يوميات عانس ناشبتن بحلتز اهله....
أثبتت دراسات طقها وإلحقها ان البنات مخفات ومهناش كلمتن توديهم وكلمتن تجيبهم ,,,,,,,,,,,,,,,
,
,
وبأسردلكم سالفة عانس تدعى حصه رويت بلسان صاحبتها,,,
تقول حصه,,,
,
,
كنت قاعدتن عند التلفزيون اتابع مسلسل مدبلج وداخله معاه جو حتى اني فحزت البطله وصرت محله وانا في نص انسجامي اسمع الي تنادين ,,,
حصووووووه يمال العنقز الي ينفض عضامك انزلي <--- امي تحب تدلعن
واجر نفسي من غرفتي بالغصيبه وانزل اسحب رجولي ,,,
نعم يمه ناديتين
ايه يمال الصقه روحي شخصي والبسي كل الي عندتس بيجونا حريم اليوم كود احد يعطيتس وجه ويخطبتس ويضفتس عنا
هي قالت هالحكي وانا قلبي قام يقول طربق طربق وتطقن الهواجيس والحلوم واتخيل شباب الحاره وهم يجرجرون بشت ابوي يبون يخطبونن ,,,
وأنقز لغرفتي أكبكب هالمكايج بخشتي لما صرت قمر تخسى عتاب عندي <---تسمع بالذوق واهبط بهالشوشه عيت تهجد وانا في قمة صراعي مع شعري يدق جرس الباب وانزل ماشيه مليون بغيت اتكرفس من الدرج والمشط مازال ناشبن بشعري ابلحق افتح الباب ,,مير تمسكن امي مع هالمشط الي يتدودل وتسحبن ,,,
وين انتي رايحتن يالخبله ,,,
ابروح افتح للخطاطيب ,,
هالسرع حطيتيهم خطاطيب وش تبينهم يقلون عنا بنتهم مطفوقهروحي انزلعي للمطبخ لما اناديتس تجيبين القهوه,,,
رحت للمطبخ وقعدت اطل من خرق الباب ابشوف حموات المستقبل,,يوم دخلن تقل احدن كافخن مع وجهي كل وحدتن اشين من الثانيه تسان عيالهم مثل خششهم عزالله هونت مابي اعرس
واسمع امي تنادين من المطبخ ,,,
حصه جيبي القهوه ,,
وراجع روحي واقول يمكن العيال طالعين مزايين مثل ابهاتهم<---عاد الي شايفتن ابهاتهم واشقل قهوتي وافق كشرتي وادخل اسحب رجولي والعب بجدايلي (بزعمي انوثه الحين ) ,,,
ويقعدن هالعجز على هالقهوه لما شفطنه كله ,, وتنغزن امي اقوم اجيب قهوه ثانيه ,,المشكله مااعرف اسوي قهوه واروح امطرسلهم اياه واجيبه ,, واشوى كل وحدتن اخذت فنجال وعجزت تكمله الظاهر انهم رويانين بس لعانه خلون اسوي جديده,,,,,,,,,,,,,,,,,,
عقب ماقضو حش وتقطيع بجلود الخلق قامت كل وحدتن تدور شنطته بتمشي ,, والله هالعجز المتمدنات :ama: كل وحده معه شنطه ماخبرت العجز يشيلن شنط حدهم مقطع به جيوب يدحونه حلاو وعلوتس ويوزعن علينا وحنا بزارين (ايه هذا عجز اول ياحلالي ) ,,, مهوب الحين شاقلتن شنطتن وش كبره عشان تحطبه جوال والبلى ماتعرف تشغله اذا وحدتن دق جواله ابتلشت ماتعرف من وين تفتحوه ,,,,ولا العبايات مخصره وهم مهنا خصر تسان تبي كروش فيه ,,,
,
,
,
المهم نرجع لسالفتنا ,,راحن الحريم وانا طول هاك الليله بس اتسدح عند التلفون أحتريه يرن وتكلم وحدتن تخطبن والتلفون سكتم بكتم تقل مدعي عليه هاك الليله :ama:وخامتنلي زمزمية زنجبيل وبس ادردبه ابيه تسلك صوتي عشان اذا زهم احدهم يصير صوتي ناعم ,,,,,
قعدت على هالحاله لما اذن الفجر ,,, قامت امي تصلي وتشوفن منتصه بالصاله مابوه الا عيوني يلمعن تقل بسه وتبداء امي بممارسة هوايتها المعهوده بالدعاء علي ,,,
وش الي مسهرتس لما هالحزه قومي يمال ****** <----الدعاء مشفر من قبلي اخاف تقولون امين
واروح لغرفتي وانا اجرجر ذيول الخيبه ( وينك عن ياسوسو) <---امون على سيباويه قبل اللطش منوه حتسي
وأخم وسادتي واحلم بالخطاطيب مالي الا الحلم:
مايستفاد من القصه:
1- ياعيال خلو عنكم التسكع بالشوارع والتسدح عند النت وروحو تزوجو ابركلكم .
2- يبنات لا تقعدن تشرطن على العرسان الوحده اذا جاه عريس قامت تحطبوه عذاريب الدنيا اعرسي قبل لا يفوتك قطار طنطه قصدي قطار العرس
3-داريتن ان مايسفاد بشنق والماضوع بشنق بس شفت العالم مدهرين هنا كل ماحطو موضوع لطو وراو مايستفاد قلت اطبق نظام (مع الخيل ياشقرى)
4-رحبوبي تراي عضوتن جديده<---كاتبتن هاسطر وانا اتنافض اشوف الدعوى هنا تشويت بمواضيع الترحيب
5- لا تنسون تمزعون سلك النت ترى الموضوع طويل <----احلفي
roaf1@hotmail.com
العرض العادي
