اهداء الى منتدى ود وجميع اعضائه الكريمين

[شامان العتيبي]

مساء الخير


انا عضو جديد عندكم وحبيت اقدم لكم هذه القصيدة مني اهداء الى جميع الاعضاء الكرام



ماني على بدع الطواريق محروج
واليا بدعت القاف زينت معناه
وماكل سباح يبي يقطع الموج
ومن غاص بوسط المحيطات جبناه
والقلب لولا ربطته فارق العوج
يشدي لمنتدى بالشواهيق شفناه
حي المنتدى اللي من الفخر ممزوج
حيه وحي من حطه ومن سواه
اهلا وسهلا به ولا هو بمسهوج
حشمه لمن فيه ونرفع خطاياه
اكرمك بالدر ومخلوط في بلوج
واغلى من العنبر اذا غلي مشراه
انتم سهيل اله مطاليع وبروج
يوم القمر بليلة النصف غطاه
القول له معنى وحشمة ومهروج
عند اللي يفهم جوابه ومعناه
يامنتدى شفني عقب طيبك ادوج
واليا وصلت الرجم عديت بعلاه
وصكة على الريعان فوج بعد فوج
تقدم الطاعات للي قصدناه
ياجعلكم بجنة بها مرج ومروج
يوم الشعر في حظرتكم زان معناه
ذا قول من يلوي على الهرج بهروج
يلوي ولا يلوا على بعض مالواه


وسلاااااااااامتكم

[ملكة الخواطر]

يا هلا فيك وبقدومك في همس القوافي الود
منور بطواريق كل كلمه وكل بيت
ستبقى بقلوبنا النبض الجيد لنقرئك
كما يليق بحضورك الكريم

صح السانك على الاهداء ولك جزيل الشكر

تقبل مروري المتواضع ولي الفخر اول من يرد على قصيدتك

تحيتي واجلال لك

[مــــــدى]

حيّ الله اللي احكم القاف بسروج
......................... تحيـة ٍ ماتلحـق قـدره ومعنـاه

انشهد انها اطيب من حليب الخلوج
......................... واطيـب من الغيـث لانشا بعطاياه

قصيدك يالنشمي كما الطير ايروج
......................... بين معاليـق القلب غشانا وغشيناه

لك صـدر ٍ بالمحل من بنتٍ غنوج
......................... ولك من نفحة العود قدر ٍماذخرناه


حيّاك الله ياشمان , وانشهد انها قصيده تثلج الصدر ,,
وصح لسانك , ولاتكفيك ,,
وحيّاك الله بهمس القوافي وبكل اقسام المنتدى ,, لاتذخر علينا بجزلات القصايد ,,

تقبل تواضع مروري

دمت بوود

[شمس القوايل]

شامان العتيبي

مرحبا الساع وحياك الله ويانا في منتديات الود


سلمت يمناك وصح السانك ع هالابداع كله

صح الله هالقول ومن زانه ووزن حروفه

صح الله من زين لشعر قافهاا واوصافهاا

الله لاهانك ولا هان ابداعك


نرقب الزود من صوبك


اعذب التحايا

شمس القوايل

مثبت

[شامان العتيبي]

ملكة الخواطر بيض الله وجهك على الكلام الطيب ويعطيك العافيه لي الفخر اني هنا عندكم بجد
تقبلي تحياتي

[شامان العتيبي]

مدى
صح لســــــــــــــــــــــــــــــــــــــــــــــــ ــــــــــــــانك مليون
عز الله انك شاعره ولا بهينه بعد صح لسانك واعتلى شانك
وبيض الله وجهك على كل حرف من قصيدتك الابداعيه
تقبلي تحياتي

[شامان العتيبي]

شمس القوايل والله ومليون نعم فيك
بيض الله وجهك على الكلام اللي افتخر فيه
عز الله من اول مادخلت المنتدى وصدري منشرح
يعطيك العافية على ردك اللي يعتبر تاج على صدري
تقبلي تحياتي

[العسجديھ]

حَيَّ آلله وَلَد عَتَيْبًه ,
عَزَّ آلله آنَّـك وَآفٍيْ , وَ قَصِيْدَه جَزْلَه
لَبّى قَلبَك يَ شَآآمَآن َ !











قَرَيْتَك ] وَ سَآبْقَى هنآآ للآبًد [
:)

[شامان العتيبي]

يعطيك العافية يامشرفتنا غيمه بيض الله وجهك على الكلام الطيب واللي اعتبره وسام على الصدر وتاج على الراس تقبلي تحياتي يابنت العز

[صادقـ الاحساس]

يامنتدى شفني عقب طيبك ادوج
واليا وصلت الرجم عديت بعلاه
وصكة على الريعان فوج بعد فوج
تقدم الطاعات للي قصدناه
ياجعلكم بجنة بها مرج ومروج
يوم الشعر في حظرتكم زان معناه
ذا قول من يلوي على الهرج بهروج
يلوي ولا يلوا على بعض مالواه



هلا ارحب ياشامان العتيبي قصيده وافيه وشعر راقي وابداع شعري عذب