يووم شفت اخوي يصيح لأن خالتي ( هي اللي مربيته من يوم انولد الين اولى ابتدائي تقريبا او اكثر ) تزوجت واحد ساكن في جدة ...وكان هذاك اليوم اللي بتسافر فيه خالتي وجات تسلم عليه وتودعه ....اذكره والله كان طايح بالارض وهو يصيح واخولي يسحبونه سحب .
ما هي أجمل هدية تلقيتها في طفولتك ولم تنساها لليوم ؟
هدية مدرس اللغة العربية في صف ثالث ابتدائي ..اعطاني طقم اقلام ( باركر )..
كنت اشوفهم شي خيالي وقتها .
هل هناك انسان معين كرهته
في طفولتك .. ولماذا ؟
الحمد له ما فيه احد ..
ما هي اصعب مرة ضربت
فيها ولا زالت محفورة في ذاكرتك وسبب الضرب ماذا كان؟
بصراحة ما افتكر موقف معين ....لأننا كنا 24 في 24 لعب وصرقعة في اهلي واهل جيراننا
حتى راعي البقالة ما كان يسلم مننا ...يعني الضرب شي عادي بالنسبة لنا .
لكن افتكر ان حارس العمارة كان يمحطنا اذا شافنا نلعب كورة بالأسياب لأننا نكسر اللمبات
هل كنت غيور بطفولتك من اخوانك وتحس فيه تمييز بينك وبينهم ؟
لا الحمد لله ما كان فيه غيره لأن الوالد والوالدة ما كان عندهم اي نوع من التمييز .
ما هي اكثر وافضل لعبة كنت تلعبها و أنت صغير ؟
والله كان فيه اكثر من لعبة ..طبعا الكورة هذي شي اساسي ....و الحبشة ( مدري ليه كنا نسميها هالاسم ) واللي هي المطاردة ..يعني نختار واحد يلحقنا واذا لمس ظهر واحد فينا وعد الين 3 يصير معه ( تقول زومبي ) واخر واحد يبقى ..هو الفايز
واخر لعبة هي نفيخات( بلونات ) الموية ...كنا نعبيها ونفقع وجيه التكاسي والهنود وكل خلق الله
هل ستربي اولادك بنفس الطريقة التي تربيت بها في طفولتك؟
اكيييييييد ...ما عدا اني اخليهم يفقعون وجيه خلق الله بنفيخات ( بلونات ) الموية
ومرة ثانية اشكر ريم على الاستضافة واشكر افوق على موضوعها اللي قوم مشاعر قديمة