(الــــــذئــــــاب الـــبــــشـــــرية)
اولاً انا اجسد هنا وجهة نظر خاصة فيني انا وعن شرائح خاصة من الشباب والشابات وليس الكل ,,,, ما زال ولله الحمد موجود فيهم الخير الكثير الكثير لكن حبيت اطرح الموضوع وهو قابل للنقاش طبعا وابداء وجهات النظر بس الله يخليكم اللي حاب يعقب يعقب بس بشرطين
1- بدون تحيز
2- ياخذني بحلمه شوي :)
.................................................. .................................................. ....................
الذئاب البشريه مصطلح من زمان وانا اسمعه واعرف انه لقب من اشهر القابنا يا ( معشر الرجال) اطلق علينا من قبل الجنس اللطيف بحكم أننا يالرجال ذئاب بشرية ما لها مشاعر فحبيت اعلق عالموضوع شوي وخصوصا هالأيام .................
اولا انا راح اسميها الغريزه العاطفية مو الغريزه الجنسية واللي هي شي خلقه رب العالمين سبحانه في الجنسين رجال ونساء على حد سواء مثله مثل اي شي ثاني رب العالمين سبحانه وضعه في بني البشر وكان من خصالهم او صفاتهم الأساسية مثلها مثل اي صفه ثانيه وعلى سبيل المثال ( غريزة الجوع ) كلنا نجوع سواء رجال او نساء والغريزه العاطفية مثلها مثل هالغريزه...........
الإنسان سواء رجل او إمرأة بطبيعة حالة وفطرتة يكون حامل للغريزه العاطفية هذي ويكون عنده انجذاب بإتجاه الجنس الآخر بكل انواع الانجذاب الغريزي العاطفي سواء كان بالتكامل العقلي ( وهذا موضوع كبير بحد ذاته بخصص له مشاركه ثانية للإسهاب في التوضيح),او اعجاب بالجانب الفكري , اوالانجذاب والإعجاب بالإختلافات الجسدية والسلوكية ... إلخ ..........
مشكلة الرجل تكمن في طبيعة حالة وتركيبة الجسماني فهو اقوى من المرأة يستطيع انه يشبع رغباته العاطفية حتى لو بالقوة بعكس المرأة و برأيي الشخصي من هنا اتت الرؤية بكون الرجل يمثل الذئب القوي اللذي يستطيع ان يشبع غريزة الجوع الموجوده لديه على حساب الحمل الوديع الغير قادر على الدفاع عن نفسه والتي من وجهة نظري ما تعتبر جريمه لأنها غريزة طبيعيه فيه ( فما اتوقع ان الذيب يمكن يجي يقول للحمل الوديع تكفى الله يخليك بأكلك )........
لكن ابيكم تتخيلون معي الصوره بالنسبة لنا كبشر ووجه اختلافنا عن المثال السابق لأن الله سبحانه وتعالى وضع لنا نحن الذئاب البشرية ضوابط واعطانا العقل علشان نميز هالضوابط ونعرفها وبعد وضع للحمل الوديع راعي قوي جدا متمثل بتعاليم الشرع والدين ..............
فكأن رب العالمين يقول يا بشر ( ذئاب بشريه وحملان وديعه) انا ربكم اللي خلقتكم و سنيت فيكم السنن لحكم عظيمة قد لا تفقهها عقولكم ولكن عليكم أن تؤمنوا بها وتعملوا بها ,,,,,,,,,
انا من خلقت في الذئاب البشريه جوعها وقوتها وانا اللي ابتليت الحملان الوديعة بضعفها وحب الذئاب البشريه لها وانا وضعت لكم الراعي كحد فاصل وشبك منيع بينكم,,,,,,,,
اذا اراد الذئب البشري اكل حمل وديع فعليه ان يفعل كذا وكذا فإذا فعلها فإن الراعي سوف يقوم بفتح الباب له وتقديم الحمل الوديع له على طبق من ذهب ( كوشة) ويكون اكله للحمل الوديع طاعة لأمري ومرضات لي ولا يحق له اكل الحمل الوديع الا بهذه الطريقة ,,,,,,,,,,,,,,
السؤال : ليه صفة الذئب البشري بالنسبة للرجل تعتبر وتفهم بالطريقه السلبيه البحته من دون تفريق بين الذئب البشري اللي يتبع تعاليم الخالق سبحانه في اشباع غريزة الجوع عنده بإتباع تعاليم الراعي وبين الذئب اللي يقفز الشبك ويهاجم الحملان بدون مراعات الضوابط ؟؟؟؟؟
الصورة الثانية واللي بجد تعور راسي ( قلب الادوار ) والمعنى إن الحمل الوديع يجي ويمسك الذيب ويقول له اقول لك كلني !!!! ومن اقوى الأمثله عليه في الازمنة الغابرة قصت النبي يوسف عليه السلام واللي الكل يعرفها ويعرف انا وش اقصد من ذكرها ,,,,
وفي الأيام الحاضرة نفس الصورة لكن بطريقه اقسى واقبح وبصراحه ما ادري وشلون اوصفها لكن انتوا تخيلوها واوصفوها مثل ما تحبون ,,,,,,,,,
الايام هذي الحمل الوديع يطلع من خلف الراعي ( الشرع وتعاليمه ) ويقفز عصى الراعي ( ولي امر الحمل الوديع من أب او أخ ) ويتغافلهم ويطلع من الشبك ويروح يتمشى قدام الذئاب البشرية حاط احسن عطر ومتمكيج بأحسن انواع المكياج ومبين شي من مفاتنه ( موزاته ) ورايح جاي قدام الذئاب البشرية؟ بأمانة وش تتوقعون من الذئاب تسوي ؟؟؟؟؟؟؟؟؟؟؟؟؟
يعني انا بسوي مشهد بسيط للذئاب اللي يصير قدامهم هالشي:
ذيب1 : اف اف اف وشذا اللي جاي شف يا فلان شف
ذيب2 : وشفيك يا فلان وش اشوف
ذيب1 : شف هالحمل الوديع اللي جاي هناك
ذيب2 : اي والله انك صادق وشفيه هالحمل وش مطلعه من الشبك ؟ وليه مخالف كلام الراعي؟
ذيب1 : والله مدري وش المطلوب يا فلان يمكن ما شافنا جالسين هنا
ذيب2 : اي والله يا فلان انك صادق بس الخوف لا يكون شايفنا بس مب باين علينا اننا ذيابه ويحسبنا سلق ؟
( ابليس ) : إلا أكيد يحسبكم سلق ولا كان ما جا يتمشى قدامكم كذاوبلحاله من الدون الراعي وعصاه وبعدين شوفوا هالحمل شوفوا هالشحوم واللحوم شوفوا المشية اسمعوا صوت( نباع) اللي طالعه من حنجرته ولا حتى ام كلثوم تنافسه والله انه نعيمي اباً عن جد
,, سال لعاب الذئاب وشحذ ابليس هممهم وراحت على الحمل الوديع,, ....................
بالله بعد اللي قريتوه بسألكم وش رايكم بمنظورالذئاب البشريه والحملان الوديعة ؟؟؟؟
اتمنى ما اكون أسأت لأحد واتمنى يفهم المقصود من كلامي بالشكل الصحيح واعذروني على الإطاله
وتقبلوا تحياتي,,,,,,,,
إنـــــــــســــــــــــان
العرض العادي
