بسم الله الرحمن الرحيم
بصراحه فيه سؤال يراودني زي العادة ويشغل تفكيري لأني ماني لاقي له جواب ألا وهو
ما هي الحرّية التي تبحث عنها المرأة السعودية على وجه الخصوص ؟؟؟؟؟
دايم افكر بهالموضوع وأحاول انظر إلى واقع المرأه السعودية اللي هي اختي وبنتي وبنت عمي وبنت خالي وبنت جيرانا وزميلتي في العمل وكل مرأه موجودة من حولي وبصراحه دائماًً أحتار حيرة فظيعه ,,,,,,,,,,,,,,,,,,,,,,,,,,,,,,,,,,,,
تدرون ليش لأني ماني عارف بالضبط المرأه وش تبي بالضبط من كلمة ( حرّيــــــــة) ,,,,,,,,
هل المرأه تبي تتحرر من تعاليم الدين الإسلامي الحنيف من غطاء وجه وعباية, عدم الدخول والخروج والسفر إلا بذي محرم..... إلخ !!!!!!!!!!
بصراحه أنا لما أفكر في نسائنا ما أتوقع انهم يفكرون كذا ويبون التحرر من هالأشياء لأني متأكد ان في نسائنا الكثير من الخير ولله الحمد واكيد انهم يعرفون ان تعاليم الدين الإسلامي هي من شرع رب العالمين اللي ما فيه مخلوق على وجه الأرض قادر على تغييرها او إعفاء النساء من التقيد بها إمّا يتبعونها ويرضى عليهم رب العالمين وهو الشي اللي أنا متأكد إن أكثر نسائنا يطمحون له او ينسلخون من هالتعاليم إلى غضب من رب العالمين ,,,,,,,,,
هل المرأة تبي تتحرر من العادات والتقاليد الموجوده في المجتمع السعودي اللي بصراحه صعب أحصرها في نقطه أو نقطتين !!!!!!!!!!!!!!
بصارحه أنا مع المرأه في رفض وكره والمطالبة بالتحررّ من بعض العادات والتقاليد الموجودة في مجتمعنا لكن بأعيد وبأكرر فقط في ( بعض ) العادات والتقاليد وخصوصا العادات والتقاليد إللي ما تخدش الحياء ولا تمسّه ,,,,,,,,,,,,,,,,,,,,,,,,
يعني على سبيل المثال أنا مع النساء اللي يبون يتحررون من العادات الموجوده عند بعض قبائلنا وخصوصا في موضوع الزواج مثل البنت ما لها إلا ولد عمها , او إنهم يزوجونها من دون الرجوع لها ولا حتى إستشارتها أو حجزها مثل تذكرة طيران او غرفة في فندق لشخص معين منذ الصغر... إلخ
وهذي والله من أسوأ العادات الموجوده في بعض الناس واللي انا بصراحه مع المرأة إنها تطالب بالتحرر منها والإنسلاخ التام من مثل هالعادات السيئه إللي لو رجعنا لأصلها لوجدناها مخالفه لتعاليم الدين الإسلامي الحنيف تمام المخالفة ,,,,,,,,,,,,,,,,,,,,,,,,,,,
هل تريد المرأه ان تكون عامله مثلها مثل الرجل !!!!!!!!!!!!!!!!!!!!!!!!!!
من وجهة نظري الخاصة عمل المرأة حق مشروع لها وبصراحه أنا اشوفه حق مأخوذ لأن المرأه اليوم تعمل في شتى أنواع المجالات وتشارك الرجل في العديد من المواقع العمليّه ,,,,
لكن للأسف إن المرأه بالحق المشروع هذا تعدت المعقول وأصبحت ترضى بالعمل في اماكن مختلطة للكسب المادي الجيد والمنصب الوظيفي المرموق وناسية إن الإختلاط بالرجال في أماكن العمل حتى لو ما كان فيه خلوه فهو شر على الجنسين رجال ونساء وما راح أفصل في الموضوع هذا لأنه وسيع وطويل ,,,,,,,,,,,,,,,,,,
لكن للتوضيح بقول للنساء كلهم هل فيه مرأة ممكن تروح للعمل اذا كانت من اللي ما يتغطون ويكشفون من دون ما تحط ميك أب ؟؟؟؟؟؟؟؟
وإذا كانت من اللي يتغطون هل ممكن تروح للدوام وهي ما بخبخت نص عطور باريس قاليري على جسمها ؟؟؟؟
( "طيب حديث الرسول صلى الله عليه وسلم في المرأه اللي يوجد منها ريح عطر عند الرجال ما تذكرته )
لكن انا بطلب من كل مرأه تناشد بحقوقها الوظيفيه إنها تفكر لو إن زوجها يعمل في مكان مكتضّ بالنساء حتى لو ما كان بخلوه وش بيكون موقفها ؟؟؟؟
ووش ممكن يصير لزوجها هناك ؟؟؟؟؟
وقتها أنا متأكد إنها بتعيد النظر في العمل في الأماكن المختلطه ,,,,,,,,,,,,,,,,,,,,,,,,,,,
طبعاً آخر شي أو بمعنى أصحّ الموضه الجديدة اللي يطالب فيها الآن من قبل النساء وبشكل كبير ألا وهي موضة قيادة السيارات !!!!!!!!!!!!!!!!!!!!!!!
أنا بصراحه الموضوع هذا كل ما أتذكره أضحك والله واستغرب من البنات إللي يبون يسوقون سيارات لكن بختصر وجهة نظري في هالنقطة وبقول
أنا ضد قيادة المرأه للسيارة بشكل تام وعنيف وبكل ما اوتيت من قوة مع العلم إني أعرف إن من هالموضوع قد يكون فيه مصالح جيدة لكن أنا متأكد وواثق إن راح تكون مضارّة بالنسبة لمصالحه أضعاف مضاعفة لكن للأسف النساء ما يبون يشوفون المضار المترتبه على هالنقطه يبون يسوقون وبس ,,,,,,,,,,,,,,,,
بعيد عن النقاط إللي ذكرتها آنفاً أتوقع بل وأجزم إن المرأة السعودية من أكثر نساء العالم راحة ولله الحمد وأغلب حقوقها مكفوله ونسائنا ولله الحمد محفوظات ومصانات ويتلقون أفضل الدرجات التعليمية والتثقيفيه وزود على كذا عفيفات ومصونات وما عندها هموم غيرها من النساء في غير السعودية وأكبر دليل على كلامي إن أكثر الدول بل وأكبرها حرّية للمرأه ( الولايات المتحدة الأمريكية ) يحسدونكم يا بناتنا على النعمة إللي إنتوا فيها ,,,,,,,,,,,,,,,,,,
بعد هذا كله ما زلت اتمنى ومتشوق إني أعرف واتمنى النساء الموجودات بالمنتدى هنا يردون علي ويجاوبون أسألتي اللي بسألها ,,,,,
يا بناتنا ويا نسائنا ويا مرأه بشكل عام ممكن أعرف وش ناقصك ؟؟؟؟؟؟؟؟؟
ممكن أعرف وش الأشياء اللي مو موجوده عندك وتآزرين دعوة تحرير المرأه علشان تحصلين عليها ؟؟؟؟؟؟؟؟؟؟؟؟؟؟
عذراً على الإطاله وتقبلوا فائق تقدريري واحترامي
إنـــــــــســــــــــان
العرض العادي
