السلام عليكم ورحمة الله وبركاته
اخواني مشرفي واعضاء همس القوافي
هذه قصيده ارجوا ان تحوز على رضاكم
[poet font="Simplified Arabic,5,burlywood,bold,normal" bkcolor="transparent" bkimage="backgrounds/21.gif" border="outset,10,burlywood" type=2 line=200% align=center use=ex length=0 char="" num="0,black" filter=""]
<< تغلا >>
لا لا تغـلا مـن تغـلا نجازيـه = قال المثـل منهـو تغـلا تخـلا
بس البلا مثلك حشـا مـا نخليـه= ما نتركه لـو هـو علينـا تغـلا
أفرح بشوفه وأفرح بزود طاريـه = سبحان من صورك عزى وجـلا
أغليه أحبـه أعشقـه هايـمٍ فيـه = في طلته مثـل البـدر لا تجـلا
كن البدر يسكن بحضرت معاليـه = فيه الجمال اللـي مـع زيـن دلا
أحلا من الدنيا ولا أحـدٍ يحاليـه = حتي الحلا يا زين رحـب وهـلا
مدري يبارى الحسن ولا يباريـه؟ = ألا الحسـن كلـه بحسنـه تعـلا
وهيم في رمشه وعينـه وداريـه = وأعشق جنونه وأعشقـه لا تغـلا
وأحيا على صوته وقلبي يراعيـه = أنسى غرامـه ألـف لا لا وكـلا
يا كيف أبنسى من حياتي بياديـه؟ = قربه غـرام وشوفتـه مـا تمـلا
أسلا بشوفه وأدري انـي أسليـه = وادري بعد انـه بشوفـي تسـلا
بس الظروف اللي تباعد خطاويـه = يشكي وصبره من عنا الوقت ملا
ودايم أخفف ضيق صدره وداويه = ودايم أقول أحذر تعيـش المـذلا
دنياك لو دامت لغيـرك تصافيـه = لابـد مـن يـومٍ دموعـه تَهـلا
والوقت لو تكثـر علينـا بلاويـه = ول العنا من داخـل الـروح ولا
دام الغلا فينـي تعـدى هقاويـه = لجلك تولا أمـر روحـي تـولا
أرخص لك الدنيا وأنا قول لبيـه = لبيه يـا نـور القمـر لا تكمـلا
لا جيت أبوفي يا ترى كيف بوفيه؟ = تزهى بيوت الشعر حسن وتَسـلا
صدق المشاعر في غرامه مشاريه = حتي الشعر في وصف زوله تَحلا
حال المعنا مـا يمـاري مواريـه = فيه البحر فيه السمـاء والتجمـلا
جال الخفوق وجال حوله حواليـه = وتل العروق اللي حواهـا وتـلا
ما بين قوس البيت تلقـا أساميـه = اربع حروف من الهجا مستطـلا
إي والله أحبه وأعشقه زود وأغليه = ومنهو تغـلا مثلكـم مـا تخـلا
كلمات / الاحساس
[/poet]
واتمنى تحوز على رضاء الجميع
ومتاسف على الغيبه القصيره
واتمنى ان تعوض غيابي عنكم
اخوكم/
<>الاحســـــــــــــــــــــــــــــاس<>
العرض العادي
