شرايح البشر
ناخذ تاجر من التجار
ينقال انه بديرته و بـ عيالها بار
تدور حوله الاخبار
باع واشترى…وللمشروع الفلاني انبرى
واسهم شركته نار في نار
صار همه كيف يكثر الحصاد
ما همه لو المجتمع بسبته صابه كساد
ويمكن تلقاه هو اس الفساد
وتلقى هالمخلوق اكبر منحط
تدري ليه؟؟
لا شفته مقبل قلت ماشالله
رجال مهاب...وطول بعرض
لكنه ساعات يجيه صداع…ويمكن ينجلط
لو عرف ان هذااااك المسكين يملك أرض
وهالتاجر المسكين....باخر الليل…يبات مهموم
يفكر ويدبر…كيف ياخذ من هذا المسكين كسرة خبز قاسيه
وتناسى ان هالمسكين حصل عليها بعد طلعة الروح و العافيه
تاخذ صاحب الجاه
اللي صرنا نحفا وراه
صار همنا بالدنيا رضاه….. واستغفر الله
ما صرنا نتضرع لربنا وصرنا نخشاه
نخافه لان بيده سلطه
نخاف نغلط قدامه أي غلطه
لاننا نعرف ان هالنوع على عباد الله متسلطه
كل كلامنا له
سم…وطال عمرك…وتحت امرك...ما تطلبه مجاب
وكل ماتبيه تلقاه
ورغم هذا نرتجيه لاجل يعطينا ابسط حقوقنا
ورغم هذا نفرح
وينسبه هالخسيس لجزيل عطاياه
وناخذ لنا فقير
هذاك المعدم الكسير…ملبسه خيش ومجلسه حصير
ماحمد ربه على كل حاله...لاوسكت...ولاقنع..
ولا شكر ربه على النعمه الزواله
على فلان حاقد…ولفعل علان ناقد…ولخير فلنتان حاسد
ونسي يدعي ربه يعوضه عن فقره بهالدنيا خير
والمجتمع كلله من سئ لاسوء
حربنا ضد الظلم في صدر الصحف
نستنكر ونشجب…وعلى نفسنا نكذب
وبالاخير ندعي المروءة والشرف
يمكن تتساؤلون….وليه هالثلاثه بالذات؟؟
نظرتي…يجوز انها صح ويمكنها صواب
ان الفقير يمكن يكون ... العاطل او الشحاذ
او الموظف العفيف
اما التاجر ..معروف…
يجوز ما عنده جاه…لكنه لص نظيف
وصاحب الجاه …لازم يكون
تعدى بكثير حدود المليون
و اوصفه لكم بوصف وجيز
لا شفت صاحب الجاه
ترحمت على ايام و عدل الخلفا الاربعه
ومن بعدهم عمر بن عبد العزيز