كثير الصمت وأشوفه
أبد ماينفع الكتمان
وأنا جيتك من أقاصيه
مشاعر كنت مخفيها
وأسولفلك عن أوضاعي
ومجمل رحلت النسيان
وأبشرحلك خفايا العمر
من أولها لتاليها
أنا واحد من العالم
أعاني قسوة الحرمان
يسافر في بحور الشوق
وتخونه موانيها
يصارع وقتها العاصي
يداري دمعت الاحزان
يناجي طيفه الهاجر
واماني شف طواريها
اعرف القدر مكتوب
واعرف ان الزمن خوان
وحياتي يايبه دمعه
واخاف العين تبكيها
انا مجنون عاشق
والغلا موجود له برهان
سهامه في الحشا عطبه
وصعبه اني اداويها
صروفي قاسيه تجرح
عليها لعنة الشيطان
تخالفني اعاتبها
تلوعني وانا اشكيها
اخاف الوقت يغتال الامل
ويفرق الخلان
وساعات الفرح يابوي
تخذلني ثوانيها
واعيش بزاويه حرجه
واموت بمفردي انسان
وابي احرق اخر اوراقي
مع الذكرا وطاريها
تعبت ولا تلاقينا
تعبت ولا حصل نسيان
وهذي مجمل اوضاعي
وانا ابوهـــــــــا
واسميها
كلمات سمعتها من شخص اعجبتني فأردت ان اضعها هنا
لتقرأوها