السلام عليكم ورحمة الله وبركاته
أعتذر منكم على انقطاعي وكلي لكم شوق
اليكم هذه المتواضعه كبدايه بعد البدايه عسى ان تنال بعض رضاكم...
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
نديبي على اللي ترطن بلوفه فرنجي=ويجاوب الديلكو ترنيمة البوجي
صنع انجليزي محكم ماركة رنجي=كامل وصايف مديل العام منتوجي
لونه عديم الشكل ليموني ترنجي=ومن داخله سكري بالبيج ممزوجي
عليه سيتن يشوق الراكب سفنجي=فوقه اصيل اللذر بالفن منسوجي
كن الشكامين منخر واحدن زنجي=والوجه برطم فتاتن صابغه روجي
نصه لمن يسكن الثقبه ومتمنجي=بيتن بشارع عنيزه عالى بروجي
ان جيت عبد الحكيم الشهم مترنجي=على شدادن وزل ونقشة خروجي
ابشر بحيلن سمان وشاهي اورنجي=يقعد صغا الراس طعمه رايق مزوجي
اشرح له الحال قله ناحل مسنجي=يعطيك حلن يحيل الشده فروجي
خلن ذبحني بلا تخدير او بنجي=شعره حريرن عسل بالكتف مزعوجي
تقتل مريض الهوى بالدل والغنجي=وقلبي من جنود عينه صار مسهوجي
سبحان معطي جماله واحدن منجي=منهو تولع بها من هايج الموجي
بيروتي الوجه سكر والدلع طنجي=ياصاحبي جاك منطوقي ومعروجي
وش طب من صوبه من عينها درجي=ومع زايد الوقت زاد الجرح بفروجي
اخاف جلطه لأني دوم متشنجي=واشوف حالي عقب فرقاه مطعوجي
[/poet]
وسلااااااااااااااااااااااااااااااامتكم
العرض العادي
