حاولت في قلبي وانا اقول ابنساك
واعيش دنيا في حياتي جديده
اثر الغلا ما تعجبه غير دنياك
والقلب غيرك ما سكن في وريده
اشتقت لعيونك وصوتك ونجواك
واشتقت لظروفك ولو هي عنيده
قربك شربته كيف اجل ما اقدر اظماك
حبك عرفته كيف ما احتاج اعيده
قلت السهر واثر السهر ما بعد جاك
معذور ما حسيت بهمه وكيده
اسهرت عيني والسبب جور فرقاك
والبعد شوقي كل ليله يزيد
الله عطاني حبك العذب واعطاك
كل الصفات النايفات الحميده
انا وليلي والقلم لا ذكرناك
ينبت على اوراقي لعينك قصيده
*w