لولاي احس بداخل القلب دقات *** *** ما كنت اصدق ان قلبي محله
استغفر الله كيف ذا القلب ما مات *** *** وشلون ينبض بعد ما راح خله
يا كثر ما جتله من الناس صدمات *** *** كل المصايب والمحن في سجله
وآخر قصيده زادت الطين بلات *** *** فرقا الحبيب اللي له القلب كله
فرقا الحبيب اللي عجزت عنه الابيات *** *** عد وصف حسنه ودقه وجله
انا حياتي اصبحت شبه مأسات *** *** قصه حزينه والنهايه ممله
ابطالها دمعه وونه وآهات *** *** وغلافها حسرات والشاهد الله |