الشوق لك ياحياتي جابني بيتك=وانتي بكيفك قبلتي بي وهليتي
واخلصت لك في غرامي يوم حبيتك=وانتي بعد في بداية حبك اوفيتي
حسيت طعم السعادة يوم لاقيتك=وقلت يانفس جالك ماتمنيتي
جيتك وكلي وفا واخلاص واهديتك=قلب (ن )بوسطه تربعتي وتعليتي
ويوم ان حبك ملكني زود واغليتك=من غير ذنب وخطا عني تخليتي
وانا الذي لا نسيت ولا تناسيتك=انتي قطعتي اتصالك ثم صديتي
ناجاك قلبي وباسم الحب ناديتك=وانتي بصدك وهجرانك تماديتي
ما المشكلة ياحياتي لو ترجيتك=المشكلة لا ترجيتك تغليتي
من بعد ماعافك الخاطر وخليتك=جيتي وكنك نسيتي ويش سويتي
لوكان دمعة عيونك دم ما ارضيتك=مابرخص النفس لك دامك تعاليتي
خلاص خابت ظنوني بك ومليتك=قلبي غني عنك يوم انك تغانيتي
شطبت ذكراك من دنياي واقصيتك=والراس ما ينحني لك لو ترجيتي
مستور محمد الحارثي
العرض العادي
