بسم الله ا لرحمن الرحيم
صرااااااااحتن الموضوع ذا مدري وش يبي بس انا في يومن من الايام غازلت زووودالغلا حووبي تلفوونن <<< ابوك يالاملاء التي تسذا
*6
وبعض السواليف بيني وبينه طرت لي فوكرة اني اكتب موضوع زي تسذا
بس قلت خلني احط الموضوع ولا ينحرق علي تسذاتا ببلاش *6
وبينما انا اغازله . حدثتني نفسي وقلت اييييييه....
شوفوا حالنا يالتماسيح وحال البنات بعد
طبعا وانا لعبتها بمخي وتمنيت اني بنت
واكيييد بتقولون ليش صوح؟ انا اعلمكم
بس كل واحد يحط جنبه بيالة شاهي وكيسين حب <<<ملاحظه حب = فص فص
وفي بعض الروايات فس فس
واهممم شي يبقق عيووونه *r
---------------------
طيب
تولدني امي وانا بزر <<< ياشيخ اجل بتالدك ويتغطن عنك الحريم بالمستشفى؟؟
<<<< طبعا قام سناتش بتعديل الموضوع*6
المهم وتجي السورية زميلت امي بالغرفه تاذن باذني عشان اغدي مطوعه وتقيم باذني الثانية
خخخخخخخخخخ ثم يصلون على بطني
لاجد من يوم انا بزر(( عمري 5 سنوات )) واصير مدلعه لامني بغيت شي اقعد اصيح ويعطونني اياه ... مهوب مثل هالتماسيح لا بغى شي وقعد يصيح عند اخوه الكبير رجفه ولااا وهو متدربي تقل كورة قدم امريكية وصايرن ستيكر بالجدار ........*r
واذاكبرت (( عمري 10 سنين )ادخل المدرسه واحط الابه ومريول المدرسه والشريطه
وصارت امي تلعب بشعري وتجدلني وتسوي شعري قرنين واحيانا تحط لي كعكه وشباطتين واذا صار شعري فلافل حطت لي 20 شباصه
واروح العب مع البنات بالحوش ... صبحكم بالخير يالعمال لعمالية ... وذيتس الثانية ايه صح انا الذيب باكلكم انا الام بحميكم ....... ولا هذيييييك اللعبه اللي كلل ما اسمع البنات يقولونها : فتتتتتتتتتتاااااااااحي يااااااوررده وسكاااااااااري ياااااوررده
وكلها كوووم ويومن ينطنطن بالحوش ويقولن : كان فييي ارنب قااعد يلللعب لا لا لا لا لا لا ..... شااف كتكوووته اكل بسكوووته لا لا لا... لا لا لا
اقوم اصيح ودي العبها معاهم ومحد يقول لنا وش تسوون .... اما التماسيح العيال ... لو فكرر يقررب بس منهن يبي يلعب يقال له انقلع تلعب من بنات ياقليل الحياء ... لا واذا صار بالقصيم بعد بيخلونه يصب الشاهي والقهوه للشيبان
<<<<<< ابووووك يالاضطهاد :معصب( معاناااااااتي زمان وانا صغير ))
اكبر (( عمري 18 سنه )) اصير حلوه <<< يعني شرط تصير حلوه ماتصير فقمه خخخخخخخ
ادخل الكليه اطق لي جوال الفيصليه وعبايه ام كتف وكعب طوله مترين ونقاب مشقوق علشان تبين العيون ونص الخد
<<<<<<<<ياخي البس لثام وفكنا
اطلع اتمشى بالاسواق .... و القى اللافتة المشهورة (( ممنوع دخول العزاب )) يعني مافي مكان بالدنيا يقولون لي ممنوع تدخلينها غير بعض المقاهي بالرياض ومن تالي ماصار فيه مكان يقولون عنه ممنوع دخول البنات ... اطلع للمملكه .. العب علىا لمطافيق الي يلاحقوننا
كل يوم طالعه شاريتن فصطان او تنورة او بلوزة بالمبلغ الفلاني ومن ماركه فلانية ... وان بغينا نطلع للشرقية نروح للراشد ونستهبل خخخخخخخخخخخخ ارقم لي واحد مملوح <<<قصدي يرقمني
طبعا هالتمساح اللي طحت فيه لازم يكون دررررج ومطنوووخ
ملاحظه
مطنوخ = معاه فلوووووس ومقررررش
دررج= غبي والعب عليه
يسدد فاتورتي ...واخليه يتكلف بالمبلغ الفلاني عشان سواد عيوني وانا لاعبتن عليه اني احبه وهو يمووووووت فييني وفي دباديب رجليني <<<<<خخخخ سوري الاصل سعودي المنشأ
...المهم وهاللي يحبني اذا صاار لازقن بحلدزي (( بحلقي )) ..اذا اتصل مب راده عليه طبعا اذا صرت مؤدبه لييين ينسى رقمي ولا خليت احد يرد عليه ويصرفه ولا اقفل جوالي ليين يخيييس وينسى الرقم
واذا صرت قليلة ادب ارد عليه واتففففل بوجهه واقول لااااا اشوفك تتصل علي فاهم ؟ ويلا ضفف وجهك وفي روايه اخرى : اقللب وجهك
واشووف غييره
طبعا
طلباتي بالبيت مستجابة .... ولاهناك شغل بالبيت ماغير نوم ودخله انترنت<<<< ركزووو على الانترنت (( ادوووج باشاتات واطقطق على روس العيال الضعوف ))
المهم
طبعا يكون عندنا شغاله والشغالة طال عمرها موجوده وانا ملي شغل باشغال البيت
اكبر شوي (( عمري 20 )) اكيد انا دافورة وابدخل الجامعة او التخصص الي ابيه... وذلك بعون الله ثم بواسطات ابوي طال عمره اروح للكلية الصبح ... بعد ما اقوم القى فطوري جاهز افطر اخذ من امي قروش واروح مع ابوي واخذ منه قروش ... او اروح مع السواق ... يعني ما اشيل هم اني اعاير زيت السيارة وزيت الفرامل وماء الرديتر ثم اشغل السيارة واخليه تحتمي ....اروح للكلية ... يصير اغلب المواد الي يدرسوننا دكاترة يعني رجال يعني شبكه ... يعني نوم محد بيصارخ عليك ويطردك ويحرمك من المادة .... اطلع من الكلية الساعة 2,30 بالكثير الظهر القى لسواق ينتظرني ومشغل المكيف والجو باااارد يعني ما اقعد لي ربع ساعه انتظر المكيف يبرد والجو حار وانواع العرق والرييحه ... ولا انتظر فلان يقردن الدكتور يسمح له يغيب باتسر لانه ان غاب بتسر بدون عذر بايخذ حرمان ولا اشيل هم السيارة تبي تقطع بنزين الحين همين ندكها كعابي ..... روح للبيت القى الغداء جاهز افدعغ بالغداء الييييييين املا كريشتي واروح انام .... اقوم العصر اتمشى انا ورهام وساره وغاده والبنات مع سواق فاتن ندج بالاسواق ونغازل ونرقم واخرتها نرجع تعبانين ... ادق على خالد بالليل او نايف او جابر او سعيد عاادي مااتفرق واسولف معه كل الليل ماينقطع جوالي ... تدرون ليش؟لاني بدق دقه عليه واسكر وهو زي الاسد راح ينقززز ويتصل فيني ... مهوب كل شهرين اشيل هم هالالف او سبعميه ريال فاتورة الجوال من وين لي
والمكافأه ماتهمني جت او لا يعني بالصريح قروشي من ابوي وامي وحبيب البي اللي كل ليلتن احاتسيه يالجوال
مالي حاجه بالمكأفأه الي تمن علينا بها الرئاسة سابقن خخخخخخخخ حلوه سابقن نيأأأأأأه
اكبر شوي بعد (( عمري الحين 25 )) ... اصير متوظفه وان ماتوظفت مالي حاجه .... ابوي ملزوم بي .... ويصيرون الخطاب على بيتنا تقل ذباب على خليه عسل<<<<< وش جاب الذباب؟؟؟ انا اذكرها نحل اول
المهم ....وانا اتغلى ادور احلاهم ... واكثرهم فلوس ... واذا صار يعرس علي هالمسكين يعني قبلت به ... الله يعينه على مطالبي ... ابي بيت لي ... ومهري 120 الف تسانها مهيب 150 الف ... ايه منيب مدرسة او دكتورة ... وكاني توي ماتوظفت ابد 70 الف وشوية ... وعشرة الالف لامي وعشرة لابوي ويحط لي كم الف بالبنك... غير ان الشغالة تدخل قدامي البيت والسواق يكون له سيارة خاصه فيه .... واطلب لي جهاز لاب توب لي انا خااااص ((( اصصص ذي النقطه باقلولكم شي عنها تحت )) ....واشتراك انترنت dsl وكل اسبوع اسوي عزيمه بالبيت لخوياتي الآنف ذكرهن (( خخخخخخخخ حلوه ذا ا لمفرده كيف طلعت مني مدري )) .... ويكون البيت ملك ويكون بأرقى احياء الرياض .. ثم كل عطله نروح برى العالم العربي ... وبالعطل القصيرة نتمشى داخل الخليج العربي (( ولاتستغربون لو طلبت انه يستأجر لي صاروخ نروح به للقمر ودي اشوفه ))....وكل اسبوع يوديني لامي او تجي تنام عندنا الويك اند (( هذي مالكم شغل وشي ههعى ههه ))
اكبر شوي (( عمري 40 سنه )) يصير عندي كم ولد وبنيه .... اهتم بهم ... اراعيهم ... اغث رجلي بطلباتي الي ماتقضي واغلبها مالها سنع ولا له اي داعي ... بس مجرد اني اغثه واحرق دمه ... ليش ماطلعني العطله ذي ماليزيا .*6
اكبر شوي ((( اعجّز عمري 55 سنه فما فوق ))... اقعد كل يوم ببيت واحد من عيالي وبناتي ... اغثهم واصير لزقه .. طلباتي ما تخلص ابد ... اخرب علاقه ولدي مع مرته واقوله تراها تعيرني وتهاوشني دايم مع اني احبه بالحيل .... وليدي يطلق مرته ثمن اتوسط عند اهلها ويرجعها ... اقعد كل صبحيه بالدكه او بالحوش مع ام سليّم ومزنه وام حصيص... ورقيه العرجاء ... وناكل من هالتمر وشاهي وحش بالعالم .... شفتي اسم بنت فلانه ياشينه صايرتن مثل الغرب ذولا واساميهم الشينه ... شفتي رجل فلانه وش سوى لها لعبت عليه وشرى لها بيت في لبنان .... ايه وشفتي ام خالد متسلفه كنادري الفوشيات لعرس عبد الله ولد اخوها ولا رجعتهن ياجعله الشووك برجلينه.. ويمال المغصص والعمى والحراويل وطوله العمر <<< وش تبي ذي عويذ الله من هاللسان
... وكل يوم لي سالفه من حريم الجيران وبناتهن ... وحريم عيالي ورجال بناتي كل يوم مشغتلهم بطلبات واجد لين يملون مني ويطردوني وارجع لبيتي ذليلة مكفهره الخشه ... ودموعي على خدودي اربع اربع ... واقول الدنيا مابها خير ... هالعيال لا سويت لهم شي مايحفظون جميلك ابد ..
ثم يجيني ملك الموت وياخذني ويفتك العالم مني
وتوتا توتا خلصت الحدوته
قبل لا اختم ودي اقول شي ابتميلح شوي الحين (( تذكرون سالفه اللاب توب؟ ))*6
لا صدز تراي اكتب الحين بلاب توب (( يعني بتعلمنا ان عندك لاب توب؟؟ ))*w
خخخخخخخخخ المشكله عندي حرف الالف اذا جيت اضغطه لازم انادي كل اخواني يضغطون الزر معاي علشان يكتب
*r
العرض العادي
