بسم الله الرحمن الرحيم
الجزء الخامس
استيقظت من النوم وانا احس ان كل جسمي مكسر تماما امدتت اذرعي وعضلات جسمي وانا على السرير وقمت وكانت الشمس مشرقة اخطوت ناحية الحمام ودخلت واستحميت وبدلت ملابسي وخرجت صليت الصبح كان اخواتي الي نايم والي صاحي والي جالس عمال يقرأ وطبعا اختى الكبيرة قاعدة لوحديها وعمالة تفكر اكيد في فرحها ولا في عريسها المهم انها سرحانه في حاجة وعلى وشها علامت الفرح
طبعا ابوي لقيتو واقف برا مع الجيران عمالين يكلموه ويقولو له انو هو لازم يوسع شقتو زي الكل ما وسعها كان الشارع عندنا واسع جدا مش زي الشوارع التانيه فطبعا عشان الشوارع تكون كلها في حجم بعض خلو كل عماره تبنيلها شويه ادام كل عمارة 8 متر كل الشقق بنت من زمان والي كان لسه بيبني وقرب يخلص الا احنا والي فوقينا والجيران كانو بيكلمو ابويه على اساس كده ان هو لازم يبنى علشان الي فوقيه يبنى ابويه فكر وقالهم خلاص ان شاء الله نبدأ بكرة وهو كمان عشان نوسع الشقة عشان فرح بنتو طبعا عمتي كانت ساعتها موجودة الي الشقة كانت مكتوبة بأسمها هي جلست عندنا طول المده الي كنا عمالين نبني فيها الغرفتين الي هنعملها وانا كنت مستغرب ليه جالسة كده المدة ده انا سعتها مكنتش بفكر فيها كتير كنت بقول ده يعني عادي عمتي ومفهاش حاجة لما تعد استغرق البنى مدة اسبوعين خلصنا فيها الغرفتين والشقة بقت واسعه كانت في البدايه ثلاث غرف وصاله بقت خمس غرف وصالة وبقت حاجة تانيه خالص غير الأول في الأيام ده انا كنت بنزل بقابل نعمة وكانت حياتنة عاديه زي الأول بنلعب وكده بس ساعات كنا بنخلي اللعب وبرنوح كده نتمشى ونروح حتت فيها ورد وزرع ونعد لوحدنا ونتكلم مع بعض ونروح نشرب عصير وكنا يعني بنتمشى مع بعض اكتر مكنا بنلعب مع صحابنا وزي خلاص كنت اتعلقت بيها قوي
وجه اليوم الي هيتعمل فيه فرح اختي ودينا اختي عند الكاوفيره وابويه راح يشتري الأكل والحجات واخواتي قعدو يروقو البيت وانا رحت مع اخويا الكبير نجيب حاجات بتاعة الفرح وطبعا الفرح كان فرح اسلامي يعني فرح متعملشي قبل كده فرح بنمط غير الأفراح الي بتتعمل في الشارع وكده
كنا عاملين الفرح في مسجد وكده طبعا ابوي هو الي قال كده وابوي ماشاء الله عليه شيخ ومعلم قرآن في المسجد المهم جهزنا الفرح وكل حاجة والطبل والدف كان ساعتها يوم خميس على ما اعتقد الفرح بدأ وبدانا نطبل ونقول اغاني اسلامية والكل بيسقف بايديه وقعدنا ندور شويه بالعربيات وفيها العريس والعروسة ونزمر والحي كلو ساعتها كان فرحان انا كنت عازم صحابي وكل واحد من اخواني عازم صحابو والناس كانت كتيرة وجه وقت الاكل وبدأنا ناكل انا مكلتش كتير كام حتة لحمة كده وقمت على طول قعدت ادور على نعمة لقيتها كانت مع وحدة صاحبتها اسمها ايمان كنت اول مرة اشوفها عرفتنا على بعض وكده وخدنا بعض واعدنا تمشى حولين الفرح شوي روحنا شربنا حاجة ساقعة ههههههههههه انا دايما ما اخترشي هما الي اخترولي قلتلهم هاتو الي يعجبكم جبولي ببسي ورحنا اعدنا نتمشى واحنا بنشربو وبعدها رجعنا الفرح تاني لما دخلنا في موقع الفرح اتفرقنا انا نادوني عشان اساعد اخواني كانو بيوزعو على الناس حاجة ساعقة روحت ساعتهم
خلص الفرح على بليل الساعة واحدة كده راح العريس خد عرستو وراحو على بيتهم واحنا بقى رحنا على بيتنا وجة العمال الي كان عاملين الفرح وكده شالو حاجاتهم وخدو اجرهم ومشو
انا كنت تعبان قوي ومصدقت مخلص الفرح ورحت طلعت البيت اريح شويه وديتها نومة
هذه قصتي احكيها بنفسي
العرض العادي
