هذي قصيده الي يقراها بتمعن يعرف وش معناها
الموت هين والبلا وش ورا الموت
عند الحساب ....يهون سهم المنايا
باكر نموت وتصبح قبورنا بيوت
وعقب القصور بضيقات الزوايا
فجوف الارض وكل من حولك سكوت
وتعاقبن بالقبر عوج الحنايا
يارب يامنجي نبيك من الحوت
سترك وعفوك يوم كشف الخفايا
باكر ليا جينا على داعي الصوت
شيبان واطفال وشباب وصبايا
ندعي وحنا بين باكي ومبهوت
ورحنا لها ننقاد مثل السبايا
يارب تهديني قبل لحظة الفوت
وتغفر ذنوبي ياكريم العطايا
اشكيك هم داخل الصدر مكبوت
وايامي اللي بالخطايا ملايا
ان لاذ بك من كان طايع ومبخوت
فلمن يلوذ المرتكب الخطايا
يارب ياقادر على كل طاغوت
لاياقف اللي وحدوا بك خزايا
رحماك لا منا صحينا من الموت
وليا وقفنا عند بابك عرايا
وسلامتكم..............
هي باقي لها تكمله بس هذا اللي يحظرني من هذي القصيده وارجو انها تنال رضاكم .
العرض العادي
