ها11111111111111ي شله
اخباركم
خبالكم
امن ها111ي شله ودك تصطر اللي يقولها
احس انه يرفع ضغط تدرون ليش ؟؟؟؟
لاني اتوقع انه تمساح وده يصير نعومي
خخخخخخخخخخخخخخخخخخخخخخخخخخخخ
المهم نرجع للمحور الزراعي عفوا قصدي محور حديثنا
اقول ياجماعه وانا قاعدن اناظر قناة الجزيره والعربيه واشوف المراسلين يدهرون في نقل الحتسي من مكان الى مكان غادين اعوذ بالله تقول ماعندهم شغل الا التخريب مايخافون الله
عاد اقول بنفسي تخيلوا تجي القوات الامريكيه بالقصيم وجوك هالمراسلين من كل متسان ياويلي يالقصمان
تعالوا نشوف المراسلين وش يقولون اويلاه :-
في منطقة بريده :-
هذا وقت صرح مصدر مسؤل لدى امارة منطقة حويلان الامير صايل الحول بان الدبش الامريكين ماعندهم ماعند جدتي فطيم وان كل حتسيهم مهوب صحيح وابشركم ان خب الجن وخب القصيعه مازالت تحت السيطره وان جميع مزارع اللسيب بخير ونعمه ومابها خلاف وازودكم من الشعر بيت ان محصول هالسنه من التمر جيد والسنه هذي سنة خير وبركه علينا الله يخلي الحكومه وكله بفضل الله ثم بفضل عمالنا قرناوي وابو حسين الثور .
مراسل قناة الجزيره
قرناوي المصري
خب الحويلان
وفي مكان اخر من منطقة بريده وبالتحديد في خب الوسيطى معنا وعلى الهواء مباشرة مراسلتنا هيلة المنتشري :- ياهيلة كيف الاجواء عندكم في خب الوسيطى حيث نسمع مؤخرا عن دخول القوات الامريكيه لهذا الخب هل هذا صحيح اما ماذا ؟
هيلة : بالخير اميل لحود اخبارك عساك بخير والله اني اليوم كنت بحوض الكراث انا وام على وام صالح وام عبدالله لكن ماجتنى ام محمد تقول انه عليهى قل صح وانها تونس وجع بركيباتها والشاتسله يالله ان تعافيها تقول شادتن عليهى شوي .
اميل :- ياهيلة وش دخلنى بتس انتي وشلتس عطينى الزبده وانجزي يالله اويلاه
هيلة المنتشري : الزبده اليوم والله ان ام العوف مادري وش به ماعنده نيه تدر والظاهر انه جايته عين الله يدفع البلا الناس عيونه اعوذ بالله تقول شرار تقادح
اميل : نعتذر لخواننا المشاهدين وننتقل بكم الى ساحة المعركة على طريق الدائري الشرقي ومع مراسلنا دحيم المهوي دحيم نامل منك توضيح الموقف الحالي عندك على الدائري الشرقي ؟
دحيم : ايه يابيي اليوم مجتمعين كل الشباب ومتحدين منهو اللي يمشي الجيب الحفاظه على كفرين عاد محد قدر الا واحد اللي برهوم البطه والله ياهو رهيب ياخي مشى الجيب اللي معوه على كفرين من اول طريق الربيعيه لين وصل للدائري عاد محد جابوه الا وحدن ثاني بس تراوه قلب على التنده ورقم لوحته(( ق ل ب 015 )) وساموه واحدن من العيال يقول انه يبي منه قطع تشليح لموتروه المرهم .
اقول دحيم انا اسألك عن الاوضاع الراهنه وكيف وضع الاهالي هناك مع القوات الامريكيه .
دحيم : ايه يابيي انت ماتدري ان عزازي اليوم مسوي حفلة امريكا و انه مطلع اغنيه جديده هي (( انا ابغض امريكا )) وكل الشله مجتمعين بذاك علشانوه .
اقول والله ماوراك فايده طس طسوو بك
اعزائي المشاهدين ننتقل بكم الان الى البيت الابيض لنسمع كملة الرئيس الامريكي بوش .
((( طبعا انتم الحين تسمعون الترجمه مهوب لازم اكتب انقليزي ))
ايه الرئيس بوش هل صحيح انكم الان في مواجهه مع الارهاب في الكسيم ؟
نعم نحن الان على مقربة من ديزيرت ان دبابه (( حلوه ديزيرت ))
ولو تلاحظون الصوره سوف تجدون جحافل الارهاب قد اجتمعت وحصل تبادل النيران بين القوات الامريكيه والارهاب ولكن نحن اقوى بكثير منهم لذا سوف نتغلب عليهم ونعيد الامن في المنطقة وليكن الرب معنا .
ولكي ننقل الصورة واضحه لدى مشاهدين الاعزاء ننتقل لكم الان الى موقع الحدث في منطقة ام دبابة ومع مراسلنا عزوز البطه اخ عزوز كيف الاوضاع عندك وهل صحيح انه حصل تبادل اطلاق نار من قبل الفئتين ومن المنتصر في ذلك ؟؟
عزوز البطه :- الله بالخير ياجماعه انا الحين جلسن في نفود ام دبابة اتابع التحدي بين الجيوب المرهمه وهمرات هالحمران الفنس وايهم يرقع نفود ام دبابة بالريوس وكل الشباب الشهبان اللهبان عيونهم طايرتن على الفنس والله يامعهم وحدتن تفتح النفس لو تشوف عصاقيله مابهن ولا شعره ولا سواد ولاشي وكل الشباب مزلبين التحدي وقاعدين يشوفون هالفنس ماغير يتمقلون بهم .
لحود:- اخ عزوز البطه لايتبط تسبدي ياخي اقولك في واشنطون الدنيا قايمه وانتم مزلبين كل شي الحين مافيه تبادل اطلاق نار ولا شي .
عزوز البطة :- اي نار وي تبادل اقول اعقل وخلك رجل اصلان اللي قالك هالكلام تسذوب ويبيله تسوي على علباته علشان معاد يستذب والله .
بعدين وين اللي جاين يحاربون هذولي جايين سياحه ياخي في ربوع القصيم .
وش بلاك انت عسى ماشر احدن لاعب عليك بس ياحبكم للهمق .
طوووووووووووووووووووط
لحود :- اعزائي المشاهدين نأسف على هذا الخلل الفني وسوف نحاول معوادت الاتصال بمراسلنا عزوز البطة (( اقول ياحسنين اوعى تحولي مكالمه منوه ))
والان ننتقل لكم مع نشرة الاحوال الجويه ومع الزميله ( هيا المخشب )
اهلين كيفكون عساكم اليوم طيبين وامس اطيب يالله ان تحييهم اقولكم اليوم الجو يهبل وزين للكشته في خب وهطان وخب الدعيسه ولكن في خب الجو مغبر في خب البعيثة وبالنازيه كلهن مالهن سنع تروحون هناك وفيه عند شارع القناة رواح مهب زينه ولا يمدحونه هذا الخبر ماخذتوه قبل شوي من ام صالح لانها بذاك وتقول لاحدن يقربوه لين يشوفون لهو صرفه .
وعندك الجو مشمش قصدي مشمس في كل من
الشماسية والربيعيه وابا الدود وعنيزة وام دبابة يعني وش جبنا جديد هذا جونا
عاد اقولكم الحين درجات الحرارة والا مايتحاج ايه وشوله الفسق خلوهن للنشره الليلة اقولها علشان يصير عند هرجتن جديده . يالله فمان الله .
اعادة لماجاء في النشرة :-
امير خب الحويلان يصرح بان كل ماقاله توني ولد بلير خرطي بخرطي وانه تسذووب وان خب اللسيب والحويلان وخب الجن تحت السيطره .
تبادل اطلاق نار في منطقة ام دبابة وكان التحدي بينهم منهو اللي يرقى الطعس بالريوس .
سيطرة القوات الامريكيه على خب الدعيسة والنازية والساده .
هذا وفي النشره اخبار متفرقه .
تدرون لو يصير صدق ويجون هالمراسلين للقصيم
اتوقع انهم بيضيعون مع هالمسميات ويقولون الله يحلل العراق على مسمياتهم
خخخخخخخخخخخخخخخخخخخخخخخخخخخخخخخخخخخخخخ
يالله لايكثر عاد من الفضاوه والا هذا مهوب موضوع
خخخخخخخخخخخخخخخخ
بايات كثيرات
منــــــــــقول000
للتواصل عبر المسنجر :
yam1476@hotmail.com *t
العرض العادي
