قصتي مع الغزل
طويله شوي بس تحملو
المهم وأنا في عز النوم والسعابيل
وإلا فجأه .... رن التيلفون
وطبعل تيلفوننا شاييل أبوي كل الأرقام
ماعاد إلا 9 و 8 يعني ما ندق
إلا على الشرطه والدفاع المدني
وغييره ما فيه
المهم رفعت السماعه وأقول نعم
إلا وذاك الصوت اللي يرد الروح
صوت بنت
وأخووكم إذا سمع صوت بنت
أووجعه بطنه وأنواع اللإسهال
قالت ألووووووووو
أنا ما عااااد عرفت وش أقول
أنشلت براااطمي وطلعت كني
ياسر عرفات
ال ال ال ال الووووووو
قاالت ميت معاي ؟
قلت معاااك أنا <<< جواب يدل على ذكاء
وهي اللي تضحك
وأنا قلبي أحس ما هو طبيعي
قالبها سامري وتستنزل عندي الكبد والبنكرياس
وقاالت سوسو موجوده ؟
قلت لها ما ينفع طوطو ؟
قاالت مين طوطو ؟
قلت هذا إسم الدلع حق الطاؤوس اللي هو أنا
وضحتك للمره الثانيه وقالت يؤيؤ
شكلي غلطانه طيب أسفه
قلت لها عادي لا شكر على واجب <<<وش دخل ذي في ذي
وقفلت السماعه<<<تصدقون مدري وش صار في زادت القعشريره وإفرازات خشمي زادت
وتمنيت إني أروح الحوش وأنبطح وأكتب قصيده
يالله معقوله هذا هو الحب <<< يلعن أبو الحب اللي تعرفه يالضفدع
وأنا والله ما أعرف البنات ولا تعودت عليهم
لأن بيتنا ما فيه إلا عشر طاعشر رجال
أبوي وأمي وأخواني
يعني عمري ما شفت بنت
المهم قررت إني أتعرف على بنات
بس فيه مشكله وحده اللي هي إن ما عندي أسلوب
فما فيه حل إلا واحد من العيال
صديقي عبدووووش
معروف إن البنات ما يعووقون معاه
وأنا اللي أروح لعبدوش وعلمته بالوضع كامل
قال عبدووش السالفه بسيطه إذا بغيت البنت تحبك حسسها
إنها أحسن وحده في العالم
قلت يعني أقولها إنتي أحسن من مردونا ؟ <<<نعن أبوك يالقديم
وهو اللي يرفسني برجله في بطني
وقال وش إنت ثور وش دخل مردونا يالغبي
أنا أقصد إنك تحسسها بأنوثتها وإن ما فيه بنت غيرها
قلت يعني أذبح كل البنات وأخليها
وهو اللي يموه علي برجله ويمحطني بيده على جبهتي
وقال أنت حمار لازم أعطيك دروس عمليه
ويطلع جواله ويكلم خويته ويقولي تعلم
وردت عليه خويته وقال هلا حياتي هلا عمري هلا رووحي
أنا لؤي حبيبك ومجنونك <<<الله لو أشوفه في الشارع أعطيه إسم شنتير
المهم وقام يقولها أحبك وأموت فيك
قسم بالله بغيت أقوم أبوسه يوم سمعت كلامه حسيت بشعور غريب
المهم خلص وقال دورك بعطيك تكلم بنت وقل زي اللي قلته
قلت له بكل خجل طيب
وهو اللي يدق على بنت ويعطيني
وأنا أقول ألووووووووووووو
ويوم سمعت البنت إلا واللي تضيع علومي
ونسيت كل الكلام وقلت لها
بابا فين ؟ إلا والكف من عبدوووش على قفاي
وأنا اللي أقولها هلا حياتي هلا عمري هلا تعالي
قالت البنت طيب وبعدين ؟
قلت أنا بدونك مثل الكيبورد بلا فاره مثل التقاطع بلا إشاره
مثل الددسن وإنتي الغماره أنا الصرصور وإنتي البيارة
أنا طوط طوط طوط طوط طوط طوط<<<قفلت الخط في وجهه
قال عبدوووش وش فيك ؟
قلت أبد الخط مشغول <<< ما يعرف يصرف
وعبدوووش يطلع خيزرانه ويمحط أبوي جدي
المهم رجعت البيت ونمت وصحيت على رنة التليفون
وأرد إلا هي نفس البنت اللي كلمتني تبغى سوسو
قالت سوسو موجودة ؟
قلت شوفي بيتنا كله شباب وكلنا إسمنا خالد مافيه أحد بحرف السين
إلا أخوي الصغير أسمه نايف ونناديه عبد الرحمن <<<وش عنده عادل إمام
والبنت تكرها ضحكه وقالت ما شاء الله دمك خفيف
( على بالها أستهبل ما درت إني دلخ من جد )
وقلت شكرا ومسوي مؤدب
وسألتني البنت كيف شكلك ؟
والله البلشه وش أقولها ؟
المهم بدا البكش وقلت أنا عيوني زي راغب علامه وفمي زي جواد
وخشمي زي رامي عياش مملوح مثل راشد الماجد
( ما باقي إلا أقول صلاح الشرنوبي وأصير أوبرا )
البنت صيخت يعني راحت شربه
وقلت وإنتي قالت إنت تشوفني وتحكم
وأنا يجيني إسهاااااااااااااااااااااااال يعني بشوفك ؟
قالت أوف كورس <<< مدري وش معناها بس أعتقد إنه زيت سيارات
قلت متى أشوفك ؟ طبعا البنت مستعجله على الوصف اللي قلتلها
قالت بكره في السوق بعد صلاة العشاء
وأنا أتلخبط يعني لو رحت ورشه يبغالهم أسبوع سمكره وصنفره
المهم جا بكره ورحت الصالون وحلقت على الثلاثه وأسوي السوالف سبعه
ورحت السوق على وعدها وأنا جالس عند بوابة السوق جالس جنب كيس زباله
إتصلت عليها وينك حياتي <<< صار جريء وملسن
قالت أنا هنا جلسه جنب واحد أهبل وإنت ؟
قلت أنا جالس جنب كيس زباله وأناظر جنبي في الكيس
إلا وهي بنت ونفس الصوت اللي يكلمني يعني هيه
وأنا أناظر مكذب ومصدق إنتي قالت هذا راغب اللي تقول
يالشيفه يالمصدي يالمروح أنا كيس زباله
قلت قومي إنتي وجهك فارقي قالت حلوه قالت
إنت جدك غوريلا ولا إيش ؟
المهم طحنا في بعض محشات وسب وتعليق
وأخرتها حرمت الغزل والبنات
وسلامتكم
العرض العادي
