السلام عليكم ورحمة الله وبركاته
اخواني هذه قصيده ارجوا ان
تحوز على اعجاب الجميع
ربما تكون اليدين
تخبر عن شيء
ولكن حاول ان تحس
منها حقيقةَََ اعيش بها
هات اليدين وحطها براحت ايدي = ودي اضمها في كفوفي دقايق
باغمض عيوني ولاتقول وش في = باخاطب جنون ٍ من الصمت فايق
وضم اليدين وخلها بالدفا شوي = حاول تلمس من يديني حقايق
حاول وحاول بس لا ياخذك شي = لا ياخذك تفكير بعض الخلايق
وان كنت خايف من زعل ناس بالغي = ناس ٍ بنت بيني وبينك عوايق
ما يمنعونك لو نخوا حاتم الطي = ولو خلو الدنيا تشب بحرايق
بيني وبينك شبٌه منسي ومطوي = افكارنا وحده ولا به فرايق
تنقدني بردك لك النقد مثٌني = اشوف نقدك بالتواصيف لايق
جلست اشوفك شمس واطالعك فْْي = فْي ٍ غدى من دونه الهرج عايق
شفي ظلالك بابتعد عن لضى الكي = شفي سواليفك تجيني غبايق
يوم الله اللي جابك الواحد الحي = كنك فرج صدر ٍ من الهم ضايق
مدام انا الضميان وانته لي المي = لا تشح ياعد ٍ اشوفه واوايق
والكلمه اللي وسط قلبي كما الضي = ماني بقايلها ولو كنت رايق
وان كان تبغاها تجي حس بايدي = يمكن تعلمك اليدين الحقايق