هالمصطلحات النجدية السعودية وش رايكم فيها،ابغاكم تفرفشون شوي مع هالمصطلحات النجدية ، اتمنى أنها تعجبكم .. بس عاد شوفوا ترى ما فيه لون الا وانا حاطته لكم .. عاد انتم لا تدققون فيهم :P
:D
" مير "اختلف المترجمون في تفسير هذه الكلمة ، واتفقوا أن هذا المصطلح مال أمه داعي ، ولا له موقع من الاعراب ، يوضع لتزيين الجملة ،، مثال : الله مير يسلمك ، الله مير ياخذك
:p
" غديه "وتعني : كوده !! ،، وفسر الماء بعد الجهد بالماء
:o
" ومصع "دعوة عند القصمان وتأتي بعدة أوزان : مصع ، يمصع ، ممصوعا ،، مثال : جرّن مير يمصعن
;)
" من تلالتنا"من حمبنا
:)
" ياهملالي "
...منتشرة عند النحوتين والنظولين ، مثال : مزنة : دريتي نورة توظفت ؟ ،، حصة : ياهملالي عنده واسطة ،،، منقهررررة
" واخزياه "
مصطلح ينتشر عند بعض الناس يقالهم مستحين ، وهم وجيه بن فهرة ، " ووجه بن فهرة هو الوجه المغسول بمرق "
" أويق "
هذه الكلمة تنتشر عند البلوغين أي الملاقيف ، معناها أناظر وأناظر معناها أشوف !! ،، مثال : حصه : خير وش عندتس رازتن خشتس عند الدريشة " النافذة " ؟؟ ،، مزنة : أبد ، أويق على اللي يفحطون
" أعبطه "أعجنه واسويبه فطاير
" قوه "
كلمة من أصل إنقليزي " والله محنب سهلين " معناها تخاويني؟ ، مثال : حصة : قوه معي للسوق ،، مزنة : مشينا ، كلش إلا السوق ، تخاويها وهي مغمضه
" حوّل "
وراكم طيرتوا عيونكم بي ، ترى منيب بالنجدة ، بس حوّل يعني : انزل
:o
" شنق "تعني : جهة
:(
" هماه "وتجي بمعنى " مب كذا - مو "
" نيم "وتعني : نائم
:)
" تهقى "تعني : تظن؟ ، والاسم منها " هقوتي " اي أغلب ظني ،، مثال : حصة : تهقين نورة تجي ؟
" بوه "أهم مصطلح عند القصمان ويوضع بآخر الكلمة مثال : وشبوه ، جبتوه ، مادريتبوه ، وينهوبوه، وتقول هالكلمة وانت ماط بوزك شوي
:p
" يهوجس "سرحان ، يفكر
أختي العزيزه تواصيف
أنا من نجد ويطربني هواها ........ويبري علتي شربي لماها
بصراحه موضوعك حلو ونفتخر نحن أهل نجد بهذه الكلمات
بس اللي قاهرني القصمان ليه يسمون النوم (( نيم))
عذرا أخواني القصمان والله أحبكم موووووت لكن والله الكلمه هذي سببت لي أحراج وأنا بالثانوي اقول لكم السالفه
أنا كنت بالثانوي بأخر الفصل وتعرفون من اللي يحب ويموت بالجلوس ورى يعني بأخر الفصل معروف منهو (( اللي يحب يطلب العلم )) أمحق علم .....ما علينا المهم كنت أنا ورى نايم بحصة مدرس قصيمي لا وياليته من الرس تهون لأن الرساويين وأهل رياض الخبرا والبدايع وحتى عنيزه والمذنب فيهم على الأقل يجي منهم برستيج وكلام حلو ومفهوم (( حيثهم متطورين )) لكن هذا بريداوي وأهل بريده كلامهم تحفف
المهم المدرس هذا الله يوفقه يدرسنا لغه أنجليزيه المهم شافني نايم جاني بشويش يمشي على أطراف أصابعه وخبط الطاوله (( ومير )) خويكم يفز مثل فزة الذيب (( أمحق ذيب)) على طول ما عطاني فرصه أشوف وش السالفه وأجمع عقلي شوي الا وخرشني بسؤاله لي وراو نيم .....أخوكم في الله اللي هو أنا يعني مسوي ذيب ولقطها وهي طايره تدرون وش قلت ؟ اقول لكم قلت له وبدون تردد وبنيه طيبه مره ماي نيم أز فلان بن فلان الفلاني ودورو بعدها الفصل على العموم الله يوفقه دنيا وأخره وعذرا أخواني وأخواتي القصمان ترى والله لكم معزه في القلب خاصه جداااااااا
تقبلو تحيات أخوكم ومحبكم
ضحيــــــــــة صمـــــ(راكان)ـــــــــــــــــت
العرض العادي
