طال انتظار ي وما فيني يكفيني
خلاص بكشف لك اللي وسط وجداني
عجزت أعبر شعوري يانظر عيني
واللي بقلبي عجز ينطق به لساني
أحترت عيت ظروفي لا تخليني
عيا الزمن يجمع الواحد مع الثاني
ودي أحاكيك ودي أنك تحاكيني
بس الخجل مثل ماعداك عداني
أصبح خيالك بغيباتك يسليني
وذكراك دايم بقلبي ماتعداني
وعن خافي أسرار قلبك ويش مدريني
أكشف لي اللي بوسط القلب ماباني
تعالي أعطيك شوقي وأنت تعطيني
نبني بيوت الأمل في ظل الأغصاني
نعيش أنا وأنت في دنيا المحبيني
ترى المحبه تبادل والعمر فاني
شل حاجزالصمت من بيني ومن بينك
قول الحقيقه يكفي منك ماجاني
أرحم حياتي وحاول تلتفت فيني
رد الخبر في كلامك لا تنا ساني
*********
اخوكم : الراهب