لحظات عمرك كلها حزن ممدود=والهم طاغي يـ(( الغلا )) وضايق البال
وشهو سبب حلم السعد فيك مفقود=ليه الغرير يموت من دون الآمال
ليه المدى في صمتك المزن به سود=وأمطارها بصدرك ظما كل الأطلال
ليه السواد بلوحتك دايم يسود= ليه الرياض تصير ميدان وقتال
لو الحقيقه ساحتك مابها ورود=يكفي عبيرك في الفضا حي يختال
لا تحطبين بداخلك اخضر العود=عساه يتفرّع ويبني لك ظلال
ولا تتركينه بالظما دوم موعود =وأرخي عليه من الهنا دوم همال
قلبك عزومه داخلك برق ورعود=ومزون إيمانه نشت خير وأفعال
لامن تحرر من مواثيق وقيود=دك الهموم ولو هي حزوم وجبال
لحظات عمرك يالغلا ماهي لحُود=ولا هي لذود الهم يا بنت من زال