جــرّحـت قــلبٍ عــاشقٍ كـل مــا فيك -------------------------------------------------------------------------------- لا تـحسـب إنــي قــاطـعٍ فــيك مـابيك *** ولا تـــحسب إن العين عـــيت تشيلـك لا تترك اللـي بـالهــوى دوم يـرجــيك *** ولا لا تــــهينه يـوم أصـبــح ذليــــلك أبيــك تـذكرنـي وأبــي مـنك وأعطيك *** وش لـــي سوالف غـير قلبــي عميلك جــرّحـت قــلبٍ عــاشقٍ كـل مــا فيك *** وبـــــكيت عينٍ مـا رضت فــي بديلك وشـــوّقت روحٍٍ أجبرتنـي أسميــــــك *** ريـــــم الغلا ياصـاحبي هو سـمـي لك صدقني يا عمري تـرى القلب شاريك *** والـــروح ما أذكر قـــد خذاها مـثيـلك هــي حكمـةٍ يـوم إنــي أبـعد وأخليــك *** أبغـــى عيـون الناس تــركـد وأجـيـلك الجــرح يـنزف والــزمـن واقـفٍ فيك *** والــــعين تــدمــع وهـمّهـا شـدّ حـيـلك يــا مــا تـمنى خــافقـي حـيل يــغليــك *** ارحــــم شـــعورٍ قــــال تـكفى دخـيلك تـــجهل كـلام الــناس وأبـغى أوريـك *** كلـــمــة عــذولٍ قال يــــا صعب نيـلك ما قدر علــى بــعدك ومـا قـدر أعنيك *** بـصبـر على هجرك ولـــو طال ويـلك والـعاذل اللـي مــــن سمعني أنـاديــك *** ســــوى زمان وجيل مــــاهوب جيـلك يـشهد لك الخفاق وتـــــشهد مــواطيك *** ويــــشهد زمـانٍ راح كـــــمّل جميــلك ارجع ورجّـح كــــــفّة الـعشق يـمديك *** كـفّه تـــبي وزنـك وتِــــظـهــر دلـــيلك اذكـر عـــذابـــي والشقـا يـوم يـبكيـك *** طــــوّلتها يـــــا عزوتي وطـــال لـيـلك أبـغى نــهايـــــة لقصتي ولــيه أبدّيـك *** متـــى تجيني بشوق ويصفــــى سبيــلك الوقـت لو يسمـــح أنتهي منك وأنهيك *** كــان انزعك من داخلــي وش يـبـيــلك خلاص ماعاد أظنــي ارجع وأناجيك *** ارحـل وسـافر صــار عــادي رحيــلك ابــعد عــن عيوني ومـــا بغى أباريك *** وانـــــسى بـزمــانك يــوم إنــي زميـلك لا عــاد تـذكرني ولا عـــــاد ابطريك *** واتــــرك همـوم الــكون واحمـل قليـلك خـل الهوى لأيـام عاشـت بمــــاضيك *** مــا للـــفرح عنـدك مـــكان ويــعنيــلك ويــمكن أنا أشتاق وأرجـــــع أواسيك *** وادمــــح خـطــاك واقـبـلـه بتـــعليـــلك خــلاص أحبـك ولا تـفكر أعــــاديـك *** بــانســـــى الـزعل كلـه وأرجع خلــيلك لا تــحسب إنـي قـاطـعٍ فــــيك أسلّيك *** اصـــبِر، عـيون النـاس تــركد وأجـيلك وسلامتكم
صـــــــــــــــــح لسااااااااااااانكــ اخوي دراكولا على هالقصيدهـ الاكثر من رااااااااائعه يعطيكـ الف عااااااااااافيه تقبل مروري
دراكولا الشعر صح ألسانك على ماكتبت ولك مني خالص الشكر والثناء تقبل منا هذه الزياره التي أجبرتني على كتابه شكر لك
صح بدنك اختي سارونه وشكرا علي مرورك الكريم الي شرفنا بصراحه وتقبلي تحياتي لكم
AzOoOoOoZ صح بدنك يالغالي وشكرا ايضا علي مرورك ويشرفني حضوركم جميعااا تحياتي لك
الكونت دراكولا صحت يمناك على هذه الرائعه التي اثريت بها علينا و زينت بها سماء الود ذوووق وربي انك ذوووق يعطيك الف عافيه والله لايهينك لك انت ازكى التحيه \\ اخوكـ
فديتك يالغالي وشكرا علي مرورك الكريم علي موضوعي واتمني انه نال اعجابك واعجاب الجميع تحياتي لك مره اخري الكونت !
الله على هالرائعه ربي يعطيك الف عافيه ننتظر جديدكـ .. تحيتي
دراكولا صح لسانك لاعدمناك ابيات جميله تقبل تحياتي واجمل امنياتي عش
عش العصافير و فهد الأسعدي فديتكم والله علي تعليقكم الاكثر من الرائع ومروركم الكريم علينا ونتشرف بكم دائماا وصح بدنكم تحياتي للجميع ,,,,,