عرفت إن السعـادة بسمـة الأحبـاب !=ولمست إن البـلاد عيـون غالينـي !!
بيوم الحزن كشّـر للمفـارق ... نـاب= سمعـت الريـح والذكـرى تنادينـي !!
مقلط بيتنا ! ودلالنـا ! ..... والبـاب !=تبي تصـرخ دخيلـك ... لاتخلينـي !!
كفوف اخواني تلـوّح وش الاسبـاب !؟=وصوت امي علـى نفسـي يوصينـي !
بظن إن الرحيل و وحشـة الاغـراب !=تصير مهند ٍ يدمـي .. نحـر دينـي !!
رحلت وفي عيونـي كانـوا الاصحـاب=" مصابيح ٍ تضوي عتمـة سنينـي " !!
وطارت من يدينـي أمنيـات اسـرااب=ولاحطت علـى ضفـة .. عناوينـي !!
ومـرّت صورتـك وترقـرق العنّـاب !=ولون التووت غنّـى فـي شرايينـي !!
ياليت آكـون حلـم يعيـش ماينجـاب !=وانااااام وصفـة رموشـك تغطينـي !!
واحلق بـك سمـا ود وغـلا واعجـاب=وفي قلبك عـن العالـم .. توارينـي !!
واذا تسأل : صحيح إن الهوى غـلاّاب=جوابي لـك : تكـرّم ناظـر بعينـي !!
تشوف إنسـان بهيـام المشاعـر ذاب=يغني لك " أحبـك لـو تجااافينـي " !!
وحانت رحلتـي والأمنيـات ركـااااب !=مقادير البدو ... ...قامـت تسرّينـي !
رحلت بـحلم شايب وبعزيمـة شـاب !=مرامي : عودة الـورد لـبساتينـي !!
حبيبي ماعلى الصلب الكسيـر عتـاب !=وانا جور الزمـان المـر .. مروينـي !
تعاتبني ! ... وانا مابين ناب وناب !!!؟=وعن لمّة حطامي ... عجزت ايديني !!؟
كفاني من عذابـي وحشـة الأغـراب !=وأنا اشوف بعيونك ..... " لاتخليني " !!
ايبلـه صـوت أمـي
العرض المتطور
