الشعر يعني وبعض الاحيان مايعني
والجرح ضيف سكن بي والحشا بيته
الشعر ارضي يوم ان الهم زارعنـي
الشعر نهر شربنـي يـوم صبيتـه
سهَرت وجهي وكف الصبح يصفعني
كني بصمتي جرحتـه يـوم ناديتـه
ياما تحلمت فـي قربـك ولوعنـي
قلـت اتحلـم ببعـدك لـو عانيتـه
يلعن ابو الحلم بس الحين طاوعني؟؟
لو ادري انه بيصدق كـان صحيتـه
ما انته لحالك عشان تقول بايعنـي
كثير كسروا ذراعـي يـوم مديتـه
اكـذب البعـد ليـن الهـم يقنعنـي
كني علي كثر ما اذكرنـي تناسيتـه
قبل انتفارق وتنسي جرحي اسمعني:
وش فايدة كل جرح فـي خليتـه ؟؟
ماقلت لك من (بعد) بعدك يسنعنـي
هلحين شفني عما فالليـل سريتـه
ضايع من الله وطاري البعد ضيعنـي
تبـي تدلـه وطالـع ويـن وديتـه
ياكبر ظلمـك تسافـر ماتودعنـي
ماكنك اللـي ذبحنـي ليـن حبيتـه
كم قلت يا آدمـي بعـدك يروعنـي
وياكـم جـرح يجينـي ماتحريتـه
اذكرني اليا نثرك الشوق واجمعنـي
واذكرني اليا حضنك اسمي وضميته
واذكرني اليا ذكرت الدمـع قطعنـي
وان مر في خاطرك رقمي ودقيتـه
مع السلامه وقبل ماتسافر اسمعني:
تبقي اكثر انسـان بكانـي وحبيتـه
العرض المتطور
