قالت ابحكي .. قلت لاتفضحيني
توّ الذي بالقلـب مابـان سـره
قالت ابقصد .. قلت لاتمدحينـي
ترا الشعر لك ياحياتـي ونثـره
قالت احبك .. قلت لاتوهمينـي
ترا العذاب اللي بقلبـي يحـره
قالت ابسكت .. قلت لا.. حدثيني
ترا الحكي من مبسمك زان دره
قالت اببكي .. قلت لاتجرحينـي
دمع الحزن ياما تذوقـت مـره
قالت ابرحل .. قلت لاتتركينـي
لاتتركي قلبٍ لقى فيـك عمـره
قالت ابنسى .. قلت لاتهجرينـي
بموت لو غبتي عن العين مـره
قالت ابسأل.. قلت لاتحرجينـي
وياما السؤال يجر ضيق ومضره
قالت امانه.. انت.. بتحس فيني
قلت ابأمانه .. الف مليون مـره