هذي هي الدنيا متاهات وأحزان
كلن يــــــدور راحته ما لقاهـــا
تبي لها صبر مع شوي نسيــــان
مع ضحكة تخفي دموعك وراهـا
ـــــ
حط جرحك وسط قلبي وأستريح
وأرمي همومك علي وخلها
خل واحد منا يصبح جريح
وواحد يعيش الحياة ويفلها
هو صحيح بتكثر جروحي صحيح
لكن جروحك من اللي يلمها
حافظك في وسط عيني ماتطيح
أصلا" إذا طحت عيني من لها؟
ـــــ
قلت هين وكل هوين صار كايد
من وقع فالهوى وأخطاه ضيع دليله
الهوى سمني والحب كله نكايد
والمسافه على من خش بحره طويله
فيه موت وحياة وفيه مفلس وصايد
وفيه جنة نعيم لمن صفاله خليله
ـــــ
أنا قلبي على الفرقاء عصاني
يحبك مايحب إنسان ثاني
تولع فيك في يوم وليله
وربي ياحبيبي بك بلاني
أحبك حب
لو يرمى بصحراء غدت
بنيان وبحور ومواني
وأحبك حب
لو يرمى بغابة نزل
بوحوشها عطف وحناني !
ـــــ
ياللي تعلمني على جدول الضرب
عطني نتيجة ضرب واحد بواحد
وقل لي وش اللي يجمع السلم والحرب
وش فايدتهن لاغدن شيء واحد
وأعلمك ياقبلة الشرق والغرب
وش تعني الدنيا إذا غاب واحد
ـــــ
فوق الجروح اللي بقلبي من سنين
يكفي دخيل الله لا تجرحوني
ما دامكم ما أنتم لجرحي مداوين
أنسوا وجودي بينكم وتركوني
وش من عذابي والعناء مستفيدين
وش مصلحتكم يوم تذرف عيوني
ـــــ
أتخيلك جنبي وأنا أهتف بمسمعك
أقول أحبك خلك اليوم شاهد
يقطع زمان الحب كله ويقطعك
من كثر ما أحبك تحولت حاقد
ليت الوداع يموت لا جيت أودعك
ولا نموت أثنين في وقت واحد
ـــــ
من يجهل أسلوب المكر عاش محتار
ومن يلبس ثياب الكبر مات عاري
والدمعه اللي تحتري حزن الأعذار
ما ظنها تنفع ضعيف المواري
ما للصقر حشمه وقيمه ومقدار
إن كان ما يدمي صدور الحباري
ـــــ
أرجي السنين المقبله تنصف الحال
عقب السنين اللي مضت لي حزينه
مشيت كل دروب الأيام رحال
طال الشقاء والحزم طالت سنينه
وكل من نشدني وقال لي ويش الأحوال
أجامله بالرد وأقووول زينه
ـــــ
يانفس من عزك تكفين عزيه
لا يرخصه يانفس طول الزماني
من قدر العشره يانفس بديه
وسط الضماير منزله والمكاني
واللي قربه شر يانفس خليه
تلقين غيره مايعكس المعاني
يانفس من حبك حيل حبيه
بس أحذري يانفس حب الأناني
ـــــ
كان مات الوفاء في روح وجدانك
عظم الله أجري بالهوى وأجرك
ما أذكر أنك رميت وخان نيشانك
وأنت يا أدمي ماخطيت في عمرك
مايخون الدهر لو خان ميزانك
كل ماطاح قدري شالني قدرك
ـــــ
خط لفاني من رفيق نعزه
القلب دار وداخل القلب مسكنك
ساعة قريته صار فالقلب فزه
وأنت رصيد وعندي أطيب من البنك
وفي ساعة الشدات يوم الملزه
مالك غنى عني ولا لي غنى عنك
ـــــ
لا تحسبني يوم دقيت مشتاق
بس بجرب موقع الصفر وينه
أثر الصفر من بين الأرقام ذواق
رقمك هو اللي بس حرك حنينه
ما جابنا لأرقامكم غير الأشواق
وأحساسنا قبل الصفر عارفينه
ـــــ
أحبك حب لو يدري عنه كل البشر ما نام
سهر كل البشر ليله يفكر كيف حبيتك
أحبك والمشاعر كلها صوبك وله وهيام
أحبك وأنت تدري بي وتدري كم تمنيتك
رسمتك صورة بقلبي بلا ريشه ولا رسام
وشلتك داخل أعماقي بوسط القلب حطيتك
ـــــ
في غربة المشتاق تزداد الأشواق
أزود من أشواق الشقيق لشقيقه
والقلب يصبح من عنى البعد خفاق
وتزداد دقاته بزود الدقيقه
ودقات قلبي ظنتي دقها فاق
مليون دقه بين الثانيه والدقيقه
ـــــ
في سواد العين لك مسكن
ياحبيب القلب يالغالي
كيف أنا بنساك لا يمكن
كيف دونك ينشرح بالي
نام يالمضنون وتطمن
الوفاء عندي ولا يزالي
لين روحي في القبر تدفن
والتعازي تجيك عن حالي
ـــــ
عزاه ياقلب طراله طواري
مع هجعة العالم يدير التفاكير
وهموم قلبي بين بايع وشاري
أليا زل نص الليل جتني طوابير
ياما حلا المسرى وسج الصحاري
والقوت قرص ودلتين مباهير
ـــــ
أعرف صديقك وحذره ألف مره
وحذر عدوك لا يحصلبك مداخيل
ترى الكلام اللي يسبك مضره
يفرحبه اللي ينقل القال والقيل
جلدن ماهو جلدك على الشوك جره
واللي يضيع الصبح لايسري الليل
ـــــ
إذا ماشلت همي من يشيله
وإذا ماشلت همك وش تبي بي
تصير الصداقه كذبه أو وسيله
وتوصل للمصالح يارفيقي
وإذا لي حب ماحس بخليله
هوت شمس المحبة في المغيبي
أبي أوفي دام لي قلب أنتمي له
وبصدق لين عمري ينتهي بي
ـــــ
مهما يجيك الخطاء من رفيقك
حاول تغاضى والخطاء لايجي منك
ترى رفيقك لو وقف في طريقك
مثل الرصيد إن زاد أو قل في البنك
وأعرف عدوك قبل تعرف صديقك
وما لايحس بضيقتك مادراء عنك
ولا تأيد المخطي لو هوووو شقيقك
ـــــ
وش حيلتي مادام حظي عصاني
أصبحت عاجز حاير في مكاني
وخدي بدمع العين ياما كويته
هذا القدر مكتوب والعمر فاني
لكن أمانه كان موتي لفاني
قبري تحطونه على باب بيته
ـــــ
أنفجار عكة سمن
في مطار الدوادمي
وذلك من اثر الربيع
ونتج الأنفجار عن
مقتل عجوز دعجانيه
وأصابة خمس شيبانيات
مراسلتنا
نوير الدغيلبيه
من لبخه وحويته !
ـــــ
كشتة البدو :
1/صجة ولجة
2/أبك صب قهوتك
3/وجع تغطن من زين هالمفرع(فاتشه)
4/لاتحذف ياورع
5/أبك ياورع لاتغدي(لاتضيع)
6/لاتسربون(لاتكبون) الماء
7/ياعقوبتنا من هالذر(البزران) هم
علامهم تناوشوا(راحوا) الجراكل
8/ياورع حول من ظهر الموتر
9/طاااط يالله سرينا !
ـــــ
ليش السبت قبل الأحد؟
لأن البرتقال لونه برتقالي
ليش القمر يطلع بالليل؟
لأن الخطبة دايم قبل العرس
ليش السيارات ألوان؟
لأن البقالات تبيع بيبسي
ليش الكرسي مهوب طاولة؟
لأن الزمن دوار
محششين يذاكرون !
ـــــ
طلبت من المارد
حجر عطاني ماس
طلبت بيت عطاني قصر
طلبت تيس عطاني رقمك !
ـــــ
حوطي مسوي فيها
لبناني سألوه وين فندق
فينيسيا قال هونيك
بالدحديرا !
ـــــ
.. تحياتي
العرض العادي
