السلام عليكم ورحمة الله وبركـــاته
آول شى . مبروك عليكم تالي شهر رمضان ولو آنها متآخره شوى وعساكم من صيامه وقيامه .
ثاني شى . آعذروني فديتكم علي التآخير والله مشاغل الدنيا الله يكفينا شرهـــا ماتخلص
ثالث شى . والله آني آحبكم فـ الله
رابع شى . تقبلوا مني هـ القصيده وعساه تحوز علي رضاكم عقب هـ الغيبه
تكذب وتظلم وهذى ماهي طبوعك 000 والله غريبه يجي في علمهـا ثاني
حطيتني في مكان الجرم وش نوعك 000 دايم تجيب التهم من دون برهـاني
آخذ النصيحه وهد شوى من روعـك 000 دام النصايح بلاش وهرج مجاني
مابيك تحـزن وتسكب غالي دموعـك 000 دموع تمساح تكشف فعلة الجاني
في ليل الآحزان ولع باقي شموعك 000 يمكن تنور طريقك وآنت وحداني
اذا تبي تجني آرباحك بـ مشروعك 000 خل الصراحه وصدقك دوم خلاني
آسمع كلامي وخل العلـم بـ سموعــك 000 من جوف قلبي وعقلي ومنطق لسـاني
والله لـوك تحب من النـدم كوعك 000 مآرجع علي خاين العشـره وآنا فلاني
دايم وآنا آمشى معك وآمشى علي طوعك 000 وآنته علي ( آتفـه ) سبب تجرح وتعصاني
ماهمني لو تموت اليوم من جوعـك 000 علك تموت الدهر جايع وضمياني
ياظالم الناس مايغفـر لك رجوعــك 000 الله حسيبك علي ظلمي وبهتــــاني
لاصرت تكذب وتظلم دور آربوعـك 000 رح في طريقك ودور وآحدٍ ثاني
وسلامتكم جميع000000