مرحبااااا حبايــــــــــبي ....
بصراحه امس طاح ابيديني كتاب .. (( بس لا تقولون يو هذه شكلها مدمنه كتب وتبي تتفلسف فوق روسنا )) .. بالعكس أنا حالي حال بنات هالأيام يعني من وين لي وين اقرا كتاب معين طبعا غير كتب الدراسه المهم هذا مو موضوعنا .. بس فعلا حبايبي هذا الكتاب عجبني وايد لأن قاعد يتكلم عن فكرة احنا بصراحه مستغفلينها وهي فكرة مهمه وايد لو نفهمها راح نفهم شلون نتعامل مع الجنس الأخر ...
هذا الكتاب يوضح الأختلاف الأستيراتيجي بين النساء والرجال سبحان الله .. اختلاف فكري بحت ... مثلا ان الرجال والنساء يتعاملون ويحسون ويحبون ويحتاجون ويعبرون عن أفكارهم بطرق مختلفه ....
بصراحه الكتاب يتكلم عن شغلات وايده بس حبيت اذكرلكم بعض الفكر المهمه أو رؤوس أقلام عن أهم المواضيع ...
* الرجال مثل الأحزمه المطاطيه : يعني الرجال لما ينسحبون يقدرون يبتعدون مقدار معين وبعدين يرتدون .. ( عشان جذي انا استغرب ليش دايما زوجي يعطيني اسكبات ويكشت فيني أحيان ولا يعبرني بدون سبب )
*النساء مثل الأمواج : يعني المرأه لما تحس انها محبوبه يصعد غرورها ويهبط في حركه تموجيه ..
*ان الرجل يحس ان يحتاج للأستقلاليه مثل ماهو يحتاج للحب ( ولازم على المرأه في الوقت اللي يحس الرجل ان محتاج للأسقلاليه تخليه على راحته ولا تضغط عليه بالأسئله لأن هذه دورة طبيعيه للرجل وكل الرجال جذي أولهم زوجي )
*المرأه تحب تحس أنها بأمان وتحب من الرجل أن يسمعها .. ( وأدري اللي تقرين راح تقولين اي والله معاج حق )
*المرأه تحتاج من الرجل بالترتيب الى الرعايه.التفهم.الاحترام.الاخلاص.التصديق.التطمين
*الرجل يحتاج من المرأه بالترتيب الى
الثقه.التقبل.التقدير.الاعجاب.الاستحسان.التشجيع
* يجب على المرأه أن لاتحاول تغير أو تحسن من الرجل ( لانه وقتها راح يحس أن مو مقبول وراح يقاوم محاولاتها لان يحس ان متلاعب به ومرفوض)*معظم الأزواج يبدأون الجدال حول أمر واحد وبعدها بخمس دقائق يتجادلون حول الأسلوب الذي يتجادلون به (بصراحه أنا اولهم )
*عندما يحدث جدال فان الرجل يفعل امرين لتجنب الجدال :
1-القتال: واقصد فيه ان يقلب الموضوع ولازم يطلع اهو اللي معاه حق .
2-الهروب:وهوانه يزعل ويروح وما يكمل الموضوع .
*أما المراة للتجنب الجدال :
1-التظاهر: وهي انها تحاول تتظاهر ان مافي مشكله وتحاول تسكر الموضوع.
2-الأستسلام: عشان ترتاح من المشكله تحاول انها تستلم وتتحمل اللوم .
وطبعا هذه شغلات بسيطه من الكتاب لان في شغلات وايد وايد مهمه لتحسين العلاقات الزوجيه ...
وانا ودي اقولكم أشياء وايد منه بس أحس أني ثقلت عليكم أدري ... (عاد أنا اذا تكلمت ماأسكت ) ..
انا عجبني وجربته صدقوني صدقوني راح ينفعكم اذا فهمتوه عدل ... واسأل مجرب ....
وان شاء الله يعجبكم الموضووووووووع ... على فكرة اسم الكتاب (الرجال من المريخ والنساء من الزهرة ) من أكثر الكتب مبيعا في العالم ...
العرض العادي
