارد البيـر " "لا تلتـوي بيـن الـرشـا والمحـالـه
عرب طرب مثّر بها الغـرب تأثيـر " "ترقـص علـى التلفـاز يـا همّلالـه
راحت عوايدهـم سـوات الاساطيـر " "يا ساتـر الشايـب وفاضـح عيالـه ؟
مـن نقـرة الطبلـه ودقّ المزاميـر " "طاح الحصـان اللـي طـوال ٍ حبالـه
والبرتقالـه غيـر والفاكهـه غـيـر " "يقولهـا اللـي يعصـر البرتقـاااالـه
عصيرهـا حالـي ولا لـه محاذيـر " "لا صار مسبـوق ٍ ب لفـظ الجلالـه
يا كثر ما صاحـت عليهـا الجماهيـر " "يـا رابـط المجنـون مالـك ومـالـه
بث الغرايـز حـي والقصـد تعزيـر " "وأم الخلاخـل داخلـه مـن خـلالـه
فيديو كليب ذنـوب فكـره وتصويـر " "طـوّح بنـاب الذيـب قـرن الغزالـه
دبكـه وربكـه يـا حيـاة المخاسيـر " "ودايـم ضعيـف العقـل هـذا مجالـه
يوم المشاهـد ثـار والمشهـد مثيـر " "صومع على الشاشـه ونكّـس عقالـه
عرض اللحم بيـن العيـون المطاييـر " "يخسر بـه اللـي حافـظ ٍ راس مالـه
سياسة التشويـق مـن غيـر تبريـر " "دفع العمولـه .. واستـلام العمالـه ؟
الله يبـارك فيـك يـا سالـم الزيـر " "دوّر لهـن صرفـه وغرفـه وصالـه
لا أمسيّت تلحفهـن خشـوم الدنانيـر " "ولا أصبحت سرّّحهن على اقرب زباله
للعلـم مدلولـه .. وللحلـم تفسـيـر " "وللطاق طربـق طـاق وللقـرم طالـه
واللوح حـظ المطرقـه والمساميـر " "وبكـره يسـمّـر ويتعـلـقّ لحـالـه
لومي على نسـل الرجـال المناعيـر " "وألاّ الحثالـه مـن سـلايـل حثـالـه
والسلام عليكم ورحمة الله وبركاتة..
العرض العادي
