بسم الله الرحمن الرحيم
السلام عليكم ورحمة الله وبركاته
بدل ما نبكى بنغنى
انا اللى بكتب الاشعار
ولا الاشعار ...... بتكتبنى
انا اللى بشكى م الاحزان
ولا الاحزان .... شكت منى
انا اللى بشدى بالكلمات نغم صافى
ونفس الحن ....... يقتلنى
وحتى الدمع لما طال
صبح عاده على خدى .... تلازمنى
بتضحك ليه ..؟
وتتبسم .. ؟
ياصاحبى ليه كتير ديما بتسألنى
انا بضحك على الايام
على بكره اللى جاى لينا وبيمنى
والف جرح مدارى
شايلهنا ورا الاحلام
يمد الجرح ..... ويهنى
ويسقينا مراره فى كاس ويسكرنا
بدل ما نبكى .... بنغنى
أدى الدنيا
يا صاحبى بلاش
كتير عنها تيجى تسأل .... وتتعبنى
م / الايميل