شكـوى ومعاناة الى صاحب السمو الامير عبد الله بن عبد العزيز ال سعود

[محمــد القعـيقعي]

بسم الله الرحمن الرحيم إلى الأخ بنـدر العجمي مشكور يابندر وأن شاء الله ياصل مقصدي ومغزاي لأني حبيت أشارك أخواني اللي مثلي وهم كثير والله ولو ماوصلت سوينا اللي علينا والله الموفق أخوي أشكرك مراراً وتكراراً على المساهمات اللي ساهمتها معي ويعطيك العافيه تقبل تحياتي ** صــادق الكـلمه **

[(عشير..الصمت)]

للاهميه مراعاة التاريخ . وشكرا 6-10-2003

يالله ياخالـق هالكـون "=" يامرسل موسى لفرعون
عبدك محتـاجٍ للعـون "=" ويرجي عفـوك ياكريـم
خلقت أبن آدم طماع = فضول ومن الشر جزّاع
ونهاياته تحت القاع= يدفن وحيد يتيم
أحوالـي قامـت تـردّى "=" والحظ مقفـي ماهـدّى
غيري له والـي يشـدّى "=" وأنـا غرقـان بجحيـم
أطلـب منـك ياجـبّـار "=" ترزقنـي بعبـدٍ مختـار
شيخ من شيوخ أحـرار "=" فـارج هـم المظالـيـم
هذااا قولي لأبن سعـود "="اللي له ماضي مشهـود
أبو متعب أصـل الجـود"="فكّـاك الصعـب وكريـم
وقبلـه خـادم للبيتيـن "=" ناصـر لديـن ومعيـن
رافع رايه بساس الديـن "=" باسم الله ولا له خصيـم *
والنايب الثاني سلطـان "="قايد جيش ٍ مـع فرسـان
متصدي لغزي العـدوان "=" صميـدع حـر وحكيـم
أرجي ربي ثـم أرجيـك "=" ياوالـي عهـد المليـك
وأشكي لك هـمٍ يبكيـك "=" من وقتٍ ماضي وقديـم
أولها هي سـت سنيـن"=" وثانيها هي ست أسنين
وثالثها خمس من سنين "=" ضاعن بدروب التعليـم
حامل شهـاده وممنـوع "=" من فرصة شغل ٍ مشروع
تمحى عني سنين الجوع "=" وتخفيها مـن المعاليـم
هذا اللـي أنـا أتمنـاه "=" ومكمل شرطه لاقصـاه
يومنـي جيتـه بالجـاه "=" شـال وغيّـر بالتنظيـم
وش ذنبي والله ماأخطيت "=" ماشي بدربٍ له نويـت
وبراسي حلـم ٍ حطيـت "=" شاطر يانـاس وفهيـم
أنصرني وقّدر ماجالـي "=" ورجعلي فرحه تحلالي
يافاعل خير بـلا مالـي "=" لوجه الله الرب العظيـم
هذا نهج اللـي خلـوك "=" جـدك أقصـد أو لبـوك
ياأبو متعب حيل أرجوك "=" مادمـت بحالـي عليـم
وأخر كلامـي والقـول "=" صلاتي علـى الرسـول
محمـد دينـه مايـزول "=" شافـع للأمـه ورحيـم

الشاعر : محمد بن معيذف القعيقعي ...k.s.a