القصيده التي اثارت غضب بنات الخليج .. ومعاها ردود

[عـازف أحـزانـه]

هذه قصيده كتبها احد الخليجين بعد قدومه من المغرب خلونا نشوف وش قال :


ياللي تنشد عن علوم الــــــذي طاف .. كل البحور وكل دوله وديـــــره

خذ من علومي علم اوصافه اوصاف .. جزل سمين يشتعل له ســعيده

الزين عقب المغربيات ينــــــــــــعاف ..غيد لهن بالزين ذكره و ســـيره

فيهن حلا طاغي ولين و تــــــــعطاف .. وفيهن حنان يشعل القلب غيره

حلوات وصف وفاهــــمات بالاعراف .. زيننات منطق صافيات السريره

بنات قوم طيبهم غصــــــــــــب ينشاف .. اولاد مغرب بالليل العســـــيره

ياللي تنشد عن علومي بالانصــــــاف .. هرجي يكفي صامله عن كثـــيره


الزين في لميا وتغريد و الطــــــــــاف .. ماهوب في حصهو كشره و منيره

-----------------

الرد اللى يبرد القلب

قال الذي في بدع الامثال صراف .. جزل يفرق بين درهم وليـــره


ياللي مدحت المغربيات بجـــحاف .. الله يجيرك من عماه البصـــــيره


لو تعجبك لميا وتغريد والطــــاف .. مايصلحن لهل الوجيه الســـــفيره


مفصخات و لبسهم حـول الارداف .. وبليس اغواهم بكشف الستيره


متعودات كلهم زيف وخفـــــــــاف .. على التغنج والتعطف وغيره


كل يوم مع صاحب و لافيهم اعفاف .. خويهم اللي فلوسه كثيره


ترى البضايع عده اشكال و اصناف .. وكل ينوخ وسط سوقه بعيره


عز الله ان الطيب في بنت الاشراف .. اللي على الحشمه تربت صغيره


ولا تبين منها كود الاطــــــــــــــراف .. مثل القماشه فالبحور الغزيره


ياللي تدور بالجواهر و الاصـــــــــداف .. الزين كله في بنات الجزيره

-----------

وهذا رد للمرحوم طلال الرشيد (( الملتاع )) .. الله يرحمه

يابن الحلال ان طعتني خل الاســـراف .. واترك جمال الغيد لاهل البصيــــره

الزين موبس في الملامح والاوصـــــاف .. الزين روح وعفه وطيب سيــــــــره

مانيب من يهوى سريا وانصـــــــــــــاف .. انا هواي وبس بنت الجزيــــــــــره

بنت الخليج اللي تماري بالاعــــــــراف .. وحنا نماري باسمها كل ديــــــــره

مالي غرام بقول وخا وبالـــــــــــــــزاف .. اذبحتني عند الطرحه المستديــره

احب قولة ياهلا وعل وماخــــــــــــلاف .. من بنت ثوبي بنت الارض النضيـره

اللي تحلاها الظبي حلو الاطــــــــراف .. جمال في عفه ورقه وغيــــــــــــره

واللي بها سحر مهو سحر عــــــــراف .. ياعل عين ماتراها ضريــــــــــــــــره

عطف وحنان وذوق في لين الاعطــاف .. والى كشفت لثامها شفت أميـــره

صعب على اللي بالردي شاف ماعاف .. وحلوه علىاللي سنه الله ضميــره

شمس الى من اشرقت والدجا طـاف .. غابت نجومك غصب لو هي كثيــره

السيف مايزهى سوى كف سيـــــاف .. والخيل دون حصانها مستخيـــــــره

بس أنت دورلك على قدك لحــــــــاف .. وان طعتني دور بدلنا عشيـــــــــره

أخوكم

عازف احزانه

[فهدالدوسري]

ماقصرت والله وصح لسانك ولسان من ردوا يعطيك العافيه على مشاركتة وننتظر جديدك أخوك فهد

[عـازف أحـزانـه]

هلا فيك اخووي

وصح بدنك يالغالي

وشاكر لك مرورك


اخوك

عازف احزانه

[ورود ذابله]

تسلم
<<<<< شسوي طلع لي وقاعده اشارك باسمج

[عـازف أحـزانـه]

هلافيك اختي

لكم شرفني ردكم ولكم سعدت به


واتمنى ان تواصلوا نشاطكم

لنصل بهذا المنتدى الى القمه


فبردودكم الرائعه زدتم حقا من تشجيعي

!_.-‘^ عـــ أحــزانــه ـــازف ^‘-._!

[نجوم السماء]

سلمت يداك

[البريكيت]

صح لسانك اخوي ولكل الذين ردوا على ذلك الشخص الذي نسى حق عشيرتة وبنات ديرتة
واعتقد انه نسى ان امه من هذه الديار الطيبة
لعله نظر الى عدم تسترهن وخلع ملابسهن فالمرأة ليست لما بين فخذيها فقط
ولكن لاننسى الاخلاق وطيبة النفس
واسف على هذا الرد البذيء ولكن القصيدة اضطرتني الى ذلك لما اكنه من حب واحتراام لبنات بلدنا الحبيب
: اخوك :فوزي البريكيت

[عـازف أحـزانـه]

هلا فيك اختي

(( نجوم السماء )) ...

واخي

(( فوزي ))

لكم شرفني ردكم ولكم سعدت به


واتمنى ان تواصلوا نشاطكم

لنصل بهذا المنتدى الى القمه


فبردودكم الرائعه زدتم حقا من تشجيعي


أخوي فوزي مافيه داعي للاعتذار كلنا نحمل نفس الشعور

!_.-‘^ عـــ أحــزانــه ـــازف ^‘-._!

[خالد الخالدي]

يعطيك الف عافيه وتسلم ...ويسلم كل من رد على هالشخص ،،
والــلــــه يــرحــم ابـــــــوعــبــدالـعـــزيـــز(طلال الــرشيد)ويسكنه الـجـنـه
ومشــكـــــور...،،